«پۋشكين» پرەمەراسى – ەلوردا ساحناسىندا

استانا كۇنى مەرەكەسىنە ار­نال­عان ءىس-شارالار اياسىندا ەلور­دا­مىز­دىڭ مادەني وشاقتارىنىڭ ساح­نا­سىن­دا الەمدىك تۋىندى­لار­دىڭ پرە­مەراسى وتەتىندىگى دە سوڭعى جىل­دارى ءداس­تۇرگە اينالىپ كەلەدى. سونىڭ ءبىر كورىنىسى رەسەي حالىق ءارتىسى سەرگەي بەزرۋكوۆتىڭ «پۋشكين» كينوسپەك­تاكلى­نىڭ قو­يى­لىمى بولىپ تابى­لا­دى. العاش رەت وسى­دان تۋرا ءبىر اي بۇرىن رەسەيدەگى «ميحايلوۆسكوە» مۇرا­جاي-قورى­عىن­دا تۇساۋكەسەرى ءوت­كەن بۇل قويى­لىم ەندى استانالىق­تار مەن قالا قوناقتارىنىڭ نازا­رى­نا ۇسىنىلىپ وتىر. تالانتتى ءارتىس سەرگەي بەزرۋكوۆ وتكەن جىلى استانا كۇنى مەرەكەسى قارساڭىندا بەيبىتشىلىك جانە كەلىسىم سارايىندا العاش رەت «باس­بۇ­زار» مۋ­زىكالىق-پوەتي­كالىق قويى­لى­مىن قا­زاق­ستاندىق كورەر­مەندەر تالقىسىنا ۇسىنعان بولاتىن. ول سەرگەي ەسەنيننىڭ پوە­زياسىن روك-قۇرى­لىم­دار­مەن, جالىن­دى تانگومەن, سىرشىل باللادالارمەن, بالەتتىك مونولوگتارمەن ساحنالا­عان ەدى. ءبىر جارىم جىل بويى ءاي­گىلى ورىس اقىنىنىڭ ءومىرى تۋرالى تول­عان­عان سەرگەي بەزرۋكوۆ ءوز شىعار­ما­سىن اس­تا­نا­لىقتار نا­زارىنا ۇسى­نا وتى­رىپ: «ەسەنيننىڭ تەك جانىن ءتۇسىنىپ قانا قوي­ماي, ءتىپتى سىرتتاي ۇقسا­عىم كەلدى. ونىڭ پوەزيا­سىن­دا­عى ءار ءسوز, ءار جول ناعىز ءسۇيىس­پەن­شى­لىككە تو­لى» دەپ تەبىرەنگەن بولاتىن. ەندى مىنە, استانانىڭ 13 جىل­دىق مۇشەل مە­رەكەسىندە رەجيسسەرلىك قى­رىنان تانىلا باس­تاعان سەرگەي بەزرۋكوۆ ورىس­تىڭ ۇلى اقى­نى ا.س.پۋشكيننىڭ ءومىرى مەن ءولىمى تۋرالى كي­نو قويى­لىم­دى ەلوردا ساح­ناسىنا شىعا­رىپ وتىر. 3 جانە 4 شىلدە كۇندەرى «كونگرەسس-حولل» ساحناسىندا ەرەكشە تابىس­پەن وتكەن بۇل قويىلىمعا سەر­گەي­دىڭ اكەسى ۆي­تالي بەز­رۋ­كوۆتىڭ «ي جيزن, ي سلەزى, ي ليۋبوۆ» پەساسى ارقاۋ بول­عان. وندا الەك­ساندر پۋشكين ءومى­رىنىڭ ماڭىزدى كەزەڭدەرى سوم­دا­لادى. پۋشكين­نىڭ ميحايلوۆسكىگە ال­عاش كەلۋى, گەككەرن مەن دانتەستىڭ ديالوگى, اقىن­نىڭ ناتاليا گونچاروۆامەن نەكەلەسۋى, پۋشكيننىڭ اكە­­سى­­مەن اڭگىمەسى بەينەفيلم كورىنىسى پىشىنىندە بەينەلەنگەن. قويى­لىم با­رى­­سىن­دا بەي­­نە­كورى­نىستەر ەك­راندا كور­سەتىلىپ وتىرىلادى. «پۋشكين» كينوسپەكتاكلى اقىن ءومى­رىنىڭ وسىنداي شارىقتاۋ كەزەڭ­دەرىمەن ورىلە كەلىپ, جالىن­دى اقىن­نىڭ 1837 جىلى دۋەل سال­دارىنان قايعىلى قازا­عا ۇشى­راۋىمەن اياق­تا­لا­دى. وسىنداي شي­رىعىستى كو­رى­نىس­تەرمەن بەي­نەلەنگەن قو­يى­­لىم كو­رەر­مەندى باۋراپ, ساح­ناداعى وقي­­عالارعا ەرىكسىز تار­تادى. «ءبىز پۋش­­كيننىڭ قا­زا­سىنا ەتىمىز ۇيرەن­گەنى­مىز سون­شا­لىق, سەلت ەتكەندى قوي­عان­بىز. ءبىز 1837 جى­لى  بولعان, قازىرگى كۇن سا­ناۋ بو­­يىنشا 10 اق­پان­داعى اقىن ءولىمى كۇ­نىن ەسكەرمەيمىز دە. ال مەن وسى ءبىر قارالى كۇندە بول­عان قازاعا كورەر­مەن­دەر جۇرەگىنىڭ ءدىر ەتكەنىن قالا­دىم. ولار­دىڭ اقىن ءولىمى تۋرا­لى بۇ­رىن­نان بىلەتىن تاريحىن قاي­تا­دان باستان ءوت­كەر­گەندەي اسەردە بول­عا­نىن قالادىم», دەيدى سەرگەي بەزرۋكوۆ. جىلقىباي جاعىپار ۇلى.