ەمدەۋ سالاسى جاقسارماق

الماتىدا اكۋشەريا, گينەكولوگيا جانە پەريناتولوگيا عىلىمي ورتالىعىندا (اگجپعو) «سالاماتتى قازاقستان» مەملەكەتتىك باع­دار­لاماسى اياسىندا رەپرودۋكتيۆتىك جاستاعى ايەلدەرگە كومەك كور­سەتۋ ساپاسىن جاقسارتۋ ماقساتىندا «گينەكولوگياداعى جاڭا تەحنولوگيالار» اتتى حالىقارالىق عىلىمي-تاجىريبەلىك كونفەرەنتسيا ءوت­تى. بەس كۇن بويى وتكەن كونفەرەنتسيا جۇمىسىنا ەلىمىزگە تانىمال اكۋشەر-گينەكولوگ عالىمدار, دەنساۋلىق ساقتاۋ سالاسىنىڭ ۇيىم­داستىرۋ­شىلارى, رەسپۋبليكانىڭ بارلىق وڭىرىنەن كەلگەن ماماند­ار, رەسەي, فرانتسيا, شۆەيتساريادان – 200-گە جۋىق دەلەگات قاتىستى. كونفەرەنتسيا تاقىرىبى ايعاق­تاپ تۇرعانداي, قازاقستاندا ەندو­سكو­پيا­لىق حيرۋرگيا سالاسى قالىپ­تاسا باس­تاعالى از ۋاقىت وتسە دە, بۇل سالادا ەلەۋلى وزگەرىستەر بار. ماسە­لەن, اگجپعو بازاسىندا 7 جىل كو­لەمىندە رەسپۋبليكالىق ەن­دو­سكوپيا­لىق گينەكولوگيا ورتا­لى­عى قىزمەت ەتۋدە. ورتالىقتا رەسپۋبليكا ءدارى­گەر­لەرىنە تاقىرىپتىق تسيكل­­دەر وتكى­زىلىپ, 100-دەن استام ما­مان دايىن­دال­دى. تەك­سەرۋ­لەردىڭ ۋلترادى­بىس­تىق, اسپاپ­تىق جانە ەندوسكوپيالىق ادىستەرىن قول­­دانۋ ءتۇرلى جاستاعى ايەلدەردە اۋ­رۋدى ەرتە ايقىنداۋعا ءوز كومەگىن تي­گىزۋدە. بىرقاتار گينە­كو­لوگيالىق وپە­را­­تسيالاردى شاعىن ءينۆازيۆتى ءادىس­تەر­مەن ورىنداۋ ايەلدىڭ بالا تۋ مۇشە­سىن ساقتاپ قالۋدا ەرەكشە ءرول اتقارۋ­دا. ءبىر ايتا كەتەرلىگى, قازىرگى ۋاقىتتا لاپارو­سكو­پيا­لىق وپەرا­تسيا­لىق جۇيە­مەن بارلىق وبلىس ورتالىقتارى جاب­دىقتالعان. ودان باسقا, كوپتەگەن مە­دي­تسينالىق مەكەمەلەردە لاپاروسكوپيا جەدەل ءجار­دەم رەجىمىندە وتكىزىلۋدە. كونفەرەنتسياعا قاتىسۋشىلار­دىڭ ايتۋىنشا, جاڭا تەحنولوگيا­لاردى ەنگىزۋ وپەراتسيادان كەيىنگى ناۋ­قاستىڭ اۋرۋحانادا جاتىپ ەمدەلۋ مەرزىمىن ازايتۋعا, ەم باعاسىن ءتو­مەن­دەتۋگە, باكتەرياعا قارسى جانە اۋىرتپايتىن پرەپاراتتارعا كەتەتىن شىعىندى قىسقارتۋعا, كوسمەتيكالىق تيىمدىلىكتى جانە ناۋ­قاستاردى تولىق وڭالتۋعا ءمۇم­كىندىك بەرگەن. قازاقستاندا العاش رەت اگجپعو بازاسىندا وتكەن بىرەگەي كونفەرەنتسيا ەرەكشەلىگى – جيىن كورسەتىلىمى ون-لاين رەجىمىندە ءوتىپ, ياعني بار­لىق ءمۇد­دەلىلىك تانىتقان ماماندار ءوز وب­لىستارىنان شىقپاي-اق قا­تى­سا الدى. سونداي-اق الەمنىڭ جەتەكشى كلينيكا­لارىنىڭ وپەراتسيا ءبول­مەسىنەن تەلە­كوپىرلەر جۇرگىزىل­گەن. بەلگىلى شەتەل عالىمدارىنىڭ قاتى­سۋىمەن ينتەراكتيۆتى وقۋ سيمپو­زيۋ­مى وتكىزىلدى. دەنساۋلىق ساقتاۋ مينيسترلىگى, اگجپعو, قازاقستاننىڭ اكۋشەر-گينەكولوگتار قاۋىمداستىعى فار­ماتسەۆ­تيكالىق كومپانيالاردىڭ قول­داۋى­مەن ۇيىمداستىرىلعان سا­لي­قالى جيىن­دا عىلىمي جەتىستىك­تەردىڭ پراك­تيكالىق تاجىريبەمەن الماسۋ قورى­تىن­دىسى شىعارىلىپ, جاڭا جەدەل ەمدەۋ جانە ديا­گنوس­تيكالىق تەحنولوگيالار ۇسىنىلدى. گۇلزەينەپ سادىرقىزى.