08 شىلدە، 2011

سالتانات سارايىنداعى قابىلداۋ

220 رەت كورسەتىلدى
مەملەكەت باسشىسى نۇرسۇلتان نازارباەۆ قازاقستاندىقتاردى ەلوردا كۇنىمەن قۇتتىقتادى پرەزيدەنت ەلوردا كۇنىنە ارنال­عان سالتانات سارايىنداعى سالتا­نات­تى قابىلداۋعا قاتىستى، دەپ حا­بارلادى قازاقستان رەسپۋبليكاسى پرەزي­دەن­تى­نىڭ ءباسپاسوز قىزمەتى. ءوز سوزىندە مەملەكەت باس­شى­سى بۇگىن ەلىمىز كولەمىندە، قا­زاق­ستاننىڭ بارلىق ءوڭىرى قازاق­ستاننىڭ ەلورداسى كۇنىن، استانا قالاسىنىڭ مەرەكەسىن مەرەكەلىپ جاتقانىن اتاپ ءوتتى. – بۇل – ەلىمىزدىڭ تۇكپىر-تۇكپىرىنەن، شەتەلدەن كەلگەن دوستارمەن كەزدەسىپ، وسى قالاعا ينۆەستيتسيا سالاتىن، وسى قالادا بيزنەس جاسايتىن ادامدارمەن قۋا­نىشتى بولىسەتىن مەرەكە. ول­ار­دىڭ بارلىعى دا بۇگىن وسىندا. قالا، اۋدان اكىمدىگى ۇلكەن ءىس اتقاردى. قالالىق ءماسليحات وراسان جۇمىستار جۇرگىزدى. بۇگىن مۇندا جۇرتشىلىق، ديپلوما­تيا­لىق كورپۋستار وكىلدەرى، ءبىزدىڭ شەتەلدىك دوستارىمىز، ينۆەستورلار، وسى قالاعا قاراجاتىن سال­عان، وسى قالانى تۇرعىزۋعا اتسا­لىسقاندار جيىلعان. ەلوردا كۇنى ءبىزدىڭ ەلىمىز تاۋەلسىزدىگىنىڭ 20 جىلدىعى اياسىندا وتۋدە. 20 جىل – بۇل ۇلكەن مەرزىم ەمەس، دەگەنمەن، ءبىز ءۇشىن، تۇسىنەتىن ادامدار ءۇشىن، ءبىز بەن سىزدەر ءۇشىن – بۇل وراسان، سان عاسىرعا تەڭ كەلەتىن جىلدار. ءبىز تاۋەلسىز مەملەكەت قۇر­دىق، ول بىزدە بولماپ ەدى، ون­ىڭ شەكاراسىن بەكىتتىك، قاۋىپسىز­دىگىنە كەپىلدىك الدىق، ءوز وتا­نى­مىزدى كۇللى الەمگە تانىمال ەتتىك. ءبىزدىڭ تۋىمىز بىرىككەن ۇلت­تار ۇيىمىندا، قالالاردا، مەن بولىپ وتكەن بارلىق جەرلەردە، ءبىزدىڭ دەلەگاتسيا بولعان جەرلەردە ءاردايىم الدىمىزدان اسقاقتاپ تۇرادى، – دەدى ءوز سوزىندە ەلباسى. ءبىز بىرگەمىز. مەن، پرەزيدەنت اپپاراتى، ۇكىمەت، پارلامەنت دە­پۋ­تاتتارى، قالالىق ءماسليحات، قا­لا اكىمدىگى، بارلىق مەملەكەتتىك قىزمەتكەرلەر، ءبىزدىڭ ءبارىمىز ەل­ور­دامىزدىڭ وركەندەۋى ءۇشىن وتە قىرۋار ىستەر اتقاردىق، دەپ جال­عادى ءسوزىن پرەزيدەنت. بارشا­ڭىز­عا كوپ راحمەت، سىزدەردىڭ بارلى­عىڭىزعا يگىلىك پەن دەنساۋلىق تىلەيمىن. بۇگىندە قالامىز الەمنىڭ كوپتەگەن تەلەارنالارى كورسەتىپ جاتقانداي، ءوزىنىڭ كەڭ داڭعى­لى­مەن، اللەيالارىمەن، زاماناۋي عي­ماراتتارىمەن اۋقىمىن كەڭەيتە تۇسۋدە. ولار تانىمال بولا ءتۇ­سۋدە. ويتكەنى، ءبىز بىرەگەي عيما­رات­تاردى تۇرعىزدىق. اقوردا، بەيبىتشىلىك جانە كەلىسىم سارايى، حان شاتىر – وسىنىڭ ءبارى زور اسەرگە بولەيدى، كوز سۇيسىنتەدى. ءبىز قالا تۇرعىزدىق. بۇعان ەل ىشىندە دە، سىرتتا دا سەنگەندەر از بولدى. الايدا، ءبىز قالا سالدىق. قازىر ءبىز بۇدان دا وراسان مىندەتتى – ەكونوميكانىڭ وزگە سالاسىن قولعا الۋدامىز. ءبىز شيكىزاتتىق تاۋەلدىلىكتەن كەتىپ، مۇلدە جاڭا ەكونوميكانىڭ نەگىزىن قالايمىز، 2020 جىلعا قاراي ءوز حالقى­مىز­دىڭ ءال-اۋقاتىن ەكى ەسەگە ارتتى­رامىز. بۇل – تاۋەلسىزدىكپەن پا­را-پار، ءبىزدىڭ قالامىزدىڭ قۇرى­لىسىمەن پارا-پار ۇلى ماقسات. ەلوردادا ءبارى بار – الەمدىك دەڭ­گەيدەگى ءبىلىم بەرۋ ورتالىقتارى، الەمدىك دەڭگەيدەگى دەنساۋلىق ساق­تاۋ ورتالىقتارى، الەمدىك دەڭ­گەيدەگى سپورتتىق كەشەندەر، ۇزدىك مەكتەپتەر بار، ەلىمىزدە الەمدەگى ۇزدىك ۋنيۆەرسيتەتتەر سالىنعان. استانا – بۇل بولاشاقتىڭ، جاس­تار­دىڭ قالاسى. ءبىزدىڭ بالالارى­مىز، نەمەرەلەرىمىز 20 جىلدان كەيىن وسىندا ءومىر ءسۇرىپ، وسى قالاعا تەڭ كەلەتىن الەمدە جاڭا، بىرەگەي قالا جوق دەپ سانايتىن بولادى. ەۋروپادا جانە الەمدە ۇقساس قالالار بار، نەگىزىنەن ولار ەسكىردى، ال ءبىز ءوز ارحيتەك­تۋرا­مىز­بەن بىرەگەي ءوز قالامىزدى تۇ­ر­عىزدىق. تاڭدانباسقا شارا جوق. وسىلاي دەگەن مەملەكەت باس­شىسى بيىلعى تاۋەلسىزدىكتىڭ 20 جىلدىعى جىلىندا بىرەگەي وبەك­تىلەر: ەۋروپا مەن ازيادا ۇزدىك سانالاتىن تاريح مۇراجايى، ۇلت­تىق وپەرا عيماراتى، مەديا-ورتا­لىق، وقۋشىلاردىڭ شىعار­ما­شى­لىق سارايى، قازاقستانداعى ەڭ ۇلكەن مەشىت سالىناتىنىن اتاپ كورسەتتى. وسى وبەكتىلەردىڭ بار­لىعى ءبىزدىڭ ەلىمىزدى بەزەندىرە ءتۇ­سەدى. ەلوردا ءۇشىن قاجەتتى سانا­لا­تىن وزگە دە وبەكتىلەر سالىنا­تىن بولادى. ءبىز الماتى مەن استانا اراسىندا ساعاتىنا 250-300 شا­قىرىمدىق جىلدامدىقتى الا­تىن جەدەل جىلدامدىقتاعى پوي­ىزدى پايدالانۋعا بەرمەكپىز. سون­دا الماتى جاقىنداي تۇسەدى. قالادا جەڭىل رەلستى ترامۆاي، مەترو سالىناتىن بولادى. ءبارى كەرەمەت ەمەس پە. ءبىز بىرلىكتى نىعايتساق، وعان قول جەتكىزەمىز، دەدى ەلباسى. سىزدەردىڭ بارلىعىڭىزدى ەل­وردا كۇنىمەن قۇتتىقتايمىن! استانا كۇللى الەمدى سۇيسىنتۋدە ءجا­نە جۇزدەگەن جىلدار بويى ءسۇي­سىن­تە بەرمەك، دەدى ءسوزىنىڭ سوڭىن­دا نۇرسۇلتان نازارباەۆ. استانا – ءبىزدىڭ تاۋەلسىزدىگىمىزدىڭ ءتاجى ىسپەتتى اسەم قالا. استانا – قا­زاق­ستاننىڭ قۋاتىن بىلدىرەتىن قا­لا. استانا – الەمدىك كوشباسشى­لار باس قوساتىن ورىن. بۇل ءۇم­ىتتەر اقتالاتىن، ءبىزدىڭ جاس قا­زاقستاندىقتاردى باقىتقا بولەي­تىن قالا. بۇل – وراسان ەپوپەيا. مەن ءجۇز يننوۆاتسيا تۋرالى ايت­تىم، ەندەشە، استانا – بۇل ءنومىرى ءبىرىنشى قازاقستاندىق يننوۆاتسيا. ودان كەيىن وزگە دە يننوۆاتسيالار جۇزەگە اسىرىلادى. وسى مۇمكىن­دىكتى پايدالانا وتى­رىپ، بارشا­ڭىزعا، بارلىق قازاقستان­دىقتار­عا، بارلىق شەتەلدىك دوستارىمىز­عا، ءبىز­دى بۇگىنگى ەلوردا كۇنىمەن، سو­نى­مەن قاتار، مەنىڭ تۋعان كۇ­نىم­مەن قۇتتىقتاعانداردىڭ بار­شا­سىنا ءوزىمنىڭ شىنايى ريزا­شى­لىعىمدى بىلدىرەمىن! مەندە بار­شا­ڭىزعا ۇلكەن العىسىمدى اي­تۋى­ما بولاتىن تاماشا مۇمكىندىك بار. قالىپتاسقان ءداستۇر بويىنشا مەملەكەت باسشىسى قالانىڭ دا­مۋىنا ايتارلىقتاي ۇلەس قوسقان جانە ۇلەس قوسىپ كەلە جاتقان­دار­دى ماراپاتتاۋ تۋرالى جارلىققا قول قويدى. ماراپاتتالعاندار ارا­­سىندا بەلگىلى رەسەيلىك بيزنەسمەندەر اليشەر ۋسمانوۆ پەن ۆاسيلي انيسيموۆ، سونداي-اق قا­زاقستاندىق كاسىپكەر جاننا بەك­تەمىروۆا بار. «قازاقستان تەمىر جولى» ۇك» اق پرەزيدەنتى اسقار مامينگە «استانا قالا­سى­نىڭ قۇر­مەتتى ازاماتى» اتاعى بەرىلدى.
سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار