بەرەرى مول باسقوسۋ

استانادا ءىى قازاقستان-گەر­مان­دىق يننوۆاتسيالىق وتىرىسى بول­دى. باسقوسۋدى يندۋستريا جانە جاڭا تەحنولوگيالار مينيسترلىگى گەرمانيا فەدەراتيۆتى رەسپۋبلي­كا­سىنىڭ ەكونوميكا جانە تەحنولوگيالار مينيسترلىگىمەن بىرلەسە ۇيىمداستىرعان. اتالعان فورۋم قازاقستان رەس­پۋبليكاسى مەن گەرمانيا فەدەراتيۆتى رەسپۋبليكاسىنىڭ ۇكىمەت­ارا­لىق جۇمىس توبىنىڭ بەسىنشى وتىرىسى اياسىندا ەلىمىزدىڭ ين­دۋس­تريا جانە جاڭا تەحنولوگيالار ۆيتسە-ءمينيسترى البەرت راۋ مەن گەرمانيا ەكونوميكا جانە تەحنولوگيالار ءمينيسترىنىڭ ورىنبا­سا­رى كارل-ەرنست براۋنەر مىرزا­نىڭ توراعالىعىمەن ءوتتى. گەرمانيا تاراپىنان قاتى­سۋ­شى­لار اراسىندا مەملەكەتتىك ورگاندار مەن ءىرى وندىرىستىك كاسىپ­ور­ىندار وكىلدەرى, ونىڭ ىشىندە گەر­مانيانىڭ ساۋدا-وندىرىستىك پالا­تاسى, «نەمىس بانكى» اق, تيسسەن كرۋپپ, «ويلەر حەرمەس نەسيەلەردى ساقتاندىرۋ» اق, DEG – ينۆەستيتسيا مەن دامىتۋ نەمىس كورپو­را­تسياسى, «لاندەسبانك بەرلين اگ» اق, «لەمكەن گمبح& كo كگ», GFA Consulting Group GmbH, او Deutsche Lufthansa, نەمىس ەنەر­گە­تيكالىق اگەنتتىگى, گەرمانيا اۋىل-شارۋاشىلىق تەحنيكانى ءوندىرۋ قاۋ­ىمداستىعىنىڭ وكىلدەرى بول­دى. سونىمەن قاتار, قازاقستان تا­را­پىنان مەملەكەتتىك جانە جەكە قۇ­رىلىم وكىلدەرى, حالىقارالىق سا­راپ­شىلار قاتىسىپ, پىكىر الماستى. «ۇلتتىق يننوۆاتسيالىق قور» اق باسقارما توراعاسى ايدىن قۇلسەيىتوۆ ءوز سوزىندە, «قازىرگى ۋاقىتتا يننوۆاتسيا سالاسىندا ەكى جاقتى ىنتىماقتاستىق جولدارى جان-جاقتى دامۋدا. اسىرەسە, فراۋنحوفەر قوعامداستىعى, Inno AG, Wellington Partners III Technology Fund L.P., گەرماندىق حالىق­ارا­لىق ىنتىماقتاستىق قاۋىمداس­تى­عى سياقتى ۇيىمدارىمەن بىرلەسكەن جوبالار جۇزەگە اسۋدا. فراۋنحوفەرمەن بىرلەسە, قازاقستاندا يننوۆاتسيالىق كونگرەسس, بىرىككەن ۇلتتار ۇيىمى قاراماعىنداعى ەۋ­روپالىق ەكونوميكالىق كوميس­سيا­سىنىڭ قولداۋىمەن بىرقاتار ءىس-شارالار, ستەيكحولدەرلەر كون­فە­رەنتسياسى ءوتتى. سونىمەن قاتار, ۇلتتىق يننوۆاتسيالىق قور گەر­مانيانىڭ ۆەنچۋرلىك كاپيتالدى دامىتۋ تاجىريبەسىن تەرەڭىنەن زەرتتەۋدە. ماسەلەن, ءبىز Wellington Partners III Technology Fund L.P ۆەنچۋرلىك قورىنىڭ قاتىسۋشىسى ءارى سەرىكتەسى بولىپ تابىلامىز», دەپ اتاپ ءوتتى. فورۋم بارىسىندا وتاندىق ين­نوۆاتسيالىق ساياساتتىڭ ماسە­لە­لە­رى مەن كەلەشەگى, ونىڭ حالىق­ارا­لىق سالالارى تالقىلانىپ, سونىڭ ىشىندە قازاقستان مەن گەرمانيا ەكونوميكالىق قارىم-قا­تى­ناسىنىڭ كەلەشەگى قاراستىرىلدى. بۇگىنگى تاڭدا يننوۆاتسيا – ەكو­نوميكالىق دامۋدىڭ ناعىز قوز­عا­لىس كۇشى. سوندىقتان ەكونومي­كا­نى دامىتۋ بارىسىندا قازاقستان يننوۆاتسيالىق ساياساتتى ستراتە­گيا­لىق ماقسات تۇتادى ءارى گەرمانيامەن ىنتىماقتاسا جۇمىس ءجۇر­گىزۋدى ستراتەگيالىق جوسپار رەتىندە كوزدەيدى. اتالعان شارا ەكى ەل اراسىنداعى يننوۆاتسيالىق سايا­سات­تى جۇزەگە اسىرۋعا جاۋاپتى ۇيىمداردىڭ تاجىريبە الماسىپ, ناقتى قادامدار جاساۋىنىڭ ءبىر­دەن-ءبىر جولى بولىپ سانالادى. ءابدىراحمان قىدىربەك.