اسىق ويناعان ازبايدى

تاريحى تەرەڭنەن تامىر تار­تاتىن ۇلتتىق ويىندارىمىز قا­زىر­گى تاڭدا ءىلبىپ دامىپ كەلەدى. جاسىراتىنى جوق, وعان دەگەن سۇرانىس كوبىنە ۇلىستىڭ ۇلى كۇنى ناۋرىز مەرەكەسى تۇستارىن­دا عانا بولىپ, وزگە ۋاقىتتاردا ءبىر شەتكە ىسىرىلىپ قالا بەرەتىندەي كورىنەتىن. الايدا, كەيىنگى كەزدەرى استانادا وسى ولقى­لىقتاردىڭ ورنىن تولتىرۋدا قا­لالىق تۋريزم, دەنە تاربيەسى ءجا­نە سپورت باسقارماسى ءبىرشاما جۇمىستار تىندىرۋدا. سونىڭ ءبىرى ەلوردادا قالا كۇنى مەرەكەسى قۇرمەتىنە جالاۋىن كوتەرگەن «التىن ساقا» ۇلتتىق اسىق اتۋ ويىنىنان III قالالىق اشىق تۋر­نيرى دەر ەدىك. جاستى دا, جاسامىستى دا اسىق اتۋدىڭ ەكى ءتۇرى بويىنشا جيناعان بۇل ءتۋرنيردىڭ اشىلۋ سالتاناتىندا ءسوز العان تۋريزم جانە سپورت مينيسترلىگى سپورت كو­ميتەتىنىڭ توراعاسى ەلسيار قانا­عاتوۆ جارىسقا قاتىسۋشى­لار مەن ونى ۇيىمداس­تىرۋ­شى­لارعا ساتتىلىكتەر تىلەي كەلىپ, اسىق اتۋ ويىنىن دامىتۋ ءبۇ­گىندە مينيسترلىك تاراپىنان قول­عا الىنىپ وتىرعاندىعىن ايت­تى. سونداي-اق ول اتالعان ويىن ءتۇرىن الداعى ۋاقىتتا رەس­پۋبليكالىق دەڭگەيدە وتكىزۋ جوسپاردا تۇرعاندىعىن دا نازاردان تىس قالدىرمادى. – اتالمىش جارىسقا جىل­داعى ءداستۇر بويىنشا تىلەك بىلدىرگەندەر سانى ەكى جۇزدەن اسىپ جىعىلدى. بۇل, ارينە, قالا دەڭ­گەيىندە وتكىزىلگەن شارا ءۇشىن جامان كورسەتكىش دەي المايمىز. دەسەك تە ءتول سپورتىمىزدى ناسيحاتتاۋ قاي كەزدە دە ارتىقتىق ەتپەيدى. ونى, سونداي-اق, ۇنەمى دامىتىپ وتىرۋ ءلازىم. جاقىندا عانا ەلوردادا وتكەن دۇنيە ءجۇزى قازاقتارىنىڭ كەزەكتى قۇرىل­تايى­نا كەلگەن شەت ەلدىك قان­داستارىمىز ەلىمىز بەكىتكەن ەرەجە بويىنشا بۇل ويىندى دامى­تامىز دەپ جاتىر. مىنە, بۇل دا وسكەلەڭ ۇرپاقتىڭ اتادان بالاعا ميراس بولىپ قالعان وسىناۋ مۇراسىن قادىرلەي بىلۋدە ءوز سەپتىگىن تيگىزەرى ءسوزسىز, – دەيدى تۋر­نيردىڭ باس تورەشىسى, ەلىمىزگە ەڭ­بەگى سىڭگەن جاتتىقتىرۋشى جومارت سابىرجان. ۇلتتىق ويىندارىمىزدىڭ ءىشىن­­دە اسا تانىمال جانە كەڭ تاراعان تۇرلەرىنىڭ ءبىرى وسى اسىق اتۋ ويىنى سانالادى. عاسىرلار بويى حالىقتىڭ زەردەسىندە ساقتا­لىپ كەلگەن وسى ءبىر عازيز ويىندى وسكەلەڭ ۇرپاقتى تاربيەلەۋدىڭ قۇرالى رەتىندە ءتيىمدى پايدا­لان­عاننان ۇتارىمىز كوپ. اسىق وي­ناۋ بالانىڭ جاستايىنان ءجۇي­كە جۇيەلەرىن شىڭداپ, ولاردى ءدال­دىك­كە, ۇستامدىلىققا, بايسال­دىلىققا تاربيەلەيدى. سوندىقتان دا قالالىق اشىق تۋرنير اتاۋى­مەن وتكىزىلگەن مەرەكەلىك جارىس­تىڭ كەڭ قانات جايۋى توڭىرەگىندە جاسالعان جۇمىستار قاشان دا قولداۋعا لايىق دەپ ايتۋعا تولىق نەگىز بار. ءابدىراحمان قىدىربەك.