شەبەرلىك شىڭداعان ءدۇبىرلى دودا

اتىراۋدا مەملەكەتتىك قىزمەتشىلەردىڭ رەسپۋبليكالىق سپارتاكياداسى ءوتتى اتىراۋدا بۇعان دەيىن رەس­پۋب­ليكالىق دەڭگەيدە مەملە­كەت­­تىك قىزمەتشىلەردىڭ مۇنداي سپورت­تىق سايىسى وتكەن ەمەس-ءتى. ەل­باسى نۇرسۇلتان نازارباەۆ­تىڭ بيىلعى جولداۋىندا اتاپ كور­سەتىلگەن «سالاماتتى قازاق­ستان» باعدارلاماسى اياسىندا ەل تاۋەل­سىزدىگىنىڭ 20 جىلدىق مەرەكەسىنە ارنالعان ءبىرىنشى رە­س­پۋب­ليكالىق سپارتاكياداعا بار­لىق وبلىستار­دىڭ, استانا مەن ال­ماتى قالا­لارى­نىڭ كوماندا­لارى قاتىستى. ءبىر مىڭعا جۋىق مەملەكەتتىك قىز­­مەتشىلەر سپورت­تىڭ 6 ءتۇرى­نەن, ياعني, 4 كۇن بويى ۆولەيبول, باسكەتبول, كىشى اياق دوپ, ۇستەل تەننيسى, بيليارد جانە توعىزقۇما­لاق­تان باق سىناستى. مەملەكەتتىك قىزمەتشىلەردىڭ رەسپۋبليكالىق ءبىرىنشى سپارت­ا­كيا­داسى وبلىس ورتالى­عىن­داعى يساتاي-ماحامبەت اتىنداعى الاڭ­دا جالاۋىن كوتەردى. سالتا­ناتتى شارا­عا جينالعاندار ەلىمىز بو­يىن­­شا قول­عا الىنىپ جاتقان سپورت­تىق شاراعا قىزۋ قولداۋ كور­سەتتى. «ءبىز­دىڭ ماق­ساتىمىز – مەملەكەتتىك قىز­مەتشى­لەردى ۇيىت­قى قىلا وتىرىپ جالپى حالىق­تىڭ سپورتقا, سول ار­قىلى سالامات­تى ءومىر سالتىنا ءۇن­دەۋ. سول ارقى­لى باسەكەگە قابىلەت­تى دەنى ساۋ ۇرپاق تاربيەلەۋدى ناسيحاتتاۋ», – دەدى سپارتاكيادانى ۇيىمداس­تىرۋعا اتسالىسقان تۋريزم جانە سپورت مينيسترلىگى سپورت كوميتەتى توراعا­سىنىڭ ورىن­باسارى مالىك ساپاشەۆ. وتكەن اپتادا ءۇش كۇندىك سپورت­تىق سايىستار اتىراۋداعى 2 ستاديون مەن 4 سپورت كەشەنىن ءدۇرىل­دەتىپ تۇردى. بۇل نىسان­دار­دا مەملەكەتتىك قىزمەتشىلەر شەبەرلىگىن شىڭداي­تىن شيراق­تىق تانىتتى. ءار وڭىردەن جەڭىم­پاز اتانباققا ۇمتىلعان سەرگەك كوڭىلدى سپورت­شى­لار وتە جاقسى دايىندىقپەن كە­لىپتى. مۇنى ءتو­رە­شى­لەر مەن سپورت ماماندارى ارنايى اتادى. ماسەلەن, اتى­راۋ­لىق مەملەكەتتىك قىزمەتشىلەر كىشى اياق دوپ سايى­سىندا بارلىق كوماندانى شاڭ قاپ­تىردى. ال­ما­تىلىق جىگىتتەر باس­كەتبول سا­يى­­سىندا وزگەلەردەن وق بويى وزىق تۇرىپ, ءبىرىنشى ورىن­دى يەلەندى. ناق وسى سايىستا ماڭعىس­تاۋلىق قىزداردىڭ باعى جان­دى. ۆولەيبولدان تارتىس­تى ءوت­كەن جارىستا تاعى دا اتىراۋ­دىڭ جىگىتتەر كو­مانداسىنا تەڭ كەلەر قار­سىلاس تابىلعان جوق. قىز­دار ارا­سىندا شى­عىسقازاق­ستان­دىق قىز­دار ۆو­لەيبول­دىڭ شەبەرى ەكەندىگىن باي­قاتتى. تو­عىز­قۇما­لاق­تا قاراعان­دى وب­لىسى­نان كەلگەن جىگىتتەردىڭ ابى­رويى اسقاقتا­دى. وسى سايىستا اتى­راۋ­لىق ارۋلار ءبىرىنشى جۇلدەنى ەنشىلەدى. جالپى الماتىلىق كوماندا­نىڭ ەنشىسىندە جەڭىستى جاقىنداتا ءتۇس­كەن ۇپاي­لار ۇستەل تەننيسى مەن بيليارد ويىندارىندا ۇستەمەلەنە ءتۇستى. بۇل كوماندا سپورتتىڭ وسى تۇرلەرىنەن جەڭىس­تىڭ بيىك تۇعىرى­نا كوتەرىلدى. ارينە, ءبىرىنشى ءجۇل­دە ال­ما­دى دەگەنىمىز بولماسا, وزگە ءوڭىر­لەردىڭ سپورت­شىلارى دا جاق­سى ءناتي­جەلەر كورسەت­تى. مۇنى, ءاسى­رەسە, قاراعاندى, شى­عىس قا­زاق­ستان, ماڭ­عىستاۋ وڭىرلەرى­نىڭ كوماندا­لا­رىنا بايلانىستى اي­تىپ وتىرمىز. ويتكەنى, وسى وب­لىس­تاردىڭ ەنشىسىندە ءبىر التىن مەدالدان بار. ال اتىراۋ جانە ال­ماتى وبلىستارى ءۇش التىن مە­دالدى يەلەندى. بۇعان قوسا اتى­راۋلىق كومان­دانىڭ قور­جىنىنا 6 كۇمىس مەدال ءتۇستى. سول سەبەپتەن اتىراۋ وبلى­سى­نىڭ كو­مان­داسى جالپىكوماندالىق ەسەپ­تىڭ قورى­تى­ندىسىمەن ءبىرىنشى ورىنعا لا­يىق دەپ تابىلدى. كۇمىسى بول­­ما­عانمەن, 3 التىنعا قوسا 3 قولا­سى بار الماتى وبلىسى ەكىنشى ءجۇل­­دەنى مىسە تۇتتى. شىعىس قا­زاقستان وب­لىسىنىڭ كوماند­اسى­نا ءۇشىنشى ورىن بۇيىردى. سپارتاكياداعا قاتىسۋشىلار مۇن­داي سايىستىڭ جىل سايىن وتكەنىن قالايدى. ماسەلەن, ەكى­باس­تۇزدىق رۋسلان قونىسبايدىڭ پىكىرىنشە, مەملەكەتتىك قىزمەت­شى­لەردىڭ سالا­ماتتى ءومىردى ۇس­تان­عانى ءجون. «ءبۇ­گىن ءبىز ەلىمىز­دىڭ ءار تۇكپىرىنەن ءبىر الاڭعا جي­نالىپ, ءبىر بىرىمىزبەن تا­نىستىق. ءتۇرلى سپورت سايىس­تارىن­دا شەبەرلىگىمىزدى تانىتۋ­دامىز. ءبىز كەيىنگى ۇرپاققا وسىلاي ۇلگى كور­سەتەمىز. مۇنداي سايىستار حا­لىق­ارالىق دەڭگەيدە ءوت­كىزىلسە, ءوز­گە ەلدەردەگى ارىپتەس­تەرى­مىزبەن تەك كاسىبي تۇرعىدا عانا ەمەس, سپورت­تىق جارىستاردا دا باسەكە­لە­سە الار ەدىك. ويتكەنى, قازاق­ستان­دىق مەملەكەتتىك قىزمەتشى­لەر تەك مەم­لەكەتتىك قىزمەتتى ات­قارىپ قانا قوي­ماي, سپورت ويىندارىن دا جاقسى ويناي الادى», –  دەدى ول. – سايىستار وتە جوعارى دەڭ­گەيدە ءوتتى. ءبىزدىڭ كوماندا مۇشە­لەرى اتىراۋعا العاش رەت كەلگەندىكتەن, قالامەن تانىسۋعا دا ۋاقىت تابىلدى. ءوزىم دە كىشى اياق دوپ كو­مانداسىندا الاڭعا شىق­تىم. تورە­شى­لەر ءادىل تورەلىك ەتتى, – دەدى ال­ما­تى وبلىسى اكىمى ورىنبا­سارى­نىڭ كومەكشىسى سايات ساحمۋلدين. مۇنداي پىكىردى ماڭ­عىستاۋ­لىق, قا­را­عاندىلىق, جام­بى­لدىق مەملەكەتتىك قىزمەتشىلەر دە ءبىلدىردى. جۇلدەلى ورىندارعا يە بولعان وبلىستار كوماندالارىنا ارنايى كۋ­بوك پەن سپارتاكيادا مەدال­دا­رىن اتىراۋ وبلىسى اكىمىنىڭ اپپارات جەتەكشىسى اسقار كەرىموۆ تا­بىس­تادى. تۋ­ريزم جانە سپورت مي­نيستر­لىگى سپورت كوميتەتى ءتور­اعاسىنىڭ ورىن­باسارى مالىك سا­پاشەۆتىڭ پىكىرىنشە, مەملەكەتتىك قىزمەتشىلەر ارا­سىن­داعى رەسپۋب­لي­كالىق سپارتاكيادا ەندى جىل سايىن وتەتىن بولادى. جولداسبەك شوپەعۇل, اتىراۋ وبلىسى. سۋرەتتە: سپارتاكيادا سايىس­تارى شەبەرلىك شىڭدادى. سۋرەتتى تۇسىرگەن تەمىرلان سۇلتانعازيەۆ.