قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №222

2011 جىلعى 30 مامىر  استانا قالاسى «جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ  ۇيىمدارىنا وقۋعا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 19 جەلتوقسانداعى № 638 بۇيرىعىنا وزگەرىستەر مەن تولىقتىرۋلار ەنگىزۋ تۋرالى جوعارى وقۋ ورىندارىندا وقۋ ءۇشىن ۇمىتكەرلەردى قابىلداۋ ءراسىمىن جەتىلدىرۋ جانە ىرىكتەۋدى قامتاماسىز ەتۋ ماقساتىندا بۇيىرامىن: 1. «جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2007 جىلعى 19 جەلتوقسانداعى № 638 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5115 بولىپ تىركەلگەن, «زاڭ گازەتىنىڭ»  2008 جىلعى 22 اقپانداعى № 28 (1428) سانىندا جاريالانعان)   مىناداي وزگەرىستەر مەن تولىقتىرۋلار ەنگىزىلسىن: جوعارىدا كورسەتىلگەن بۇيرىقپەن بەكىتىلگەن جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى ەرەجەسىندە: 4-تارماقتىڭ ەكىنشى ءبولىمى مىناداي رەداكتسيادا جازىلسىن: «كەشەندى تەستىلەۋ وتكەن جىلدارداعى جالپى ورتا ءبىلىم بەرۋ ۇيىمدارىنىڭ بىتىرۋشىلەرى, باستاۋىش جانە كاسىپتىك ورتا وقۋ ورىندارىنىڭ (تەحنيكالىق جانە كاسىپتىك, ورتا بىلىمنەن كەيىنگى) بىتىرۋشىلەرى, ۇبت-عا قاتىسپاعان حالىقارالىق وقۋشىلارمەن الماسۋ جەلىسى بويىنشا شەتەلدە وقىعان جالپى ءبىلىم بەرەتىن مەكتەپتىڭ بىتىرۋشىلەرى, وزبەك, ۇيعىر جانە تاجىك تىلدەرىندە وقىتاتىن جالپى ورتا ءبىلىم بەرەتىن مەكتەپتىڭ بىتىرۋشىلەرى, رەسپۋبليكالىق مۋزىكا مەكتەپ-ينتەرناتتارىنىڭ بىتىرۋشىلەرى, سونداي-اق وقۋ ورىندارىن شەتەلدە بىتىرگەن ازاماتتار ءۇشىن وتكىزىلەدى.» 16-تارماق مىناداي رەداكتسيادا جازىلسىن: «16. جەرگىلىكتى جەردە ۇيىمداستىرۋ جانە اقپاراتتىق-ءتۇسىندىرۋ جۇمىستارىن جۇرگىزۋ جانە قوعامدىق ءتارتىپتى ساقتاۋ ءۇشىن تالاپكەرلەردىڭ كەشەندى تەستىلەۋىن ۇيىمداستىرۋ مەن وتكىزۋ جونىندە مەملەكەتتىك كوميسسيالار (بۇدان ءارى - مەملەكەتتىك كوميسسيا) قۇرىلادى.»; 16-1 تارماق مىناداي مازمۇنمەن تولىقتىرىلسىن: «16-1. كەشەندى تەستىلەۋدى وتكىزۋ تەحنولوگياسىنىڭ ساقتالۋىن باقىلاۋدى جۇزەگە اسىرۋ ءۇشىن بازالىق جوو-عا قازاقستان رەسپۋبليكاسى ءبىلىم جانە عىلىم مينيسترلىگىنىڭ ۋاكىلەتتى وكىلدەرى (بۇدان ءارى – مينيسترلىك وكىلدەرى) جىبەرىلەدى.»; 21-تارماقتىڭ ەكىنشى ءبولىمى مىناداي رەداكتسيادا جازىلسىن: «شىعارماشىلىق ماماندىققا ءتۇسۋشى تالاپكەرلەر ءۇشىن تەستىلەۋدىڭ ەكى ءپانى بويىنشا بالدارى ەسەپتەلەدى: قازاق نەمەسە ورىس ءتىلى جانە قازاقستان تاريحى.»; مىناداي مازمۇنداعى 22-1, 22-2 تارماقتارمەن تولىقتىرىلسىن: «22-1. تالاپكەرگە ءبىر ورىننان ەكىنشى ورىنعا اۋىسىپ وتىرۋعا, ەمتيحان ماتەريالدارىن باسقا تالاپكەرمەن اۋىستىرۋعا, كوشىرىپ جازۋعا, وقۋلىقتاردى جانە باسقا دا ادىستەمەلىك ادەبيەتتەردى, بايلا­نىس قۇرالدارىن (پەيدجەر, ۇيالى تەلەفون) اۋديتورياعا كىرگىزۋگە جانە پايدالانۋعا رۇقسات ەتىلمەيدى. 22-2. تالاپكەر وسى ەرەجەنىڭ 22-1 تارماعىن بۇزعان جاعدايدا مينيسترلىك وكىلى: 1) وسى ەرەجەنىڭ 4-قوسىمشاسىنا سايكەس نىساندا تىيىم سالىنعان زاتتىڭ تاركىلەنۋى جانە اۋديتوريادا ءتارتىپ ەرەجەلەرىن بۇزعان تالاپكەرلەردى اۋديتوريادان شىعارۋ تۋرالى اكت جاسايدى; 2) تەستىلەۋ ناتيجەلەرىن جويۋ جانە تالاپكەردى اۋديتوريادان شىعارۋ تۋرالى شەشىم قابىلدايدى.»; 24-تارماق مىناداي رەداكتسيادا جازىلسىن: «24. تەستىلەۋ ناتيجەلەرىن وڭدەۋ اياقتالعاننان كەيىن دۇرىس جاۋاپتار كودى ىلىنەدى.»; 27-تارماق مىناداي رەداكتسيادا جازىلسىن: «27. تەست تاپسىرمالارىن باعالاۋ كەزىندە بىرىڭعاي تالاپتاردى ساقتاۋدى جانە داۋلى ماسەلە­لەردى شەشۋدى قامتاماسىز ەتۋ, كەشەندى تەستىلەۋگە قاتىسۋشىلاردىڭ قۇقىعىن قورعاۋ ماقساتىندا تەستىلەۋ وتكىزۋ كەزەڭىندە اپەللياتسيانى قاراۋ جونىندەگى رەسپۋبليكالىق كوميسسيا (بۇدان ءارى - رەسپۋب­ليكالىق اپەللياتسيالىق كوميسسيا) جانە ءاربىر بازالى جوو-دا اپەللياتسيالىق كوميسسيا قۇرىلادى. رەسپۋبليكالىق اپەللياتسيالىق كوميسسيا اپەللياتسيالىق كوميسسيانىڭ تالاپكەرگە بالدار قوسۋ تۋرالى ۇسىنىستاردىڭ نەگىزدەمەسىن قارايدى جانە سوڭعى شەشىم قابىلدايدى. اپەللياتسيالىق كوميسسيا تەستىلەۋگە قاتىسۋشىلاردان وتىنىشتەر قابىلدايدى جانە قارايدى, تالاپكەرگە بالدار قوسۋ تۋرالى رەسپۋبليكالىق اپەللياتسيالىق كوميسسياعا ۇسىنىس ەنگىزەدى جانە ونى اپەللياتسيانىڭ قورىتىندىلارى تۋرالى حاباردار ەتەدى. اپەللياتسيالىق كوميسسيانىڭ نەگىزگى فۋنكتسيالارى مەن ءىس-ارەكەتتەرى قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2010 جىلعى 1 شىلدەدەگى № 350 بۇيرىعىمەن بەكىتىلگەن جوعارى ءبىلىمنىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋ كەزىندە قۇرىلاتىن اپەللياتسيالىق كوميسسيا تۋرالى ەرەجەگە سايكەس جۇزەگە اسىرىلادى.»; مىناداي مازمۇنداعى 46-1, 46-2, 46-3,  تارماقتارمەن تولىقتىرىلسىن: «46-1. ۇشقىشتاردى دايارلاۋدى جۇزەگە اسىراتىن جوعارى وقۋ ورنىنا تۇسەتىن تۇلعالار ءۇشىن دارىگەرلىك-ۇشقىشتىق ساراپتاۋ كوميسسياسىنىڭ ۇشقىشتاردى دايارلاۋ جونىندەگى جوعارى وقۋ ورنىندا وقۋىنا جارامدىلىعىنا مەديتسينالىق قورىتىندىنى بەرە وتىرىپ مەديتسينالىق كۋالاندىرۋى مىندەتتى. 46-2. ۇلتتىق بىرىڭعاي تەستىلەۋ نەمەسە كەشەندى تەستىلەۋ شەڭبەرىندە تاپسىرعان پاندەردىڭ بىرەۋىنەن 4-بالدان تومەن بالل العان جاعدايدا, تالاپكەرلەر اقىلى بولىمگە قابىلدانبايدى جانە ءبىلىم بەرۋ گرانتىن تاعايىنداۋ كونكۋرسىنا قاتىسۋعا رۇقسات بەرىلمەيدى. 46-3. ەگەر, ازامات ەكىنشى دەڭگەيدەگى بانكتەر بەرەتىن ءبىلىم بەرۋ كرەديتىن رەسىمدەسە, ول قۇجاتتارىنىڭ سول بانكتە قاراستىرىلىپ جاتقاندىعى تۋرالى ءتيىستى انىقتامانى جوو-عا ۇسىنعان جاعدايدا وقۋ ورنىنىڭ ستۋدەنتى قاتارىنا قابىلدانادى. وسى رەتتە وعان ءبىلىم بەرۋ كرەديتىن رەسىمدەۋ كەزەڭىندە ءبىلىم بەرۋ قىزمەتىن كورسەتۋ شارتىندا بەلگىلەنگەن جانە ازاماتتى وقۋعا قابىلداۋعا دەيىنگى تولەۋگە جاتاتىن سومانى تولەۋ مەرزىمىن ۇزارتۋ ۇسىنىلادى. بىراق ول بانكتەن انىقتاما العان ساتتەن باستاپ 4 اپتاعا جارامدى.»; وسى بۇيرىققا № 1-قوسىمشاعا سايكەس 4-قوسىمشامەن تولىقتىرىلسىن. 2. جوعارى جانە جوعارى وقۋ ورنىنان كەيىنگى ءبىلىم دەپارتامەنتى (س.م. ومىرباەۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. وسى بۇيرىقتىڭ ورىندالۋىن باقىلاۋ ۆيتسە-مينيستر م.ك. ورىنحانوۆقا جۇكتەلسىن. 4. وسى بۇيرىق العاش رەت رەسمي جاريالانعاننان كەيىن قولدانىسقا ەنگىزىلەدى. مينيستر            ب. جۇماعۇلوۆ. «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ مينيسترلىگى ________________س. قايىربەكوۆا «___»________ 2011 ج. قازاقستان رەسپۋبليكاسى ءبىلىم جانە عىلىم ءمينيسترىنىڭ 2011   جىلعى 30 مامىر  №222  بۇيرىعىنا 1- قوسىمشا جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ  ۇيىمدارىنا وقۋعا قابىلداۋدىڭ  ۇلگىلىك ەرەجەسىنە 4-قوسىمشا اۋديتوريادا ءتارتىپ ەرەجەلەرىن بۇزعان تالاپكەرلەردى اۋديتوريادان شىعارۋ جانە تىيىم سالىنعان زاتتىڭ تاركىلەنۋى تۋرالى اكتى ________________________________________________________________________________ (بازالىق جوو اتاۋى) «_______»__________20_____ج.                          _______ساع. ________مين.   مينيسترلىك وكىلى  _________________________________________________________________ (اتى-ءجونى) اۋديتوريا كەزەكشىسى _______________________________________________________________ (اتى-ءجونى)   تالاپكەردەن: اتى-ءجونى____________________________________________ تجك_____________, اۋديتوريا №______, ورىن №______, نۇسقا №____ جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ  ۇيىمدارىنا وقۋعا قابىلداۋىڭ ۇلگىلىك ەرەجەسىنىڭ 22-1 جانە 22-2 تارماعىنىڭ بۇزىلعاندىعىن دالەلدەيتىن تومەندەگى زاتتار تابىلدى: __________________________________________________________________________________ (ۇيالى تەلەفوننىڭ ماركاسى, سانى جانە مالىمەتتەرى بار شپارگالكا جانە ت.ب.)   وسى فاكتىنى ەسەپكە الىپ قاۋلى ەتىلدى: ەمتيحان ماتەريالدارىن الۋ; ءبىتىرۋشىنى: اتى-ءجونى__________________________________________________, تجك_______№_____اۋديتوريادان شىعارۋ جانە ەمتيحان ماتەريالدارىن جويۋ. ____________________________________________________________________ (وسى اكتىنى قۇرعان تۇلعالاردىڭ اتى-ءجونى جانە قولدارى) اكتىمەن تانىستىم: ___________________________________________________ ء(بىتىرۋشىنىڭ اتى-ءجونى, قولى) اكتىمەن تانىستىم: ___________________________________________________ (بازالىق جوو-نىڭ جاۋاپتى حاتشىسىنىڭ اتى-ءجونى, قولى)   م.و. (بازالىق جوو ءمورى) مەرزىمى:___________   بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 16 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 7015 بولىپ ەنگىزىلدى.