ەلوردا– تاۋەلسىزدىكتىڭ بويتۇمارى

بۇگىنگى قازاقستان – الەۋمەتتىك-ەكونوميكالىق دامۋى قارقىندى, قوعامدىق-ساياسي قۇرىلىمى بەرىك, بار­لىق كەدەرگىدەن ءوتىپ, تۇراق­تى­لىق پەن ىنتىماقتىڭ, ءبىر­لىكتىڭ تۋىن تىككەن, الەم تا­نى­عان ەل. سول ەلدىگىڭدى اينا­لا­ڭا مويىنداتۋ قيىننىڭ قيى­نى. ءبىز ەل بولعانىمىزدى الەمگە مو­يىنداتتىق. وندا ەلباسىنىڭ ەرەن ەڭبەگى, سارا ساياساتى ولشەۋسىز! بۇل حا­لىقتىڭ مەرەيىن ارتتىرىپ, كوكبايراق­تىڭ استىنا تىعىز توپتاستىرا ءتۇستى. ەلباسىنىڭ ساليقالى ساياساتىنىڭ ارقاسىندا قازاقستان حالقىنىڭ ءال-اۋ­قاتى جاقسارىپ, ەكونوميكالىق دامۋ قا­ر­قىنى ەسەلەندى. بۇگىندە الەم الپاۋىت­تارىمەن يىق تىرەستىرە ورلەۋىمىز دە ۇلت كوشباسشىسىنىڭ جەمىستى ەڭبەگى. تاۋەل­سىزدىك العان 20 جىل ىشىندە قازاق ەلىنىڭ الەم قاۋىمداستىعى الدىنداعى باعىت-باعدارى ايقىندالىپ, ەكونومي­كا­لىق ساياساتى ناقتىلاندى. از جىلدا قا­زاق­ستاننىڭ قول جەتكىزگەن جەتىستىگى تۋ­رالى فرانتسۋزدىق مارتين ستيفف «كە­ڭەس وداعى ىدىراپ, كوممۋنيزم قۇلاعان سوڭ قازاقستان نەبارى جيىرما جىلدا تاۋەل­سىز مەملەكەت بولىپ قۇرىلدى. بۇعان دەيىنگى قازىرگى زامان تاريحىندا ول ەش­قاشان تاۋەلسىز بولىپ كورمەگەن ەدى. دەمو­كراتيانى, ساياسي سانالىلىق پەن ەركىن نارىقتىق ەكونوميكانى قۇرۋ­دى ءنول­دەن باستاۋعا تۋرا كەلدى. وسىنى ەسەپكە الا كەلگەندە, قازاقستان بۇل سالالاردا وسۋگە قول جەتكىزدى, اسا ۇزدىك جانە وڭ تابىس بولدى», دەپ جازدى. بۇ­دان دا تەرەڭ ايتىلعان پىكىرلەر قانشاما. بۇگىندە استانا كۇنىن مەرەكەلەۋ ارقىلى قازاقستاندىقتاردىڭ بويىندا ءوز وتانىنا دەگەن ماقتانىش سەزىمىن وياتۋعا, بولاشاعىنا سەنىممەن قاراۋعا, ازا­مات­تاردىڭ مەملەكەت بولاشاعىن قۇ­رۋ تۇسىنىكتەرىن قالىپتاستىرۋعا ءمۇم­كىن­دىك تۋدى. استانا – بۇل كەڭ دالاداعى جاي قالا عانا ەمەس, ساياسي ەرىك-جىگەر كو­رىنىسىنىڭ نىشانى. ونىڭ كەلەشەگى جاڭا عاسىردىڭ ەنشىسىندە جاتىر. قازىر الەم ەلدەرىمەن تەرەزەمىز تەڭەستى. كوركەيگەن ەلگە اينالدىق. ۇرپاعىمىز ماقتان تۇتاتىن قالا ورنىقتى. جىل سايىن استانا كۇنىن مەرەكەلەپ كەلەمىز. بۇل استا­نا­لىقتاردىڭ عانا ەمەس, بۇكىل قازاق­ستاندىقتاردىڭ مەرەكەسى ەكەنى داۋسىز. ارقا توسىنەن الەمگە تاڭداي قاقتىر­عان جاڭا استانانىڭ سالىنعانى ەلباسى «ەركە ەسىل جاعاسىندا بوي كوتەرگەن, ەرەكشە ساۋلەتتى لاندشافتى بار, بىرەگەي مۇسىندىك نىشاندارى ساپ تۇزەگەن, جو­عارى تەحنولوگيالى, بولاشاققا قول سوزعان, وزگەنى سىيلاپ, ءوزىنىڭ جاڭا اس­تا­نا­سى مەن ءوز ەلىن شەكسىز ماقتانىش تۇتا­تىن كوپ ۇلتتى جانە كوپ ءدىندى حالقى بار اسەم دە مەيىرلى استانا ... ءبىزدىڭ استانا ساۋلەت ونەرىنىڭ جاۋھار تۋىندىلارىنا, ۇزدىك ۇلگىدەگى ەسكەرتكىشتەرىنە, الۋان گۇلدەرمەن ورنەكتەلگەن باۋ-باقشاعا ورانعان, شىعىس پەن باتىستىڭ ەڭ وزىق, رۋحاني قۇندىلىقتارىن تال­عام­مەن بويىنا جي­نا­عان جوعارى مادەنيەتتى قا­­لاعا اينالدى», دەپ اتاپ كورسەتەدى. بۇعان الىپ قوسارىمىز جوق. استانانى كورگەن كەز كەلگەن ەستەتيكالىق تال­عام يەسى قازاق دەگەن حا­لىقتىڭ استانا دا سالا الا­تىنىن, «وردا» دا تۇر­­عىزا الاتىنىن جال­پاق الەمگە پاش ەتكەنىن ەرەكشە سەنىممەن قابىل­دايدى. مىنە, وسى تابى­سى­مىزدى جاس ۇرپاقتىڭ ساناسىنا جەتكىزۋ ۇستاز­داردىڭ ەنشىسىندە ەكەندىگى انىق. وسى ورايدا وڭىردەگى بالالار ءۇيى مەن مەكتەپتەردە «قازاقستان – بىرلىك پەن ىنتىماق­تىڭ مەكەنى», «استانا – حا­لىق­­تىڭ رۋ­حاني-مادە­ني ور­­تالىعى», «ءبىز اس­تا­ناعا قاراپ وي تۇزەي­مىز», تا­عى باسقا تا­قى­رىپ­تاردا ءدوڭ­گەلەك ءۇس­­تەل­دەر, جيىن­­دار ءوت­كىزىپ, ەلىمىزدىڭ وركەندەۋى مەن گۇل­دەنۋىنە باي­لانىستى دەرەك پەن دايەكتى ورتاعا سالدىق. اسىرەسە, جا­س­تاردىڭ جىگەرلى ءسوزى ۇلكەن اسەرگە بولەدى. جەتىسۋ جەرىندە وسىنداي ءبىلىمدى, بىلىكتى جاس­تاردىڭ قا­لىپ­تا­س­قانى قۋانتادى. ەل تاۋەل­سىز­دىگىنىڭ 20 جىلداعى جەتىستىكتەرىنە جان-جاقتى توق­تالىپ, جاستاردىڭ ەلجان­دى­لىق قا­سيەتتەرىن وياتۋ­دى باس­شىلىققا العان جۇمىسىمىز ءوز جەمىسىن بەرگەنى ۇلكەن باقىت. گۇلنار ەرمەكباەۆا, الماتى وبلىستىق بالالار قۇقىقتارىن قورعاۋ دەپارتامەنتىنىڭ ديرەكتورى. الماتى وبلىسى.