08 شىلدە، 2011

كۇلكىدەن شاتتىق سىيلادى

240 رەت كورسەتىلدى
استانانىڭ تۋعان كۇنىن ايرىقشا ەتىپ اتاپ ءوتۋ جىلدان جىلعا ماعىنالىق جاعىنان تولىسىپ كەلەدى. وسى كۇنى قالا تۇرعىندارى مەن قوناقتارىنا شاتتىق سىيلاۋ ءاربىر ونەر ادامىنىڭ اسقاق ارمانىنا اينالعانداي. سونداي مەرەكەلى كوڭىل-كۇي سىيلاعان كونتسەرت كونگرەسس-حولدا «كوڭىلدى استانا. بازار جوق!» دەگەن اتپەن بولىپ ءوتتى. نەگىزىنەن كونتسەرتتىك باعدار­لاما ساعات 17 جانە 20-عا بەلگىلەنسە، كەلۋشىلەردىڭ كوپ بول­عانى سونشا بيلەتتەر قولدان قولعا ءوتتى. كونتسەرتكە ءتىپتى قارت­تار مەن ارباعا تاڭىلعان مۇگە­دەك جاندار دا كەلىپتى. بۇل مەزەت ىشتە قىزۋ دايىندىق ءجۇرىپ جاتقان-دى. ءبىز ۇيىمداستىرۋ جۇ­مىستارىمەن شاپقىلاپ ءجۇر­گەن استانا قالالىق كوڭىلدىلەر مەن تاپقىرلار تەاترىنىڭ باس اكىمشىسى باعي باقىتبەكتى بىرەر مينۋتقا سوزگە تارتىپ ۇلگەردىك. ونىڭ ايتۋىنشا، ءبىرىنشى كونتسەرت قايىرىمدىلىق شاراسى بولعاندىقتان، بيلەتتەر جەتىمدەر ۇيىنە، مۇگەدەك جاندارعا جانە زەينەتكەرلەر مەن تۇرمىس جاعدايى تومەن وتباسىلارعا تەگىن تاراتىلعان. مۇنداي كونتسەرتتىك باعدارلامانى ۇيىمداس­تىرۋعا قالالىق اكىمدىك پەن مادەنيەت دەپارتامەنتى ۇيىتقى بولىپتى. وسى رەتتە كونتسەرتتىڭ ەرەكشەلىگى سول، پاروديالىق مونولوگتاردى ءار اكتەر جەكە جەكە ورىنداپ، ارتىنان ەسترادا جۇلدىزى ءان شىرقايدى. وسى­لايشا اكتەر مەن ەسترادا جۇل­دىزى جۇپتاسقان توعىز توپ ءبىر-بىرىمەن سايىسقا تۇسەدى. قاي توپقا كورەرمەن كوبىرەك قول سوقسا، سونداي-اق ارنايى باقى­لاۋشىلاردىڭ شەشىمى بويىنشا سول جۇپقا باعا بەرىلەدى. كەشتە تەاتر ارتىستەرىمەن بىرگە ەسترادا جۇلدىزدارى ءمادينا سادۋا­قاسوۆا، دوسىمجان تاڭاتاروۆ، «بايتەرەك» توبى، زاتتىبەك كوپ­بوسىن ۇلى جانە وزگەلەرى باق­تارىن سىناستى. ساحناعا شىققان العاشقى جۇپ ءارتىس ولجاس سىدىقبەكوۆ پەن ءانشى ءمادينا سادۋاقاسوۆا بولدى. ولجاس بۇل جولعى قويىلىمىندا استانا قالاسى­نىڭ اكىمى يمانعالي تاسماعان­بەتوۆ­تىڭ ەل الدىنداعى ەسەبىن ازىلگە بۇرمالاپ، پاروديالىق تاسىلمەن اكىم بەينەسىن سومدادى. ءمادينا ءوزىنىڭ نازدى دا­ۋىسىمەن تىڭدارماندارىن ساز­دى انگە قانىقتىردى. ءسويتىپ، بۇل جۇپ كورەرمەننىڭ ىقى­لاسىنا بولەنىپ، ەڭ جوعارى باعا العانداردىڭ قاتارىنان تابىل­دى. كەلەسى جۇپ ەرلى-زايىپتى قايرات پەن باقىت دومباەۆتار دا وزىندىك ونەرلەرىمەن كوپشىلىك كوڭىلىن قۋانتتى. اسىرەسە با­قىتتىڭ شىرقاعان ءانى زال ىشىندە ەرەكشە قالىقتادى. ونىڭ ۇستىنە ساحنا تورىندە قولدان قولعا ۇشىپ-قونىپ جۇرگەن اپپاق قارداي كەپتەرلەر وزىندىك جارا­سىمىن تاپقانداي اسەر بەردى. باسقالارى دا بۇل ۇدەدەن شىق­تى. مىسالى، مىنا ءازىل قالا كۇنىن اشا تۇسكەن ادەمى ءبىر ءازىل بولدى. بۇرىن قايدان كەلدىڭ دەسە، استانادان دەسەڭ، «ويباي، ما­ساسى سويقان، قاقاعان سۋىقتا قالاي تۇرىپ جاتىرسىڭدار؟!.» دەپ تاڭدانىپ جاتسا، قازىر «و»، دەپ تاڭىرقايتىن بولدى، دەگەن ءازىلدىڭ ارتىندا ۇلكەن شىندىق جاتقانى ءارتىستىڭ اۋزىنان ەرەكشە كوڭىلدى شىقتى. تەاتردىڭ دي­رەكتورى ءارى كوركەمدىك جەتەكشىسى تۇرسىنبەك قاباتوۆتىڭ سوزىمەن ايتقاندا، بۇل مەرەكە قازاق ەلىنىڭ ەلوردانى پاش ەتكەن مەرەكەسى بولدى. تاعى ءبىر بەلگىلى بولعانى، بىلتىر 23-ءشى قىركۇيەكتە قۇرىلعان تەاتر جاڭا ارتىستەرمەن تولىعىپ، ءوز رەپەرتۋارىن كەڭەيتە ءتۇسىپتى. جالپى تەاتر الدا جاڭا قويى­لىمدار مەن باعدارلامالارىن ۇسىنۋدى ويلاستىرۋدا. ءۇش ساعاتقا سوزىلعان كونتسەرتتىك باعدارلامادا جەڭىل ءازىل­مەن قاتار ساياسي سالماعى باسىم قالجىڭدار دا كورەرمەن كوڭى­لىنەن شىقتى. ءبىر بايقا­عانى­مىز، قازىرگى يۋموردىڭ ءومىر كوشىنەن قالماي كەلە جاتقان­دىعى. استانا كۇنىنە تارتۋ بولعان كونتسەرتتىك باعدارلا­مانىڭ قالا تۇرعىندارى مەن قوناقتارىنا سىيلاعان كۇلكىسى كوپكە دەيىن كوڭىلدە قالارى ءسوزسىز. اسقار تۇراپباي ۇلى.
سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار