08 شىلدە، 2011

دوستىق ستانساسىندا

196 رەت كورسەتىلدى
دوستىق ستانساسىنىڭ نەگىزگى مىندەتى – قىتاي حالىق رەسپۋب­ليكاسى، سونىڭ ىشىندە ءۇرىمشى تەمىر جولىمەن ەكسپورت-يمپورت­تىق تاۋار الماسۋدى ىسكە اسىرۋ. بۇگىنگى نارىق زامانىندا كليەنتتەرگە قىزمەت كورسەتۋمەن قاتار، تاپسىرىلعان تاۋاردى جۇك قو­جايى­نىنا دەر كەزىندە اتتاندى­رىپ، سەنىمىنەن شىعۋ بولىپ تا­بىلادى. دوستىق-الاشاڭقاي ار­نا­سىمەن تاۋارلار تمد جانە بالتىق جاعالاۋى ەلدەرى مەن الىس-جاقىن شەت ەلدەرگە ءجو­نەلتىلۋدە. وسى ورايدا دوستىق ستانسا­سىنىڭ باسشىلىعى مەن جۇمىس اپپاراتى زامان تالابىنا ساي وزىق يدەيالار مەن تەحنولوگيا­لاردى پايدالانا وتىرىپ قىزمەت اتقارۋدا. 2008 جىلى ۆاگون قۇجاتتارىن ءبىر ورىندا رەسىمدەيتىن زال قۇرىلىمدالىپ، ۆاگوندار مەن كونتەينەرلەردىڭ اتتان­دى­رىلۋى ەداۋىر تەزدەتىلدى. ستانسا جىل ساناپ ۇلعايعان سايىن جۇمىس قارقىنى دا ارتىپ، وسىنداي اتالمىش ورتاق زال «د» پاركىندە ورنالاسقان كىشى تاپسى­رۋ كەڭسەسىندە دە پايدالانۋعا بەرىلدى. ول قحر-عا اتتاناتىن جانە كەلەتىن ۆاگوندار قۇجاتى دەر كەزىندە رەسىمدەلۋگە سەبەپشى بولىپ وتىر. كورشى ەلدىڭ ارىپتەستەرىمەن ستانسا باسشىلىعى ءجيى باسقوسۋ­لار وتكىزىپ تۇرادى. ول باسقو­سۋ­لاردا ۆاگونداردىڭ ءۇرىمشى تە­مىر جولىنان باياۋ كەلۋىن، پويىزدار مەن لوكوموتيۆتەردى الاشاڭقاي ستانساسىندا ۇزاق ۇستاۋى، تاعى سول سياقتى ماسەلەلەردى شەشۋ جولدارى تالقىلانادى. قحر-دىڭ تەمىر جول جۇيەسى مەن ۆا­گونداردىڭ قۇجاتتارى بىزدىكىنە قاراعاندا مۇلدە باسقاشا رەسىمدەلەدى ەكەن. الاشاڭقاي ستانسا­سىنا قىتايدىڭ بۇكىل پرو­ۆينتسيالارىنان كەلەتىن ۆاگوندار تج قۇجاتىمەن عانا الاشاڭ­قايعا جەتىپ، وسى جەردە ەكسپە­ديتورلار مەن بروكەرلەر قۇ­جات­تاردى رەسىمدەۋگە كىرىسەدى ەكەن. ماۋسىم ايىندا دوستىق پەن الاشاڭقاي ستانسالارىندا «قا­زاقستان تەمىر جولى» ۇلتتىق كومپانياسى» اق جۇك جۇمىستا­رىن ۇيلەستىرۋ باسقارماسىنىڭ باستىعى ب.سۇلەيمەنوۆ باستاعان دەلەگاتسيا ءۇرىمشى تەمىر جولى باسشىلىعىمەن جۇمىستىق كەزدەسۋ وتكىزدى. قىتاي جاعىنان ءۇرىمشى تەمىر جولى حالىقارالىق قىزمەتىنەن باي يۋن فەن مىرزا قاتىستى. وسىنداي ۇيلەستىرۋ كەزدەسۋلەرى ناتيجەسىندە دوستىق ستان­ساسىندا ۆاگوندار ەكسپورت-يم­پورتتىق باعىتتارعا دەر كەزىندە اتتاندىرىلىپ، تاۋارلار دەر كەزىندە كليەنتتەردىڭ قويماسىنا جەتۋدە. ستانسادا ۆاگوندار از ۋاقىتتا سۇرىپتالىپ، ۆاگون قۇجاتتارى قىسقا مەرزىمدە رەسىمدەلۋدە. ستانسا باسشىلىعى مەن ەڭبەككەرلەرى بۇگىنگى باسە­كەلەستىك بەلەڭ الىپ تۇرعان زاماندا جۇمىستارىن مەيلىنشە جاقسارتىپ، كليەنتتەرگە قالت­قىسىز قىزمەت ەتۋگە ۇمتىلىس تانىتۋدا. ايگەرىم كەنجەبەكوۆا، اقش-تاعى داكوتا ۋنيۆەرسيتەتىنىڭ ماگيسترانتى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار