قامقورلىق دەپ وسىنى ايت

جاراقاتتانۋشىلىق بۇگىنگى كۇنى ەرەكشە كوڭىل اۋدارارلىق ماسەلەلەردىڭ ءبىرى. ولاي دەيتىنىمىز اۋرۋ-سىرقات, ۋاقىتشا ەڭبەك­كە قابىلەتسىزدىك پەن ءتۇبى ولىمگە الىپ كەلەتىن كورسەتكىش بو­يى­ن­شا جاراقاتتانۋشىلىق قاۋى­پى ەكىنشى ورىندا تۇر ەكەن. ناق­تى مالىمەتتەرگە سۇيەنسەك, جىل سا­يىن قازاقستان بويىنشا 600 مىڭ­نان استام ادام ءتۇرلى جارا­قاتتار السا, سونىڭ 22 پايىزىن بالالار قۇرايتىن كورىنەدى. سو­عان وراي تراۆماتولوگيا جانە ورتوپەديا عىلىمي-زەرتتەۋ ين­س­تي­تۋتىندا جاسالىناتىن وپەراتسيالار سانىنىڭ ارتۋىنا بايلا­نىس­تى وپەراتسيالىق, جانساقتاۋ جانە قابىلداۋ بولىمدەرىن كەڭەي­تۋ ماسەلەلەرى اسا جاۋاپتى مىندەت بولىپ وتىر. مۇنداي ماڭىزدى ماسەلەلەردى دەر كەزىندە شەشۋدىڭ ءوزى دە ساۋاپتى ءىس بولاتىنىن بىلگەن ۆەدومستۆو باسشىلارى جۋىر­دا كوڭىلگە قۋانىش ۇيالاتاتىن ءسۇيىنشى حابار ايتتى. ياعني, «سالاماتتى قازاقستان» مەملەكەتتىك باعدارلاماسىن جۇزە­گە اسىرۋ اياسىندا استانادا دەن­ساۋلىق ساقتاۋ مينيسترلىگىنىڭ تراۆماتولوگيا جانە ورتوپەديا عى­لى­مي-زەرتتەۋ ينستيتۋتىندا مي­­نيستر ساليدات قايىربەكوۆا­نىڭ قاتىسۋىمەن جاڭا 4 قاباتتى وپەراتسيالىق بلوك عيماراتىنىڭ اشىلۋ سالتاناتى بولىپ ءوتتى. عيماراتتىڭ جالپى اۋدانى 8 726 شارشى مەتر بولسا, جوبانىڭ جالپى قۇنى 2 ملرد. 682 ميلليوننان استام تەڭگەنى قۇرايدى. جاڭا وپەراتسيالىق بلوك عي­ماراتى قابىلداۋ-دياگنوس­تيكا­لىق, وپەراتسيالىق, انەستەزيولو­گيا­لىق, جانساقتاۋ جانە ينتەنسيۆتى تەراپيا, ورتالىق زارار­سىز­داندىرۋ جانە كىر جۋ ءبولىم­دەرىنەن تۇرادى. قابىل­داۋ-دياگنوستيكالىق ءبولىمى جەدەل جانە جوسپارلى تۇردە اكە­لىنەتىن ناۋقاستاردى قابىل­داۋعا, الدىن-الا دياگنوز قويۋعا جانە ەمدىك كومەك كورسەتۋگە ارنالعان. ال وپەراتسيالىق بلوك­تا اۋانىڭ لامينارلى اعىنى قامتاماسىز ەتىل­گەن 9 «تازا» وپەراتسيالىق زال بار جانە وندا ەڭ وزىق قۇ­رال-جابدىقتار ور­ناتىلعان. وندا بۋىندار اۋىر­عاندا نەمەسە جاراقات العان كەزدە, ومىرت­قانىڭ تۋا بىتكەن نەمەسە جۇرە پايدا بولعان اۋرۋ­لارىن جوعار­عى تەحنولوگيالار كومەگىمەن ەمدەۋگە مۇمكىندىك جاسالعان. اراي ۇيرەنىشبەكقىزى.