05 شىلدە، 2011

قوس مەرەكە اياسىنداعى نەكە قيۋ ءراسىمى

2281 رەت كورسەتىلدى
وتكەن سەنبىدە تاۋەلسىز قا­زاق­ستاننىڭ 20 جىلدىعى مەن استانا كۇنى مەرەكەسىنە وراي، قالالىق ادىلەت دەپارتامەنتىنىڭ ۇيىمداس­تى­رۋىمەن، قالالىق احاج ءبولى­مى ەلوردالىق 38 جۇپتىڭ سالتا­ناتتى نەكە قيۋ ءراسىمىن وتكىزدى. جاس جۇبايلار ادەتتە باقىت اكە­لەدى دەگەن ىرىممەن توي­لارىن ەلەۋلى داتالارعا سايكەس­تەن­دىرىپ ءوت­كىزۋگە تىرىساتىنى بارشاعا ءما­لىم. سونداي كۇن­دەر­دىڭ ءبىرى – استانا كۇنى. قوس مەرەكەگە ارنالعان سالتاناتتى نەكە قيۋ ءراسىمى – ۇزاق ءارى باقىتتى بىرلەسكەن ءومىر ءسۇرۋ­دىڭ باستاۋى. بۇل ءداستۇرلى ءىس-شارا­نىڭ قاتى­سۋ­شىلارى – ۇيلەنۋ توي­لارى اس­تانامىزدىڭ تۋعان كۇنى­نە تۇسپا-تۇس كەلىپ وتىرعان جاس جۇ­بايلار. ستاتيستيكالىق دەرەكتەرگە ءسۇ­يەنسەك، استانا كۇنى قارسا­ڭىندا نەكەلەسۋدى نيەت ەتكەن جۇپ­تار­دىڭ سانى استانادا عانا ەمەس، بۇكىل قازاقستان بويىنشا جى­ل­دان-جىل­عا ارتىپ كەلەدى ەكەن. بيىلعى سالتاناتتى شارا «قا­راقات» مەكتەپ-ستۋدياسىندا ءبى­لىم الىپ جاتقان شاكىرتتەردىڭ جەتىگەنشىلەر توبىنىڭ ونەرىمەن اشىلدى. استانا قالالىق احاج ءبولىمىنىڭ باس­تىعى گۇلنار ساعىن­دىقوۆا: «قۇر­­مەت­تى جاس جۇبايلار، نەكە جانە وتباسى زاڭىنا سايكەس، 2 شىلدە كۇنى سىزدەردىڭ نەكە­لەرىڭىز زاڭدى تۇردە قيىلدى. بۇگىننەن باس­تاپ، سىزدەردى ەرلى-زايىپ­تىلار دەپ جاريا­لايمىز. نەكە تۋرالى كۋالىك­تەردى ءبۇلدىرشىن بالالار­دىڭ قولىمەن تاپسىرىپ وتىرمىز. سەبەبى، بالالار – ءومىردىڭ جال­عا­سى، بولاشا­عى. استانا مەرەكەسى قار­ساڭىندا باس­قان قادام­دارىڭىز وسى سابيلەردىڭ جۇرەگىندەي پاك، تازا ءارى شىنايى بولسىن»، – دەپ جاس جۇبايلاردى نەكە قيۋ ءساتى­مەن قۇتتىقتادى. سالتاناتتى جيىنعا، بارلىعى 38 جۇپ پەن ولاردىڭ تۋعان-تۋىس­تارى، جولداستارى، سونداي-اق ار­نا­يى قو­ناقتار دا شاقىرىلعان ەكەن. شاقى­رىلعان قوناقتاردىڭ ءبىرى س.سەيفۋللين اتىنداعى قازاق اگرو­تەحنيكالىق ۋنيۆەرسيتەتىنىڭ رەك­تورى، استانا قا­لا­لىق ءماسلي­حا­تى­نىڭ دەپۋتاتى ايت­ب­اي بۇ­لاشەۆ ءسوز كەزەگىندە: «قۇر­­مەتتى جاس جۇ­باي­لار، بۇگىن سىزدەر مەن اتا-انا­لارى­ڭىز ءۇشىن، تۋ­عان-تۋىس­­قاندا­رى­ڭىز ءۇشىن ۇلكەن مەرەكە ەكەنى ءسوزسىز. نەكە­لەرىڭىز قيى­­لىپ، كوپ­تەگەن جاس وتاۋدىڭ شا­ڭى­راعى كو­تەرىلىپ وتىر. بۇل وقيعا­نىڭ ەگەمەن ەلىمىزدىڭ باس قالاسىنىڭ تورىندە ورىن الۋى بار­شامىزدى قۋان­تادى.  توي­لارى­ڭىز قۇتتى بو­لىپ، قا­دام­دارىڭىزعا گۇل ءبىتسىن دەمەكپىن!»، – دەدى. ال «قا­زاقستان ارۋى – 2008» باي­قاۋى­نىڭ جۇلدە­گەرى، «حابار» تە­لەار­نا­­سى­نىڭ تەلە­جۇرگىزۋشىسى دينارا ءسات­جانوۆا جاس جۇبايلاردى قۇت­تىقتاي كەلە، سال­تاناتتى شاراعا تىركەلگەن ەڭ جاس جۇپ جاڭگىر جۇما­بەكوۆ پەن جۇل­دىز ماقاشەۆاعا،  سو­نىمەن بىرگە جاس جاعىنان ەڭ ۇلكەن جۇپ اندرەي رۋسسكي مەن تاتيانا سەردەنچۋككە «سەزون» جۋرنالىنا جىل­دىق جا­زىلۋ سەرتيفيكاتىن تارتۋ ەتتى. نەكە قيۋ راسىمىنە ەرلى-زا­يىپتى تەلەجۇرگىزۋشىلەر نۇر­دىلدا وراز بەن گۇلناز الىمگەرەي دە جاڭادان وتاۋ قۇرىپ جاتقان جاس جۇبايلارعا وزدەرى­نىڭ ءجۇ­رەك­جاردى اق تىلەكتەرىن ارنادى. سالتاناتتى شارانى بۇلتسىز كو­گىلدىر اسپاننان توگىلگەن كۇن اراي­لان­د­ىرا تۇسسە، «قاراقات» مەك­تەپ-ستۋديا­سى­نىڭ شاكىرتى اياۋ­لىم سادۋاقاسوۆا «ساعان حالقىم» انىمەن مەرەيلەندىردى. اس­تانا­دا­عى «اتامەكەن» ەتنو-مە­مو­ريالدى كەشەنىنەن باستاۋ العان سال­تا­نات­تى نەكە قيۋ ءرا­سى­مى، «دۋمان» ويىن-ساۋىق ورتا­لى­عى مەن «وتان قور­عاۋشىلار» مونۋمەنتى الدىن­دا­عى الاڭ­دا جالعاسىن تاپتى. جاس جۇباي­لار­عا مەرەكەلىك ايرىقشا بەل­گىسى بار نە­كە قيۋ تۋرالى كۋا­لىكتەر سالتا­نات­تى تۇردە تابىس­تال­­عان­نان كەيىن، شاشۋ شاشىلىپ، كوككە اق شارلار ۇشى­رىلدى. جۇلدىز ءبايدىلدا.
سوڭعى جاڭالىقتار

ۇقساس جاڭالىقتار