«نۇرسۇلتان-2011» الپينياداسى – سالاماتتى ءومىردىڭ ناسيحاتشىسى

قازاقستان رەسپۋبليكاسى ۇلتتىق وليمپيادا كوميتەتى, الماتى قالاسىنىڭ اكىمدىگى مەن الماتى قالاسىنىڭ الپينيزم مەن شىڭعا شىعۋ فەدەراتسياسى ۇيىمداستىرعان «نۇرسۇلتان-2011» الپينياداسى 3 شىلدە كۇنى الاتاۋ باۋرايىندا ءوتتى. قازاقستان رەسپۋبليكاسى تاۋەل­سىزدىگىنىڭ 20 جىلدىعىنا ارناپ ۇيىمداستىرىلعان بۇل شارا قا­لىڭ بۇقارانى بەلسەندى دەما­لىس تۇرلەرىنە شاقىرۋ ماقساتىمەن ءجۇ­زەگە اسىرىلىپ وتىر. قۇرا­مىن­دا سپورتشى توبى بار قالا تۇرعىندارىنان جاساقتالعان ىن­تالى قاۋىم ءبىر مەزگىلدە ءتورت باعىت بو­يىنشا شىڭعا كوتەرىلىپ, «تىگىنەن ورلەۋ» دەپ اتالاتىن بيىككە جۇگىرۋ تۇرىنەن وتكىزىلگەن جا­رىسقا قاتىستى. وسى شاراعا قا­تىسقان قالالىقتار «وتبا­سى­لىق توپ», «حالىقارالىق توپ», «ەرەسەكتەر توبى» جانە «ارداگەلەر توبى» دەپ جاسى مەن بەيىمىنە قا­راي بىرنەشە توپقا ءبولىندى. 4376 مەتر بيىكتىكتە ور­نالاسقان نۇر­سۇلتان شىڭىنىڭ باسىنا شىققان الپينيستەر ءبىر كىسىدەي «استانا!» دەپ بار داۋسىمەن جار سالدى. ىلە الاتاۋىنىڭ تۇيىقسۋ اۋ­دانىندا ورنالاسقان بۇل شىڭ بۇ­رىنىراقتا كومسومول شىڭى دەپ اتالىپ كەلگەن ەدى. 1995 جىلى ەلباسى نۇرسۇلتان نازارباەۆ وسى شىڭنىڭ توبە­سىنە كوتەرىلىپ, ءزاۋ­لىم بيىكتەن قول بۇلعاپ, كوك باي­راعىمىزدى جەلبىرەتكەن. سودان كەيىن 1998 جىلى ەلدىڭ ىقىلاسىمەن وسى شىڭعا ەلىمىز­دىڭ تۇڭعىش پرەزيدەنتى ن.نا­زارباەۆتىڭ قۇرمەتىنە نۇر­سۇلتان ەسىمى بەرىلگەن-ءدى. تاۋ باسىنا شىعۋ ساپارىنا قاتىسۋشىلارعا “مەدەۋ – شىمبۇلاق – مەدەۋ” قاناتتى جولى تەگىن قىزمەت كورسەتتى. 500-دەن اسا ەرىكتى قالا تۇرعىن­دارى قاتىسقان شارانىڭ قاۋىپ­سىزدىگىن قامتاماسىز ەتۋ ءۇشىن قۇتقارۋ قىزمەتىنىڭ 300-گە جۋىق مامانى جۇمىلدىرىلىپ, جوعارىدان تىكۇشاقپەن با­قى­لاۋدى قولعا الدى. اتالعان جا­رىسقا قاتىسقاندارعا «نۇرسۇل­تان-2011» الپينياداسىنا قا­تىسۋشى» دەگەن سەرتيفيكات بەرىلسە, شىڭنىڭ باسىنا دەيىن اپتىقپاي جەتكەن جەڭىم­پاز­داردىڭ ءبارى ۇلتتىق وليمپيادا كوميتەتىنىڭ ديپلوم­دا­رى­مەن جانە باعالى سىيلىقتارمەن ماراپاتتالدى. قانات ەسكەندىر. الماتى.