08 شىلدە، 2011

سۋىقسايداعى قاربالاس تىرلىك

234 رەت كورسەتىلدى
جەتىسۋدىڭ اسەم تابيعاتى مەن ءمولدىر سۋى ادام دەنساۋلىعىنا پاي­داسىمەن قاتار مال شارۋا­شى­لى­عىن دامىتۋعا دا اسا قو­لايلى. نارىقتىق قاتىناستىڭ ال­عاشقى جىلدارىنداعى قيىندىق­تا اق­سۋلىق يگور كۋزنەتسوۆ ساۋ­دا-ساتتىقپەن، تاعى باسقا تابىس تاباتىن كوزدەردى ىزدەستىرىپ، تەر توگىپتى. سول تۇستا ەڭبەكتىڭ قۇر كەتپەيتىنىنە كوز جەتكىزگەن. سو­ڭىن­دا مال ءوسىرىپ، ەگىن سالۋدىڭ تيىمدىلىگىن ءبىلىپ، وعان دەن قويىپتى. ناتيجە جامان ەمەس. ونىڭ ۇستىنە كەدەندىك وداقتىڭ نىعايۋى وتاندىق اگروونەركاسىپ­تىڭ تۇبەگەيلى وزگەرۋىن تالاپ ەتسە، اۋىلشارۋاشىلىق ونىمدەرىن ءوڭ­دەۋ جانە ونىڭ باسەكەگە قابىلەت­تى­لىگىن ارتتىرۋ ماسەلەسى كۇن ءتار­تىبىنە وتكىر قويىلعانى دا ونىڭ جىگەرىن جانىعان. قازىر جۇمىس ءتاسىلىن وزگەرتەتىن كەز كەلگەندىگىن شارۋالار شەتىنەن جاقسى ءتۇسىن­گەن­دەي. اسىرەسە، كلاستەرلىك جۇيە­نىڭ ارتىقشىلىعى تارازى باسىنا سالماق سالىپ-اق تۇر. – تاۋارلى-ءسۇت فەرماسى سا­لىنادى. ءبىز ەندى سيىردى قولمەن ەمەس، اپپارات ارقىلى ساۋامىز. سۋىقساي جايلاۋىندا ساۋىنشى قىز-كەلىنشەكتەر وسىلاي قۋانىپ ءجۇر. سولاردىڭ ءبىرى جاننا مۇ­حامەتشەنوۆا ءبىر ساۋىلىمدا عانا 18-20 سيىر ساۋادى. فەرمادا ار­نايى قوندىرعىمەن ساۋىلعان ءسۇت ۇلكەن زاۋىتتاردا كەدەرگىسىز الىن­سا، ونىڭ مايلىلىعى مەن ساپاسى جاقسى. تۇتىنۋشىدان ەسكەرتۋ جوق. ونىڭ ۇستىنە قول ەڭبەگىنەن قۇتىلدىق، – دەيدى ساۋىنشىلار اڭگىمە اراسىندا. «الاتاۋ» سيىرلارى ءسۇتتى مول بەرەدى. ەرتەڭگىسىن 10 ليتر، كەشكىسىن 10 ليتر. فەرما بارلىق قا­جەتتىلىكتەرمەن جابدىقتالسا، ەڭبەك بۇدان دا جەڭىلدەيتىن ەدى. مال باسى وسسە، ءسۇت تە مولايادى. «نيكولاي ي ك» شارۋاشىلىعى ءسۇتتى تالدىقورعانداعى «لاكتيك لتد» سەرىكتەستىگىنە وتكىزەدى. ەكى ارا ەداۋىر. جاز ايلارىندا ءسۇتتى اشىتپاس ءۇشىن ابىگەرگە تۇسەتىنى بەلگىلى. كۇندەلىكتى تاسىمال مەن وعان جۇمىس قولىنىڭ جەتىسپەۋشىلىگىن قوسىڭىز. وسى جايتتى ويلاعان يگور كۋزنەتسوۆ ءسۇت فەر­ماسىن سالۋعا بەل بۋىپ، «بيزنەس­تىڭ جول كارتاسىمەن» نەسيە الۋعا سۇرانىس بەرىپتى. – ۇلكەن كەشەن سالسام دەگەن جوسپارىم بار. ارينە نەسيە ءما­سەلەسى وڭ شەشىلسە، ءبارى تالاپقا ساي بولادى. مال باسىن اسىلدان­دىرۋعا بارىنشا نازار اۋدارا­مىز. فەرمانى تولىق ىسكە قوسۋ ءۇشىن 200 ملن. تەڭگەدەي قارجى كەرەك. سونداي-اق ءىرى قارانى 600 باسقا جەتكىزىپ، جۇمىس اۋقىمىن كەڭەيتەمىز، – دەيدى شارۋا قوجا­لىعىنىڭ باسشىسى. باستاما قولداۋعا تۇرارلىق. ەلىمىز تاۋەلسىزدىك العان جىلى شارۋا قوجالىعى قۇرىلىپتى. ول كەزدە ۇجىمدا ءبىر عانا ەسكى تراك­تورى بولعان. العاشقى كەزدە ومار­تا ۇستاپ، بال الۋمەن شۇعىل­دانعان. اڭ اۋلاپ تا كورىپتى. كەيىن جەر-انانىڭ بابىن تاپسا، ەڭبەگى جاناتىنىن، مال باققان­نىڭ دا تابىسى بارىن تۇسىنگەن. قازىر قوجالىق يگىلىگىندە 15 تەحنيكا بار. 500 گەكتار جەرگە استىق ەگەدى. اگروتەحنيكالىق شارالار­دى قاتاڭ ساقتاۋدى ۇمىتپايدى. قوڭىر كۇزدە ماڭداي تەردىڭ وتەۋىن كورەدى. ديقاندار بيىل جاڭ­بىر جاقسى جاۋدى، بۇيىرتسا، مول ءونىم بولاتىنىن العا تارتادى. – گەكتارىنان 30 تسەنتنەردەن ءونىم الساق جامان بولماس ەدى. ءتۇيىندى ماسەلەلەر دە بار. يگەرىلمەي بوس جاتقان سۋارمالى جەرلەردى قولىنان كەلەتىندەرگە بەرسە جاقسى ءونىم الار ەدىك. قازىر جوعارىداعىلار وسى ماسەلەگە نازار اۋدارىپ جاتقان كورىنەدى. شەشىلسە ءتيىمدى بولار ەدى، – دەگەن اتالعان شارۋا قوجالىعى­نىڭ مۇشەسى تاحير ەسىمبەكوۆتىڭ پىكىرى دە كوڭىلگە قونىمدى. ارينە، شارۋا ويداعىداي بو­لىپ جاتسا، تاعى دا جاڭا جۇمىس ورىندارى اشىلادى. بۇل اۋىل­دا­عىلاردىڭ دا ءال-اۋقاتىنىڭ جاقسارۋىنا سەپتىگىن تيگىزەدى. قازاقتىڭ بيازى ءجۇندى قويىن كوبەيتۋ جولدارى قاراستىرى­لۋدا. قازىر ەكى وتار بار. جانە 12 گەكتار باقتىڭ دا كۇتىمى جاق­سى. جاپىراقتارى جايقالعان اعاشتار ءتۇيىن سالىپ، بۇيىرتسا الما مەن ورىكتىڭ، المۇرتتىڭ، تاعى باسقا جەمىستىڭ كوپ بولا­تىنىن كورسەتەدى. قازىر شارۋاشىلىق ءۇشىن باس­تى ماسەلە ءونىم وڭدەۋ كەشەنىن سالۋ. ونىڭ شەشىمىن تابا­تىن كۇن جاقىن ەكەندىگىن ۇتىم­دى ۇيىمداستىرىلعان ىرگەلى ىستەردەن كوردىك، قۋاندىق. سۋىقساي باۋرايى تامىلجىپ تۇر. وزەكتى ورلەگەن ءىرى قارا، اقتىلى قوي تابيعات اسەمدىلىگىن اسىرەلەي ءتۇسىپتى. ەتەكتەگى قاربا­لاس تىرلىك تە جاراسىم تاپقان. حالقىمىزدىڭ اتاكاسىبىن يگور­داي اپتال ازاماتتىڭ العا اپار­عانى، اۋىلداستارىنا جۇمىس بەرگەنى دە عانيبەت. ول ءوز ىسىنە مىعىم. دەمەك، ەلىمىزدىڭ وركەن­دەۋىنە قوساتىن ۇلەسى دە قو­ماقتى. كۇمىسجان بايجان. الماتى وبلىسى، اقسۋ اۋدانى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار