جاسامپازدىق ناتيجەسى

بۇل كۇندەرى قازاقستان پارلامەنتشىلەرى ەقىۇ پار­لامەنتتىك اسسامبلەيا­سى­نىڭ جىل سايىنعى 20-سەس­سياسى ءوتىپ جات­قان بەلگرادتا (سەربيا) تۇراق­تى كوميتەت وتىرىستارى ايا­سىن­داعى ساي­لاۋدى بايقاۋ ءجو­نىندەگى ميسسيالار ەسەپتەرىن تال­قىلاۋعا قاتىستى, دەپ حا­بار­لادى پار­لامەنت سەناتى­نىڭ باس­پا­سوز قىزمەتى. ەقىۇ ميسسياسىنىڭ باس­شى­سى, قىسقا مەرزىمدى باي­قاۋشىلاردىڭ ۇيلەستىرۋشىسى ت.پيتسۋلا قازاقستاندا وتكەن پرەزيدەنتتىك سايلاۋ تۋرالى اق­پاراتتى تانىستىردى. قازاقستاندا وتكەن پرەزيدەنتتىك سايلاۋدىڭ ناتيجە­لەرىن جوعارى باعالاعان حورۆات پارلامەنتشىسى سايلاۋ ۇدە­رىس­تەرى­نىڭ اشىقتىعىن جانە قازاق­ستاندىق بيلىك تاراپى­نان حا­لىق­ارالىق بايقاۋشى­لارعا جان-جاقتى كومەك كور­سە­تىل­گە­نىن اتاپ ءوتتى. ەقىۇ پا ۆيتسە-پرەزيدەنتى ا.كوزلوۆسكي, نيدەرلاندى دەپۋ­تاتى د.چورۋز, بەلارۋس پارلامەنتشىسى ۆ.گۋمينسكي ت.پيتسۋلاعا قولداۋ ءبىلدىردى. تالقىلاۋ بارىسىندا ءسوز العان پارلامەنت سەناتىنىڭ دەپۋتاتى ءادىل احمەتوۆ پرەزيدەنتتىك سايلاۋداعى قازاقستان باسشىسى ن.نازارباەۆتىڭ جە­ڭى­سى «ادىلەتتى جانە ەكونومي­كا­لىق قۋاتتى, الەۋمەتتىك تۇراق­تى جانە دەموكراتيالىق مەملەكەت قۇرىلىسىنداعى كورنەكتى جاسامپازدىق قىزمەتىنىڭ شى­نا­يى ناتيجەسى بولدى», دەپ اتاپ ءوتتى. ءا.احمەتوۆ اتاپ وتكەندەي, قازاقستان الداعى ۋاقىتتا قو­عامدى ودان ءارى دەمو­كراتيا­لاندىرۋ سالاسىنداعى جاڭعى­رۋ­لاردى جالعاستىرۋعا نيەتتەنىپ وتىر. وسىعان بايلا­نىس­تى دەپۋتات پرەزيدەنت ن.نا­زار­باەۆتىڭ يناۋگۋراتسيا­داعى ءسوزى­نەن ءۇزىندى كەلتىردى: «...كەلەسى پارلامەنتتىك سايلاۋدان باستاپ پارلامەنت ءبىزدىڭ كونس­­تيتۋ­تسيا­مىزدا جازىلعان­داي, كوپپار­تيا­لى بولادى. بۇ­قارالىق اق­پارات قۇرالدارى­نىڭ ماسەلە­لەرى, بۇكىل الەم­دەگى­دەي, سىزدەر­دىڭ نازارلارى­ڭىزدا بولادى...». بۇل كۇندەرى بەلگرادتا ءوتىپ جاتقان ەقىۇ پارلامەنتتىك اسسامبلەياسىنىڭ جىل سايىنعى سەسسياسىنىڭ باستى تاقىرىبى «ەقىۇ تيىمدىلىگى مەن ىسكەرلىگىن نىعايتۋ: استانا سامميتىنەن كەيىن جاڭا ستارت» دەپ اتالادى. وتىرىسقا سەناتتىڭ حا­لىق­ارالىق قاتىناستار, قورعا­نىس جانە قاۋىپسىزدىك كومي­تەتى­نىڭ توراعاسى قۋانىش سۇل­­تانوۆ باستاعان قازاق­ستاندىق پارلامەنتشىلەر ءادىل احمەتوۆ, سۆەتلانا بىچكوۆا, تولەبەك قوسمامبەتوۆ قا­تىسۋدا.