05 شىلدە، 2011

ءتۋريزمدى دامىتۋ تالپىنىستارى

186 رەت كورسەتىلدى
رەسەي ەكونوميكاسىنداعى ءتۋريزمنىڭ ۇلەسى اناۋ ايتقانداي ەلەۋ­لى ەمەس، ەلدىڭ وسى سالاعا بايلانىستى باسەكەگە قابى­لەت­تى­لىگى دە الەمدىك رەيتينگتە الدىڭعى ورىندارعا شىعا ال­مايدى. سوعان قاراماستان، سوڭعى جىلدارى رەسەيدە ءتۋريزمدى تابىس كوزىنە اينالدىرا وتىرىپ، وڭىرلەردى كەشەندى دا­مى­تۋ­دىڭ ناقتى قادام­دارى جاسالۋدا. ءتۋريزمدى دامىتۋدىڭ بولا­شاق فەدەرالدىق ماق­سات­تى باعدارلاماسى وسىعان بايلا­نىس­تى ازىرلەنۋدە. ەل ەكونوميكاسىن، سونىڭ ءىش­ىندە ءتۋريزمدى دە دامىتۋعا تۇ­عىر بولاتىن جوبالاردىڭ بىرەگەيى 2014 جىلعى سوچي وليم­پيا­داسى مەن 2018 جىلعى فۋتبولدان الەم چەمپيوناتىنا قا­تىس­تى بولادى. وليمپيادا قار­ساڭىنداعى قاۋىرت ءىس-قيمىلدار ەلدىڭ وڭتۇستىگىندەگى ينفراقۇ­رى­لىمدى جەتىلدىرۋگە جول اشسا، فۋتبول سايىسى ورتالىق ءوڭىر­لەر­دىڭ جاي-كۇيىن ساپالى تۇر­عى­دا جاڭعىرتۋعا ءتيىس. سول سەبەپتى قازىر رەسەيدە قۇرىلىس جۇمىس­تارى قارقىندى جۇرگىزىلىپ، كوپ­تەگەن جاڭا وبەكتىلەردى، باسقا دا قاجەتتى كوممۋنيكاتسيا جەلىلەرىن جەدەل ىسكە قوسۋ مىندەتى العا قويىلىپ وتىر. نەعۇرلىم ماڭىزدى جوبالار ەلدىڭ وڭتۇستىگىنە – كراسنودار ولكەسىنە، سولتۇستىك كاۆكاز رەس­پۋب­ليكالارىنا، روستوۆ، ۆولگوگراد، استراحان وبلىستارىنا با­عىتتالعان. بۇل «رەسەيدىڭ وڭ­تۇستىگى» دەپ اتالاتىن فەدەرال­دىق ماقساتتى باعدارلامامەن تىعىز بايلانىستى. اسىرەسە، سول­­­تۇستىك كاۆكاز ايماعىندا قازىرگى زامانعى تۋريستىك يندۋستريا قۇ­رۋ وسى ءوڭىردىڭ ەكونوميكاسىن العا شىعارۋعا، جۇمىسسىزدىقتى جويۋعا مۇمكىندىك بەرەدى دەپ قا­راس­تىرىلۋدا. ينۆەستيتسيالار تار­تۋ مەن بيۋدجەت قاراجاتىن ۇش­تاس­­تىرا وتىرىپ، جاڭا بەس تاۋ شاڭ­عىسى كۋرورتتارىن سالۋ قول­عا ال­ىنادى، مىسالى، قا­راشاي-چەر­كەس جۇرتىنداعى «ار­حىز» كۋ­رور­تىنىڭ ءبىرىنشى كەزەگى ءۇستىمىز­دەگى جىلدىڭ سوڭىنا تامان پاي­دا­لا­نۋعا بەرىلەدى دەپ جوبالانۋدا. باق حابارلارىنا قاراعاندا، رەسەي سولتۇستىك كاۆكازداعى تۋريستىك كلاستەردى دامىتۋ ءۇشىن فرانتسيامەن ءوزارا ءىس-قيمىلىن ۇيلەستىرۋ ۇستىندە ەكەن. بولا­شاقتا فرانتسۋز كومپانيالارى وسى وڭىردە قوناقۇيلەر سالىپ، ىشكى ينفراقۇرىلىمدى، تاۋ شاڭ­عىسىن دامىتۋ ءۇشىن كەرەكتى قۇرال-جابدىقتار جەتكىزەتىندىگى ايتىلۋدا. سونداي-اق اتالعان كلاستەردى جاعاجاي جانە ەمدىك تۋ­ريزم كۋرورتتارىن سالۋ ار­قى­لى كەڭەيتۋ جايى دا كوزدەلۋدە. تۋريزم سالاسىندا قازىر قول­عا الىنىپ جاتقان ىستەر تاياۋ­داعى جىلدارى-اق ءوز ناتيجەسىن بەرەدى، ياعني 2011 – 2020 جىل­دارى رەسەيدىڭ تۋريستىك يندۋس­تريا­سى جىلىنا 6، 7 پايىز وسە­تىن بولادى، دەيدى دەرەك كوزدەرى. سەرىكقالي بايمەنشە. ماسكەۋ.
سوڭعى جاڭالىقتار

ۇقساس جاڭالىقتار