08 شىلدە، 2011

استانا كۇنى اتاپ ءوتىلدى

194 رەت كورسەتىلدى
شىعىس قازاقستان وبلىسىنىڭ تۇرعىندارى استانا قالا­سىنىڭ مەرەكەسىن ەستە قالارلىقتاي اتاپ ءوتتى. بۇل كۇنى مەرەكە ورتالىق «ۆوستوك» ستاديونىندا قالا تۇرعىندارىنىڭ قاتى­سۋىمەن ءماندى دە ءساندى ۇيىمداستىرىلدى. وڭتۇستىك كورەيانىڭ باۋىرلاس قالاسى كاننىگادان ءجاسوسپىرىم بارابانشىلار كەلىپ، ءوز ونەرلەرىن ورتاعا سالدى. ونەرپاز ۇجىمدار مەن مەكتەپ ۇجىمدارى قالانىڭ كورىكتى جەرلەرىندە استانا قالاسى تۋرالى تانىمدىق كونتسەرت قويدى. بيىل ءوڭىر باسشىسى ب. سا­پارباەۆتىڭ شەشىمىمەن استاناعا قاراي باعىت الاتىن جولدار كۇردەلى جوندەۋدەن ءوتىپ جاتىر. اتاپ ايتقاندا، سەمەي مەن پاۆلودار قالالارى اراسىنداعى 20 شاقىرىم جول جوندەۋدەن وتسە، پاۆلوداردان استاناعا دەيىنگى 60 شاقىرىمى دا جوندەلىپ جاتىر. سونداي-اق كەندى التايدىڭ ءىرى ونەركاسىپ ورىندارى استانا قۇ­رى­لىسىنا قاجەت قۇرىلىس ماتە­ريالدارىن جانە تەمىر-بەتون كونسترۋكتسيالارىن تاپسىرىس بو­يىنشا شىعارۋدى جۇزەگە اسىرۋدا. كەندى التايدىڭ قالالارى مەن اۋداندارى دا استانا قالاسى كۇنىنە جان-جاقتى ازىرلەندى. ءما­سەلەن، زايسان اۋدانىنىڭ اكىمى سەرىك ءزاينۋلديننىڭ باستاماسى­مەن اۋدان ورتالىعىندا وڭىردە ءبىرىنشى بولىپ ەڭسەلى «بايتەرەك» بوي كوتەردى. ورتالىق الاڭدا بالالار دەمالاتىن ورىن، گۇل­زارلار، تۇندە جاناتىن جارىق ورناتىل­دى. سايقان تاۋىنىڭ ەڭ بيىك توبەسىندە «قازاقستان» دەگەن اي­شىق­تى جازۋ تۇندە دە جارقىراپ كورىنىپ تۇرادى. ايا­گوز، ءۇرجار، تارباعاتاي، باسقا اۋدان تۇر­عىندارى دا استانا كۇنى مەرەكەسىنە ەڭبەك تارتۋ­لارى­مەن كەلدى. وڭداسىن ەلۋباي. شىعىس قازاقستان وبلىسى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار