جاڭا...

...قايىرىمدىلىق جوباسى كوكشەتاۋ مەملەكەتتىك ۋني­ۆەرسيتەتى مەن «بتا» بانكى في­ليالى باسشىلارى ىنتىماق­تاس­تىق جونىندەگى جاڭا كەلىسىم-شارتقا قول قويدى. – «بتا-دان شاكىرتاقى» قا­يى­رىمدىلىق جوباسى بانك­تىڭ باست­ا­ماسى بويىنشا بي­ىل­عى ما­مىر ايىنان باستاپ ءازىر­لەنىپ, قول­دا­نىسقا ەنگىزىلدى, – دەدى قار­جى ينستيتۋتى كوكشە­تاۋ في­ليا­لى­نىڭ ديرەكتورى باقىت وسپانوۆ. الەۋمەتتىك تۇرعىدان كو­مەك­كە ءزارۋ ستۋدەنتتەردى قولداۋ ماقساتىنداعى شاكىرتاقى ءمول­شەرى – ايىنا 20000 تەڭگە نەمەسە وقۋ جىلى بويىنا 200000 تەڭگەنى قۇرايدى. ول وقۋ ور­نى­نىڭ تاڭداۋى بويىنشا ءبىر نو­مينانتقا ەكى سەمەستر بويى نەمەسە ەكى نومينانتقا ءار سەمەستر سايىن ءبىر-بىردەن تولەن­بەك. سون­داي-اق, جوباعا قاتىسا المايتىن ستۋدەنتتەر «امبە­باپ فاكۋلتەتى» جەڭىلدەتىلگەن نەسيە جۇيەسىن پايدالانا الادى. باقبەرگەن امالبەك, كوكشەتاۋ.   ...كءۇرىش سورتى تۇتىنۋشى سۇرانىسىنا يە   قاراتالدىقتار دالا مار­جا­نى سانالعان كۇرىش داقىلىن ءوسى­رۋدە تاعىلىمدى تاجىريبە جي­ناق­تاپ, ەسەلى ەڭبەك ەتىپ كەلەدى. جىلدان-جىلعا كۇرىش سا­پا­سىن ارتتىرىپ, ءونىم كولەمىن ۇل­عاي­تۋ ۇستىندە. بيىلعى جى­لى اۋدان ديقاندارى 4000 گەكتار القاپقا كۇرىش ەگىپ, مول ءونىم الۋ ماق­سا­تىندا اگروتەح­ني­كالىق شا­را­لار­دى مۇلتىكسىز جالعاستىرعان. ىرىستى ءونىم كۇرىشتى قولعا العانداردىڭ ءبىرى – «وپىتنوە» وندىرىستىك كووپەراتيۆى. شارۋا­شىلىق وڭىرگە «پاك لي», «زاريا», «وپىتنوە», «سۋاك» سەكىلدى اۋ­دانداستىرىلعان كۇرىش تۇقىم­دا­رىن وسىرۋىمەن تانى­مال. ءاسى­رەسە, كۇرىشتىڭ «پاك لي», «زاريا» ءتارىزدى جاڭا سورت­تارى بازار نا­رىعىندا تۇتىنۋ­شى سۇرانى­سىنا يە ازىق-ت ۇلىك قاتارىنان تابى­لادى. سۋ مەن ىستىقتى قاجەت ەتەتىن داقىل تىنىمسىز ەڭبەكتى تالاپ ەتسە, ءونىمنىڭ شىعىم­دى­لىعى ءۇشىن كۇرىشتىڭ ماڭىنا جوڭىشقا ەگىلەدى. بۇل – جەردىڭ  قۇنار­لى­لىعىن جوعالتپاۋعا سەپتىگىن تيگىزەتىن ءتاسىل. «ەڭبەگىنە قاراي – ونبەگى». اۋداندا كۇرىش ورۋ ناۋقانى قىر­كۇيەك ايىنان باستالادى. اۋ­دان ديقاندارى بىلتىر ءار گەكتاردان 38,2 تسەنتنەردەن اق مار­جان السا, بيىل 38,5 تسەنتنەردەن ءونىم الۋدى جوسپارلاۋدا. ال كۇرىشتىڭ «پاك لي», «زاريا» جاڭا تۇقىمدارىنان بۇدان دا مول ءونىم الىناتىنىنا دي­قان قاۋىمى بەك سەنىمدى. كۇمىسجان بايجان, الماتى وبلىسى. ...اۆتوبۋستار باعىتتارعا شىقتى وبلىس ورتالىعىندا جولاۋ­شىلار تاسىمالىمەن اينالى­سا­تىن «اۆتوپارك» جاۋاپكەرشىلىگى شەكتەۋلى سەرىكتەستىگىنىڭ پاركى تا­عى دا جاڭا 30 اۆتوبۋسپەن تو­لىق­تى. ارقايسىسى 4318325 تەڭگە تۇراتىن قىتاي­دىڭ «JAC» مار­كالى اۆتوبۋ­سىنا 100 جولاۋشى ەركىن سيا­دى. قالادا جولاۋشىلار تاسى­مالىنا بايلانىستى جاڭا­دان تەندەر وتكىزۋ كوزدەلۋدە. وسى ماقساتتا قۇرىلعان جۇمىسشى توپ قالاىشىلىك باعىتتار بوي­ىن­شا جۇرەتىن اۆتوبۋستاردىڭ قوز­عا­لىس كەستەسىنە قوسىمشا وزگەرىس­تەر ەنگىزىلمەك. قالادا جاڭا شا­عىن اۋداندار سالى­نىپ, قانا­تىن كەڭگە جايۋىنا, سونداي-اق اۆتو­كولىكتەردىڭ كو­بەيۋى­نە, قوزعا­لىس ەرە­جەلەرىنىڭ ساقتالا بەرمەۋىنە بايلانىستى جولاۋشىلار تاسى­مالدايتىن باعىتتارداعى اۆ­تو­بۋستاردىڭ جۇرۋىنە قيىندىق كەل­تىرەتىن جاعدايلار دا تۋىنداۋدا. جاڭا اۆتوبۋستار قالانىڭ ور­تالىق كوشەلەرىندە جولاۋ­شى­­لار­عا قىزمەت كورسەتەدى. سەرىكتەستىك جولاۋشىلار تاسى­مالى قىز­مەتىن كورسەتۋ ساپاسىن جاقسارتۋ ماق­ساتىندا سىيىمدىلىعى جوعا­رى اۆتوبۋستار ساتىپ الىپ, با­عىت­تارعا جىبەرىپ, قالالىق­تار­دىڭ ري­زاشىلىعىنا بولەندى. سەرىكتەستىك اۆتوبۋس پاركىن وسىنداي قولايلى دا سىيىمدىلىعى جوعا­رى اۆتوبۋستارمەن تولىقتىرۋدى جالعاستىرا بەرەتىن بولادى. ساتىبالدى ءساۋىرباي, اقتوبە وبلىسى.