08 شىلدە، 2011

قاناتى قاتايعان قۇس فابريكاسى

329 رەت كورسەتىلدى
وسى اپتانىڭ دۇيسەنبىسىندە وتكەن «قۋاتتى قازاقستاندى بىرگە قۇرامىز» اتتى فورۋم-كورمەدە مەملەكەت باسشىسى نۇرسۇلتان نازارباەۆ «بۇگىنگى كۇننەن باستاپ بۇقارالىق اقپارات قۇرالدارىن بۇكىل ەل بويىنشا يندۋستريالىق باعدارلامالاردى كورسەتۋگە اۋىسۋدى مىندەتتەيمىن. ...جۇرتشىلىق ءبىرىنشى كەزەكتە تاۋەلسىز، ءوسىپ-وركەندەپ كەلە جاتقان مەملەكەت ەلدى يندۋستريالاندىرۋسىز كۇشەيتە المايتىنىن تۇسىنۋلەرى كەرەك» دەپ ۇكىمەت پەن باق-تارعا ناقتى تاپسىرما بەرگەن بولاتىن. وسى تاپسىرمانى ورىنداۋ ماقساتىندا گازەتىمىزدە «يندۋستريالاندىرۋ يگىلىگى» اتتى جاڭا ايدار اشىپ، ءبىرىنشى كەزەكتە وتكەن جىلى ىسكە قوسىلعان ينۆەستيتسيالىق 152 جوبانىڭ اراسىندا قازىردىڭ وزىندە جوبالىق قۋاتىنا جەتكەن جيىرما جوبانىڭ ءمان- ماڭىزىن اشىپ كورسەتۋدى قولعا الىپ وتىرمىز. وسى ايدار بويىنشا ءبىرىنشى ماقالامىز اقتوبە وبلىسىنداعى «رامازان» جشس قايتا جاراقتاندىرىپ، قۋاتىن كەڭەيتكەن قۇس فابريكاسى تۋرالى بولماق. اقتوبە وبلىسىنىڭ يندۋستريالاندىرۋ كار­تاسىنا ەنگىزىلگەن جوبالاردىڭ ىشىندە تەز دە ساپالى جۇزەگە اسىرىلعانى «رامازان» جاۋاپكەرشىلىگى شەكتەۋلى سەرىكتەستىگىنە قاراستى قۇس فابريكاسىن قايتا جاراقتاندىرۋ بولىپ تابىلادى. وتكەن جىلى ىسكە قوسىلۋى ءتيىس جيىرما ءتورت يندۋستريالىق-يننوۆاتسيالىق جوبالاردىڭ العاشقىسى بولىپ پايدالانۋعا بەرىلگەن فابريكانىڭ ءبىر جىلعا جەتەر-جەتپەس ۋاقىتتىڭ ىشىندە تولىق قۋاتىندا جۇمىس ىستەي باستاعانىن ىلكىمدىلىكتىڭ ناتيجەسى دەۋ ورىندى. ارينە، وعان سەرىكتەستىك ءوندىرىسىن ۇيىمداستىرۋ مەن جۇمىستى جۇيەلى جۇرگى­زۋدەگى قالىپتاسقان ءداستۇر مەن ونىڭ تەحنو­لو­گيالىق قۋاتىنىڭ مىقتىلىعى دا ىقپال ەتكەنى ءسوزسىز. «رامازان» جشس – كوپ سالالى ءوندىرىس ورنى. سوندىقتان دا ەلىمىزدىڭ ۇدەمەلى ين­دۋستريالىق-يننوۆاتسيالىق دامۋ باعدارلاما­سىن جۇزەگە اسىرۋ، وبلىس حال­قىنىڭ ازىق-ت ۇلىك قاۋىپسىزدىگىن قامتاماسىز ەتۋ ماقسا­تىندا سەرىكتەستىك بازاسىندا ءداندى داقىلدار كلاستەرلىك-ونەركاسىپتىك كەشەنى قۇرىلعان-دى. سەرىكتەستىكتىڭ 11 مىڭ گەكتاردان استام ەگىستىگىندە وسىرىلگەن ءداندى داقىلدار وزدە­رىندە وڭدەلەدى، قۇسقا جەم رەتىندە پايدالا­نىلادى. كلاستەرلىك-ونەركاسىپتىك كەشەن قۇ­را­مىنداعى تاۋلىكتىك قۋاتى 190 توننا استىق تارتۋعا مۇمكىندىك بەرەتىن ۋكراينا مەن چەحيا فيرمالارىنىڭ ديىرمەندەرىنەن شىعارى­لاتىن ۇننىڭ اراسىنان «بورودينسكي»، «ستوليچنىي»، «ديابەتيچەسكي» جانە «پرەزيدەنتسكي» سورتتارى جۇعىمدىلىعىمەن، دەنساۋلىققا پايدالىلىعىمەن، ساپالىلى­عىمەن ەرەكشەلەنەدى. كەشەندە قۋاتى ءتاۋ­لىگىنە 20 ءتۇرلى 10 توننا ماكارون ونىمدەرىن شىعاراتىن تسەح، 40-قا جۋىق نان-بولكە بۇيىم­دارىن وندىرەتىن نان زاۋىتى مەن ناۋبايحانا، قوسالقى تسەحتار مەن دۇكەندەر جەلىسى جۇمىس ىستەيدى. مۇندا ءتاتتى ناندار مەن پەچەنەلەردىڭ 16 ءتۇرى شىعارىلادى. وسى ازىق-ت ۇلىك ونىمدەرى اقتوبەلىكتەر عانا ەمەس، كورشىلەس اتىراۋ، ماڭعىستاۋ جانە باتىس قازاقستان وبلىستا­رى­نىڭ تۇتىنۋشىلارىنىڭ جوعارى سۇرانى­سىنا يە بولىپ كەلەدى. ال، باتىس وڭىرىندەگى بىردەن-ءبىر جوعارى تەحنولوگيالى كۇس فاب-ريكاسى رەتىندە كاسىپورىندا وندىرىلەتىن جۇ­مىرتقا بۇل وڭىرلەردە قولدا-قولعا تۇرماي­تىنداي ءوتىمدى ءونىم. «رامازان» ساۋدا ماركىسىمەن ساتىلاتىن ونىمدەر ءار ءتۇرلى حالىق­ارالىق كورمەلەردە جوعارى ساپالىلىعى ءۇشىن بىرنەشە رەت التىن مەدالداردى ول­جالادى. سەرىكتەستىك سوڭعى بەس جىلدا عانا نەگىزگى كاپيتالعا 1170 ميلليون تەڭگە ينۆەستيتسيا سالدى. سۇرانىس بار جەردە، ۇسىنىستى مولايتۋ نارىقتىڭ زاڭى. وسىنى ەسكەرگەن سەرىكتەستىك­تىڭ قۇس فابريكاسىن قايتا جاراقتانلىرۋى قايتارىمدى بولدى. كەزىندە كەزدەسكەنىمىزدە، «رامازان» جشس-ءنىڭ باس ديرەكتورى ورىن­باسار مۋسين بۇرىنعى فابريكانىڭ قۋاتى وبلىس حالقىنىڭ تاۋىق جۇمىرتقاسىنا قا­جەتتىلىگىن قامتاماسىز ەتە الماعان سوڭ جانە ءونىم وتكىزۋدىڭ جاڭا مۇمكىندىكتەرى كورىنگەن­نەن كەيىن وسىنداي قادامعا بارعاندارىن انگىمەلەپ بەرگەن بولاتىن. قاشاندا ىلگەرى كۇندەردىڭ كوكجيەكتەرىنە كوز سالاتىن باسشىنىڭ بۇل شەشىمى كاسىپورىندا كوپ شارۋالاردى تىندىرۋعا يتەرمەلەدى. ءسويتىپ قارجى داعدارىسى شاۋجايعا جارماسقان 2008 جىلى فابريكانى قايتا جاراقتاندىرۋ جانە تەحنيكالىق جاراقتاندىرۋ باستالعان-دى. جوبانىڭ قۇنى 425 ميلليون تەڭگەگە ءتۇستى. ونىڭ 125 ميلليون تەڭگەسى قۇرىلىس-مونتاج جۇمىستارىنا جۇمسالدى. مۇنىڭ تەڭ جارتىسى سەرىكتەستىكتىڭ ءوز قارجىسى، قالعانى بانكىلىك نەسيە. وسى جو­بانى جۇزەسە اسىرۋ با­رىسىنداعى جۇمىس­تار­عا تارتىلعان قۇرى­لىسشى­لاردى بىلاي قوي­عاندا، وسىندا تۇ­راقتى 15 جاڭا جۇمىس ورنى اشىلدى. – جوباعا جۇمسالعان قارجىنى وتەۋدىڭ تولىق مۇمكىندىگى بار، كاسىپ­ورىن قىسقا مەرزىمدە ءوزىن اقتايدى، – دەيدى ءوندىرىس باسشىسى. قۇس قورالارىن كە­زەڭ-­كەزەڭمەن قايتا جا­راق­تاندىرۋ ءوندىرىستىڭ كى­دىرىسسىز جۇمىس ىستەۋىنە العىشارت جاسادى. قايتا جاراقتاندىرۋدىڭ ءناتي­جەسىندە ساعاتىنا 10 تون­نا قۇراما جەم ءوندى­رەتىن زاۋىت، جۇمىرتقا قويماسى جانە نەگىزگى توپتاردى تولىقتىرا­تىن بالاپان وسىرەتىن 160 مىڭ ورىندىق ەكى قۇس قوراسى، وندىرىستىك توپتارعا ارنالعان 130 مىڭ ورىندىق ەكى قۇس قوراسى ىسكە قوسىلىپ، ءوندىرىستىڭ قۋاتى ارتا ءتۇستى. توزىعى جەتكەن قوندىرعىلار وسى زامانعى وزىق تەحنولو­گيالىق جابدىقتارمەن الماستىرىلدى. كەڭەي­تۋ، جاڭا عيماراتتار سالۋ ناتيجەسىندە بۇرىن 40 مىڭ بالاپان تۇراتىن قوراعا ەندى 80 مىڭ بالاپان ورنالاستىرىلادى، 39 مىڭ تاۋىق كەتەتىن قورادا 65 مىڭ تاۋىق ۇستالادى. وتكەن جىلى تاعى ءبىر وندىرىستىك توپقا ارنالعان قۇس قوراسى ىسكە قوسىلدى. ءبىر عاجابى، 80 مىڭ بالاپاندى باعىپ-كۇتۋشى ەكى-اق ادام. وسى­عان قاراپ-اق ولاردىڭ ەڭبەك ونىمدىلىگى قان­شالىقتى وسكەندىگىن ءوزىڭىز پايىمداي بەرىڭىز. تاپ-تازا، جارىق قورادا قۇستى ازىقتان­دىرۋ، ساڭعىرىعىن تازارتۋ جۇمىستارى اۆ­توماتتاندىرىلعان. وسى زامانعى اۋا رەتتەگىش­تەر ورناتىلعان. سوندىقتان دا مۇندا تاۋىق قورالارىنا ءتان ادەتتەگى يىستەر ءمۇل­دەم جوق. قوراعا قويىلعان قوندىرعى قۇستىڭ وسۋىنە قاجەتتى تەمپەراتۋرانى قالىپتى ۇستاپ تۇرادى. وندىرىستىك توپتار ۇستالاتىن قۇس قورالارىنداعى جاعداي دا وسىدان ارتىق بولماسا كەم ەمەس. سونداي-اق، مۇندا جۇمىرتقالاردى سورت­تاۋ تسەحىنداعى جۇمىس تا اناعۇرلىم جەڭىلدەگەن. قۇس قورالارى ترانسپورتەرلىك جەلىگە قوسىلعان. ترانسپورتەرمەن كەلگەن جۇمىرتقالاردى جۇمىسشىلار سۇرىپتايدى. بۇرىن بۇل جۇمىستى كوپ ادام اتقاراپ كەلسە، ەندى ولار ءبىراز قىسقارعان. قازىر بارلىق قۇس قورالارىن وسى جەلىگە قوسۋ قادامدارى جاسالۋدا. جۇمىرتقا سۇرىپتايتىن ارنايى قوندىرعى ورناتۋ كوزدەلۋدە. سوندا بۇل جۇمىس بۇرىنعىدان گورى دە جەڭىلدەيدى. قازىرگى كەزدە «رامازان» جشس قۇس فاب­ريكاسىنىڭ جۇمىرتقالارى قازاقستانداعى ەڭ ارزانى. كاسىپورىنداعى تاۋىقتاردىڭ ءونىمدى­لىگى وزگەلەرگە قاراعاندى اناعۇرلىم جوعارى. ەلىمىز بويىنشا ءبىر تاۋىق جىلىنا ورتاشا 280 جۇمىرتقا بەرسە، «رامازاننىڭ» تاۋىق­تارى 313 جۇمىرتقا بەرەدى. ونىمدىلىك دەپ وسىنى ايت. كاسىپورىندا بۇعان دەيىن 300 مىڭ تاۋىق ۇستالىپ كەلسە، ەندى ونىڭ سانىن 500 مىڭعا دەيىن كوبەيتۋ جۇمىستارى باستا­لىپ كەتتى. وزىق تەحنولوگيانىڭ اتى – وزىق تەحنولوگيا. دەگەنمەن، كوپ نارسە تاۋىقتاردى ازىق­تاندىرۋ راتسيونىنا دا بايلانىستى. فابريكادا تاۋىقتاردى سويا، راپس، ارپا، باسقا دا قۇ­رام جەمدەرمەن بىرگە ءمارمار جاڭقالارىمەن قورەكتەندىرەدى. كاسىپورىن جۇمىسشىلارى­نىڭ «ءبىز تاۋىقتارعا ۋىلدىرىقتان باسقانىڭ ءبارىن بەرەمىز» دەپ ازىلدەيتىنى دە سوندىقتان. بۇل تاۋىقتاردىڭ ونىمدىلىگىن ارتىرىپ، جۇمىرتقانىڭ ساپاسىن جاقسارتادى. باستاپقىدا تاۋىق­تاردى سۆەردلوۆ قالا­سى­نان، باشقۇرت­ستان­نان اكەلىپ جۇرگەن سەرىكتەستىك قازىر ماسكەۋ ماڭىنداعى «قۇس» اق- پەن كەلىسىم-شارتقا وتى­رىپتى. ولار ءبىر كۇندىك تاۋىق بالاپان­دارىن وزدەرىنىڭ ار­ناۋ­لى اۆتوكو­لى­گىمەن جەتكىزىپ بەرەتىن كو­رى­نەدى. ۋا­قى­تى كەلگەندە تاۋىق­تار ەتكە وتكى­زىلىپ، ءتورت-بەس اي­لىق قۇس­­تار­مەن الماستى­رى­­ل­ادى ەكەن. مۇ­نىڭ ءوزى فا­بري­كانىڭ جۇ­مىرت­قا ءوندىرۋ قۋاتىن اناعۇرلىم ارتتىردى. ءسويتىپ، بىلتىردىڭ وزىندە فابريكا ءوزىنىڭ جىلىنا 110 ميلليون دانا جۇمىرتقا ءوندى­رەتىن جوبا­لىق قۋاتىن يگەرۋگە قول جەتكىزدى. وسىنىڭ ءوزى وبلىستىڭ تاۋىق جۇمىرتقاسىنا دەگەن سۇرانىسىن وتەپ قانا قويماي، ارتىلعان ءونىمدى باتىس قا­زاقستاننىڭ وزگە وبلىس­تارىنا شىعارۋعا دا مۇمكىندىك بەرۋدە. سەرىكتەستىك باسشىلارى كەدەندىك وداق ەلدەرىنىڭ رىنوگىنا دا كوز سالىپ قويادى. نەسى بار، باسەكەلەستىككە قابىلەتتى ءونىم قاي جەردە دە ءوتىمدى. قازىر وبلىس ورتالىعىنداعى ساۋ­دا ورىندارىندا «رامازان» جشس قۇس فابريكاسىنىڭ ون دانا جۇمىرتقاسى نەبارى 99 تەڭگەدەن ساتىلۋدا. بۇل جۇمىرتقالار ساۋدا ورىندارىندا ءبىر اپتا ساقتالادى. ءونىم ساپاسى كۇن سايىن باقىلانادى. بۇل باعانى تۇراقتاندىرۋعا ىقپال ەتىپ، ءونىمدى كوپ وتكىزۋ ارقىلى سەرىكتەستىكتىڭ ەكونوميكالىق نىعايۋىنا دا نەگىز قالاۋدا. قايتا جاراقتاندىرىلعاننان كەيىن جۇ­مىس ۇدەرىسىن جاڭاشا قالىپتاستىرىپ ۇلگەر­گەن جاڭا فوبريكانىڭ وندىرىستىك قۋاتىن كەڭەي­تۋدەگى ءساتتى قادامى، مىنە، وسىلايشا قازىردىڭ وزىندە قايتارىم بەرە باستادى. بۇل قۇس فاري­كاسى ەلىمىزدەگى سالا كاسىپورىندارى اراسىندا باسەكەگە ەڭ قابىلەتتى كاسىپورىنعا اينالىپ وتىر. سەبەبى، وندىرەتىن ءونىمىنىڭ ساپاسى جوعا­رى، باعاسى ارزان. ءارى ول ەكولوگيالىق تازا ءونىم بولىپ تابىلادى. بۇل ونىمدەردى وندىرەتىن قۇرال-جابدىقتار دا قۋات شىعىندارىن نەعۇرلىم از جۇمسايدى. فابريكانىڭ باسەكەگە قابىلەتتى بولۋ سىرى دا وسىندا. ساتىبالدى ءساۋىرباي. اقتوبە وبلىسى. ____________________ جوبانىڭ سيپاتتاماسى جاۋاپتى ورىنداۋشى: اقتوبە وبلىسىنىڭ اكىمى جوبانىڭ اتاۋى: قۇس فابريكاسىنىڭ قۋاتىن كەڭەيتۋ جوباعا تاپسىرىس بەرۋشى: «رامازان» جشس جوبانىڭ قۇنى، ملن. تەڭگە: 425 قۇرىلعان جۇمىس ورىندارىنىڭ سانى: 15 پايدالانۋعا بەرىلگەن ۋاقىتى (ۇيدجك-نە سايكەس): 2010 جىلدىڭ ءبىرىنشى جارتىجىلدىعى. جوبا تۇراقتى جۇمىس ىستەۋدە.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار