قازاقستان رەسپۋبليكاسى ۇكىمەتىنىڭ قاۋلىسى №513

2011 جىلعى 13 مامىر    استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2007 جىلعى 28 ماۋسىمداعى №544 قاۋلىسىنا تولىقتىرۋلار مەن وزگەرىستەر ەنگىزۋ تۋرالى قازاقستان رەسپۋبليكاسىنىڭ «ليتسەنزيالاۋ تۋرالى» 2007 جىلعى 11 قاڭتارداعى جانە «اۆتوموبيل كولىگى تۋرالى» 2003 جىلعى 4 شىلدەدەگى زاڭدارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جولاۋشىلار تاسىمالداۋ جونىندەگى قىزمەتتى ليتسەنزيالاۋ ەرەجەسىن جانە وعان قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 28 ماۋسىمداعى № 544 قاۋلىسىنا مىناداي تولىقتىرۋلار مەن وزگەرىستەر ەنگىزىلسىن: 1) كورسەتىلگەن قاۋلىمەن بەكىتىلگەن جولاۋشىلار تاسىمالداۋ جونىندەگى قىزمەتتى ليتسەنزيالاۋ ەرەجەسىندە: 1-تارماق «17 قاڭتارداعى» دەگەن سوزدەردەن كەيىن «جانە «اۆتوموبيل كولىگى تۋرالى» 2003 جىلعى 4 شىلدەدەگى» دەگەن سوزدەرمەن تولىقتىرىلسىن; 2-تارماقتاعى «تەمىر جول, تەڭىز, وزەن كولىگىمەن» دەگەن سوزدەر الىنىپ تاستالسىن; 3-تارماقتىڭ ءبىرىنشى ابزاتسى «كولىگىمەن» دەگەن سوزدەن كەيىن «قالاارالىق, وبلىسارالىق, اۋدانارالىق (قالاارالىق, وبلىسىشىلىك) جانە حالىقارالىق قاتىناستاردا اۆتوبۋستارمەن, ميكرواۆتوبۋستارمەن» دەگەن سوزدەرمەن تولىقتىرىلسىن; 5-تارماق مىناداي مازمۇنداعى 4) تارماقشامەن تولىقتىرىلسىن: «4) جولاۋشىلاردى قالاارالىق, وبلىسارالىق, اۋدانارالىق (قالاارالىق, وبلىسىشىلىك) جانە حالىقارالىق قاتىناستاردا اۆتوبۋستارمەن, ميكرواۆتوبۋستارمەن تاسىمالداۋ.»; 9-تارماقتا: «بارلىق قاجەتتى قۇجاتتارمەن قوسا» دەگەن سوزدەر «وسى ەرەجەنىڭ 7 جانە 8-تارماقتارىندا كورسەتىلگەن قۇجاتتاردى قوسا» دەگەن سوزدەرمەن اۋىستىرىلسىن; مىناداي مازمۇنداعى ەكىنشى بولىكپەن تولىقتىرىلسىن: «ليتسەنزيانى جانە (نەمەسە) ليتسەنزياعا قوسىمشانى بەرۋ تۋرالى شەشىمدى قابىلداۋ مەرزىمى ليتسەنزياردىڭ قولدانىستاعى زاڭناما مەن نورماتيۆتەردە بەلگىلەنگەن سانيتارلىق قاعيدالارعا سايكەس جولاۋشىلاردى تاسىمالداۋعا اۆتوبۋستار مەن ميكرواۆتوبۋستاردىڭ سايكەستىگى تۋرالى كۋالاندىراتىن مەملەكەتتىك سانيتارلىق-ەپيدەميولوگيالىق قاداعالاۋ ورگانىنىڭ سانيتارلىق-ەپيدەميولوگيالىق قورىتىندىسىن الۋىن قامتيدى.»; 14-تارماقتاعى ەكىنشى سويلەم الىنىپ تاستالسىن; 2) كورسەتىلگەن قاۋلىمەن بەكىتىلگەن جولاۋشىلار تاسىمالداۋ جونىندەگى قىزمەتكە قويىلاتىن بىلىكتىلىك تالاپتارى: مىناداي مازمۇنداعى بولىممەن تولىقتىرىلسىن: «قالاارالىق, وبلىسارالىق, اۋدانارالىق (قالاارالىق, وبلىسىشىلىك) جانە حالىقارالىق قاتىناستاردا اۆتوبۋستارمەن, ميكرواۆتوبۋستارمەن: 1) قازاقستان رەسپۋبليكاسىنىڭ ۇكىمەتى بەكىتكەن «اۆتوكولىك قۇرالدارىنىڭ قاۋىپسىزدىگىنە قويىلعان تالاپتار» تەحنيكالىق رەگلامەنتى مەن «جولاۋشىلار تاسىمالدارى بويىنشا اۆتوكولىك قىزمەتتەرى. جالپى تەحنيكالىق شارتتار» 1040-2001 قر ست تالاپتارىنا سايكەس كەلەتىن جەكە مەنشىك قۇقىعىنا جاتاتىن, جالعا بەرۋ شارتى نەگىزىندە نەمەسە وزگە دە زاڭدى نەگىزدەردە اۆتوبۋستار مەن ميكرواۆتوبۋستاردىڭ; 2) اۆتوبۋستار مەن ميكرواۆتوبۋستاردا تاحوگرافتاردىڭ جەنە ولاردى سالىستىرىپ تەكسەرۋ تۋرالى ءتيىستى سەرتيفيكاتتىڭ; 3) اۆتوبۋستار مەن ميكرواۆتوبۋستار يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتىنىڭ جانە تاسىمالداۋشىنىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ شارتتارىنىڭ, سونداي-اق تاسىمالداۋعا ۇسىنىلاتىن بارلىق جىلجىمالى قۇرامعا مەملەكەتتىك تەحنيكالىق بايقاۋدان وتكىزۋ تۋرالى قولدانىستاعى كۋالىكتەردىڭ; 4) جەكە تۇلعا ءۇشىن — ءتيىستى ساناتتاعى جۇرگىزۋشى كۋالىگىنىڭ نە زاڭدى تۇلعا ءۇشىن - ءتيىستى ساناتتاعى جۇرگىزۋشى كۋالىگى بار جۇرگىزۋشىلەر قۇرامىنىڭ; 5) جەكە مەنشىك قۇقىعىندا نەمەسە وزگە دە زاڭدى نەگىزدەردە تاسىمالداۋشىعا تيەسىلى جوندەۋ-وندىرىستىك بازاسىنىڭ نە ۇيىممەن (-دارمەن) جاساسقان قىزمەتتەر كورسەتۋ تۋرالى شارتتىڭ; 6) اۆتوبۋستار مەن ميكرواۆتوبۋستارعا رەيس الدىنداعى تەحنيكالىق بايقاۋ جانە جۇرگىزۋشىلەرگە رەيس الدىنداعى (اۋىسىم الدىنداعى) مەديتسينالىق بايقاۋ جۇرگىزۋ ءۇشىن قىزمەتتەر مەن بىلىكتى پەرسونالدىڭ نە وسىنداي قىزمەتتى جۇزەگە اسىراتىن ءتيىستى ۇيىمدارمەن شارتتاردىڭ; 7) تاسىمالداردى جۇزەگە اسىرۋ قاۋىپسىزدىگى ءۇشىن جاۋاپتى تۇلعانى بەلگىلەي وتىرىپ, بۇيرىق كوشىرمەلەرىنىڭ بولۋىن قامتيدى.». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى    ك.ءماسىموۆ.