جەتىسۋ جەرىن دۋمانعا بولەدى
ەل تاۋەلسىزدىگىنىڭ 20 جىلدىعى اياسىندا وتكىزىلىپ جاتقان ءمادەني كوپشىلىك شارالار لەگى بارعان سايىن جارقىن سيپات الىپ, اۋىل-ايماقتاعى جۇرتشىلىقتى قۋانىشقا كەنەلتە باستادى. سونىڭ ايعاعىنداي, رەسپۋبليكالىق اقىندار ايتىسى ۇزىناعاش اۋىلىندا ءوتىپ, ونى كوپشىلىك ەرەكشە ىقىلاس قويىپ تاماشالادى. بۇل جىر باسەكەسى سونداي-اق حالىق پوەزياسىنىڭ الىبى جامبىلدىڭ تۋعانىنا 165 جىل تولۋى قۇرمەتىنە وراي ۇيىمداستىرىلعانىن دا اتاپ ايتقان ورىندى.
ەلىمىزدىڭ بىرنەشە وبلىستارى مەن قالالارىنان كەلگەن ونەر ساڭلاقتارى ءوزارا باسەكەدە ءسوز سايىسىنىڭ ءداستۇرلى ۇلگىسىنەن جاڭىلمادى. قىز بەن جىگىت, جەزدە مەن بالدىز, جەڭگە مەن قاينى, ۇستاز بەن شاكىرت, قۇرداستار اراسىنداعى استارلى ءازىل, تاپقىر تارماقتار ارقىلى ءبىر-ءبىرىن بىردە تۇقىرتىپ, بىردە قۇلپىرتىپ سويلەگەن اقىندار ايتىستىڭ اجارىن اشا ءتۇستى.
ناتيجەسىندە, ىنتالاندىرۋ سىيلىعىنا اتىراۋ وبلىسىنان كەلگەن سەرىك قويشىعۇلوۆ پەن نۇربولات نۇعىمانوۆ, جامبىل وبلىسىنىڭ نامىسىن قورعاعان ەسەت دوسالى, الماتىلىق رۇستەم قايىرتاي مەن ايساۋلە بەيسەحان, شىمكەنتتىك كاريما ورالوۆا, الماتى وبلىسىنان قۋانىش ءجانادىل, ابدىعاني ءبازىلحان, ايبەك ەرەجەپ سىندى ءۇش اقىن يە بولدى.
ءسوز شەبەرلەرىنىڭ ءبىر توبىنا اتاقتى اقىندار اتىنداعى ارنايى جۇلدەلەر تاعايىندالدى. ماسەلەن, دوسپامبەت جىراۋ اتىنداعى سىيلىق سەمەيلىك رينات زايتوۆقا, ورازالى دوسبوسىنوۆ اتىنداعى جۇلدە الماتى وبلىسىنان كەلگەن باقىت جاعىپارعا, قازاقستاننىڭ حالىق اقىنى ءاسىمحان قوسباساروۆ اتىنداعى ءجۇلدە قىزىلوردا وبلىسىنان كەلگەن مۇحتار نيازوۆقا, بالقاشتىق ءدۇلدۇل اقىن بالتاعۇل بيگەلديەۆ اتىنداعى جۇلدە شىعىس قازاقستان وبلىسىنان كەلگەن اسەم ەرەجەقىزىنا, الاتاۋدىڭ بۇلب ۇلى اتانعان داڭقتى كومپوزيتور ءارى اقىن كەنەن ازىرباەۆ اتىنداعى ءجۇلدە اقتوبە قالاسىنان كەلگەن تورەعالي اليحانعا, اقىن تەمىرعالي رۇستەمبەكوۆ اتىنداعى جۇلدە قاراعاندى وبلىسىنان كەلگەن ماقسات اقانوۆقا, جانداربەك بەگىمبەتوۆ اتىنداعى ءجۇلدە الماتى قالاسىنىڭ اتىنان ايتىسقان سەرىك قاليەۆكە بۇيىردى.
اقتىق سىنعا التى اقىن جولداما الدى. ولار – استانالىق سەرىكزات دۇيسەنعازين, الماتى وبلىسىنىڭ جاس ارعىماق ايتىسكەرى جانداربەك بۇلعاقوۆ, ورال قالاسىنىڭ جۇيرىگى جانسايا مۋسينا, قاراعاندى وبلىسىنان قارا ءۇزىپ شىققان ەرەن ءدۇلدۇل ديدار قاميەۆ, استانا قالاسىنىڭ اقتاڭگەر اقىنى اينۇر تۇرسىنباەۆا, باتىس قازاقستان وبلىسىنان كەلگەن باۋىرجان حاليوللا.
ىرىكتەۋ ايتىستىڭ قورىتىندىسىندا قازىلار القاسىنىڭ ءتوراعاسى ومىرزاق ايتباي ۇلى ءتۇيىندى ءسوز سويلەپ, تاپقىرلىق پەن وي ۇشقىرلىعىنىڭ وزىق ۇلگىسىن كورسەتكەن دارىن يەلەرىنە شىعارماشىلىق ساتتىلىك تىلەدى.
ايتىس سارىجازىق جايلاۋىندا وتكەن مالشىلار سلەتىندە ناعىز ۇلتتىق داستۇرىمىزگە ساي ۇيىمداستىرىلعان ءتۇرلى ات سپورتى شارالارىمەن بىرگە جالعاستى.
قازىلار القاسىنىڭ باعالاۋىمەن اقىن سارا اتىنداعى ءىىى دارەجەلى ديپلومعا اينۇر تۇرسىنباەۆا, ۇمبەتالى كارىباەۆ اتىنداعى وسىنداي جۇلدەگە باۋىرجان حاليوللا, باقتىباي جولبارىس ۇلى اتىنداعى ءىى دارەجەلى ديپلوم جانداربەك بۇلعاقوۆقا, قابليسا جىراۋ اتىنداعى وسىنداي جۇلدە جانسايا مۋسيناعا بۇيىردى.
اقيىق اقىن ءسۇيىنباي ارون ۇلى اتىنداعى ءى دارەجەلى ديپلوم ديدار قاميەۆكە بەرىلدى. ال جامبىل اتىنداعى باس جۇلدەنى سەرىكزات ءدۇيسەنعازين يەلەندى.
جايلاۋ تورىندەگى جامبىل اۋدانىنىڭ مالشىلار جيىنىندا «سازگەن» فولكلورلىق-ەتنوگرافيالىق ءانسامبلى ونەر كورسەتسە, شارشى كىلەمدەگى بالالاردان باستاپ, بىلەكتى جىگىتتەردىڭ بەلدەسۋىنە كوپشىلىك قاۋىم ەرەكشە قوشەمەت تانىتتى. وبلىس كوكپارشىلارى سەركەنى قولدان بەرمەسە, قىز قۋ ويىنى دا قىزىقتى بولدى.
تاۋ مەن تاستى, ءور مەن ىلديدى تالعامايتىن شاباندوزدار دا ەرەكشەلەنىپ, بەس جۇيرىك بايگەلى بولدى. باس جۇلدە ايدارلىلىق شاباندوزعا, ەكىنشى ورىن بەرىكتاس, ءۇشىنشى ورىندى تالاپ اۋىلىنىڭ سايگ ۇلىكتەرى يەلەندى.
باپ تا, باق تا باسەكەگە تۇسكەن ايتىس پەن ۇلتتىق ويىن ورنەگى وسىلاي قابىسقان تاماشانىڭ كورەرمەن كوڭىلىنەن شىققانى انىق.
كۇمىسجان بايجان.
الماتى وبلىسى.
سۋرەتتەردە: سارىجازىقتاعى مەرەكەدەن كورىنىستەر.
