الماتى بيۋدجەتى 8 ميلليارد تەڭگەگە ۇلعايدى

وتكەن اپتا سوڭىندا الماتىدا قالالىق ءماس­ليحاتى ءىV شا­قى­رىلىمىنىڭ ححححV سەسسياسى ءوتىپ, قالانىڭ 2011-2013 جىل­دارعا ارنالعان  بيۋدجەتى جايلى ماسەلە قارالدى. ءماسليحات بارىسىندا الماتى قالاسىنىڭ ەكونوميكا جانە بيۋد­جەتتىك جوسپارلاۋ باسقارما­سى­نىڭ باستىعى ساردار قابدولوۆ قالا­نىڭ تابىسى 8 ميلليارد 132 958 مىڭ تەڭگەگە كوبەيگەنىن ءما­لىم­دە­دى. بۇل قاراجات قالانىڭ ەڭ باسىم باعىتتاعى شارالارىن ءجۇ­زەگە اسى­رۋعا جۇمسالادى. ولار­دىڭ قا­تارىندا ءبىلىم عي­ما­رات­تا­رىن ءجون­دەۋ, تۇرعىنداردى الەۋ­مەتتىك جا­عىنان قامتاماسىز ەتۋدى دامىتۋ, تۇرعىن ءۇي-كوممۋنالدىق شارۋا­شىلىقتارى, تابيعاتتى پاي­دالانۋ سياقتى كوپتەگەن نى­سان­دار بار. تولايىم العاندا,   2011 جىل­عى قالانىڭ ناقتىلانعان جالپى بيۋدجەتى 309 ميلليارد 969 ميلليون 744 مىڭ تەڭگەگە جەتتى. ناق­تى قولدانىستاعى بيۋدجەت 261 ميل­ليارد 329 ميلليون 835 مىڭ تەڭ­گەنى قۇرايدى. الماتى قالا­سى­نىڭ اكىمى احمەتجان ەسىموۆ قالانىڭ وتكەن جىلعى بيۋدجەتى 264 ميلليارد بولعاندىعىن ەسكە سالدى. – ۇستىمىزدەگى جىلى جەرگىلىكتى بيۋدجەت 31,7 ميلليارد تەڭگەگە ءوستى. الدىن الا مالىمەتتەرگە قاراعاندا, جارتى جىلدىڭ ىشىندە قالا ءوندىرىسى وتكەن جىلعى وسى كەزەڭمەن سالىستىرعاندا 20 پاي­ىزعا كوتەرىلدى. ىسكەر ورتا جۇمىس ىستەپ جاتىر, سوندىقتان دا سالىق ءتۇسىمى دە كوبەيۋدە. مەنىڭشە, بۇل ۇدەرىس ساقتالادى. وسىعان سايكەس, كەلەسى جارتى جىلدىقتا تۇسەتىن پايدا الدىڭعى جارتى جىلدىققا قاراعاندا جوعارى بولادى, – دەدى قالا اكىمى. سونداي-اق, جيىن با­رى­سىندا ءماسليحات دەپۋتاتتارى «باقاي» شاعىن اۋدانىنىڭ اتىن اۋىستىرۋ تۋرالى ۇسىنىستى ما­قۇل­داپ, ول «جاس قانات» اتاندى. ايناش ەسالي, الماتى.