قاۋىپسىز عالامتور – قاۋىپسىز قوعام

بايلانىس جانە اقپارات مينيسترلىگىنىڭ قولداۋىمەن الماتى قالاسىندا «قازاقستان ينتەرنەت اسسوتسياتسياسى» زاڭدى تۇلعالار بىرلەستىگى «تەرروريزم, ناشاقورلىق, پورنوگرافيا, زورلىق-زومبىلىقتى ناسيحاتتايتىن كونتەنت» تاقىرىبىندا دوڭگەلەك ۇستەل وتكىزدى. ينتەرنەت – بۇگىندە اقپارات­تىڭ قايناعان كوزى بولىپ تابى­لا­دى. الايدا, ينتەرنەت اعىمىندا تەك پايدالى ءارى جاعىمدى اقپارات قانا كەزدەسەدى دەپ قاتەلەسۋگە بولمايدى, ويتكەنى, بۇگىنگى تاڭدا وسى اقپارات كوزى ارقىلى ءدىني جانە ۇلتارالىق دۇردارازدىقتى قوزدىرۋ, ەكسترەميزم, تەرروريزم, ناشاقورلىق پەن زورلىق-زومبى­لىقتى, پورنوگرافيانى ناسيحات­تاي­تىن زاڭسىز قولدانۋشىلار دا كوپتەپ تابىلۋدا. دوڭگەلەك ءۇس­تەلدى وتكىزگەندەگى ماقسات, قازاق­ستان­دىق تۇتىنۋشىلارعا, ونىڭ ىشىندە, اسىرەسە, بالالار مەن جاس­وسپىرىمدەرگە قاۋىپسىز اقپاراتتىق ورتا قالىپتاستىرۋدى قامتاماسىز ەتۋ جانە زاڭسىز اقپارات تاراتۋ كوزدەرىنە جول بەرمەۋ قاعيداسىن قالىپتاستىرۋ بولىپ وتىر. اتالعان باسقوسۋعا قوعامدىق بىرلەستىكتەردىڭ باسشىلارى, تا­نى­مال ينتەرنەت-رەسۋرستاردىڭ وكىل­دەرى, بايلانىس وپەراتورلارى جانە قر پارلامەنتى ءماجىلىسىنىڭ دەپۋتاتتارى مەن مەملەكەتتىك ور­گانداردىڭ وكىلدەرى قاتىسىپ, ءوز وي­لارىن ورتاعا سالدى. وسى جىل­دىڭ ماۋسىم ايىندا قازاقستان­دىق 15 بايلانىس وپەراتورلارى مەن حوستينگ-پروۆايدەرلەرى «قاۋىپ­سىز ين­تەرنەت تۋرالى» دەكلاراتسياعا قول قويعان ەدى. سوعان سايكەس قا­زاق­ستان رەسپۋبليكاسى زاڭدارىن اقپا­راتتى-كوممۋنيكاتسيالىق تەحنولوگيالار باعىتىنداعى قارىم-قاتى­ناستا ناتيجەلى پايدالانۋ كوزدەل­گەن. قول قويۋشى تاراپتار­دىڭ اي­تۋىنشا, زاڭعا قايشى كەلەتىن اق­پاراتتىق-ناسيحات كوزدەرى­نىڭ قىس­قار­تىلۋى ناقتى مالىمەت پەن پاي­دالى قىزمەت ۇسىناتىن ساپالى رە­سۋرستاردىڭ دامۋىنا ىقپال ەتەدى. ناقتى مالىمەتكە سۇيەنسەك, ىشكى ىستەر مينيسترلىگىنىڭ قىل­مىستىق پوليتسيا كوميتەتى كەلتىرگەن اقپارات بويىنشا, 2010 جىلى اقپاراتتىق تەحنولوگيا سالاسىندا 1800 قۇقىق بۇزۋشىلىق ورىن العان. سونىڭ ىشىندە, ەكى جۇزگە جۋىق قىلمىستىق ءىس قوزعالىپ, كونترافاكتىلىق ءونىم وندىرۋگە قاتىستى 81 وقيعا, ارنايى تەحني­كالىق قۇرالداردى زاڭسىز پايدا­لانعان 6 وقيعا, باسقا بىرەۋدىڭ ەسەبىنەن ينتەرنەتتى پايدالانعان 21 وقيعا تىركەلىپ, پورنوگرافيانى تاراتۋمەن اينالىسقانى ءۇشىن 61 قىلمىستىق ءىس, زورلىق-زومبى­لىق­تى ناسيحاتتاعانى ءۇشىن 4 قىل­مىستىق ءىس قوزعالعان. قوعامدا عالامتور ارقىلى قىل­مىستىڭ ەتەك الماۋى ءۇشىن باس­تاماشىلار ينتەرنەت جانە تەلەفون بايلانىسى ارقىلى تولاس­سىز جۇمىس ىستەيتىن «قىزۋ بايلانىس جەلىسىن» ىسكە قوسۋدى كوزدەپ وتىر. وسى ورايدا www.safekaznet.kz ساي­تىن قولدانىسقا ەنگىزبەك. ۇيىم­داستىرۋشىلار وسى تاقى­رىپتى تەرەڭىرەك قوزعايتىن ءدوڭ­گە­لەك ۇستەل وتكىزۋ شاراسىن ءداس­تۇرگە اينالدىرىپ, اتالمىش سايت (www.safekaznet.kz) كەلەشەكتە مەم­لەكەت, بيزنەس جانە قوعام وكىلدەرى­نىڭ «قاۋىپتى اقپارات ۇسىنۋشى­لار» تاراپىنان ارانداتۋعا ۇشى­را­ماي, تيىسىنشە قوعامدىق قارىم-قاتىناستىڭ ناتيجەلى تاسىلدەرىن تالقىلاۋ الاڭىنا اينالادى دەپ سەنىم ارتىپ وتىر. قانات ەسكەندىر, الماتى.