ەر ەسىمى – ەل ەسىندە!

الماتى قالاسىنداعى 28 گۆاردياشى-پانفيلوۆشىلار ساياباعىندا رە­سەي­دىڭ رجەۆ قالاسىنداعى «باۋىرلاستار زيراتىنان» اكەلىنگەن توپى­راق­تى جەر قوينىنا ورنالاستىرۋ شاراسى ءوتتى. شاراعا قالا اكىمى ا.ەسىموۆ, «نۇر وتان» حدپ الماتى قالالىق فيليالىنىڭ توراعاسى م.بەيدالى, سونداي-اق ۇلى وتان جانە اۋعانستان سوعىستارىنىڭ ارداگەرلەرى مەن رەسەي, ۋكراينا جانە بەلارۋس ەلشىلىكتەرىنىڭ وكىلدەرى قاتىستى. 1945 جىلى اياقتالعان ۇلى وتان سوعىسىنىڭ باستالعانىنا 70 جىل تولۋىنا وراي ۇيىمداستى­رىل­عان بۇل شارادا الماتى قالا­سىنىڭ اكىمى ا.ەسىموۆ ءسوز سويلەپ, ەرلىكپەن قازا تاپقان جاۋىنگەرلەر رۋحىنا قۇرمەت رەتىندە اشىلعان مەموريالدى تاق­تانىڭ اشىلۋ ءرا­سى­مىن اتقاردى. مە­موريالدى تاقتا استىنا رەسەي جەرىنەن, «باۋىر­لاس­تار زيراتىنان» اكە­لىنگەن توپىراق ارنايى قۇتىعا سالى­نىپ قويىلدى. وسىنداي تاعى ءبىر قۇتىداعى توپىراق ءبىر توپ الپينيستەرگە بەرىلىپ, ولار ونى ۇلى وتان سوعىسى اتىنداعى شىڭعا اپارىپ قوياتىنىن مالىمدەدى. 1941 جىلى الماتى مەن اقتوبە قالالارىندا ۇلتتىق اتقىشتار بري­گا­د­اسى جاساقتالعان بولاتىن. 1942 جىلى سول قازاقستاندىق بريگادا كالينين مايدانىندا ءجۇرىپ جاتقان الا­پات سوعىسقا كىردى. وسىدان ەكى جىل بۇرىن سول 1942 جىلدىڭ قارا­شا-جەلتوقسانىندا رجەۆ قالاسىنىڭ تۇبىندە اسا قۇپيا تۇردە جۇرگىزىلگەن «مارس» وپەراتسياسىنىڭ قۇجاتتارىن ىزدەۋگە ارناۋلى توپ قۇرىلىپ, ەرلىكپەن قازا تاپقان جانە ءىز-ءتۇزسىز جوعا­لىپ كەتكەن جاۋىنگەرلەرىمىز تۋرالى كوپتەگەن مالىمەتتەر تاپقان. ءسويتىپ, قازاق ەلى كوپتەگەن باتىر ۇلدارىمەن تابىسقان-دى. 2010 جىلى ۇلى وتان سوعى­سىن­داعى جەڭىستىڭ 65 جىلدىعىن اتاپ ءوتۋ اياسىندا ەلباسى ن.نازار­باەۆتىڭ تاپ­سى­رۋىمەن رجەۆ قالاسىن­دا قازاقستان­دىق 100-101 ارنايى ات­قىشتار بريگا­دا­سى جاۋىنگەرلەرى قۇر­مەتىنە مەمو­ريالدى كەشەن ورناتىل­دى. الماتى­داعى 28 گۆاردياشى-پان­فيلوۆشىلار ساياباعىندا وتكىزىلگەن بۇل شارا بۇگىنگى بەيبىت ءومىر ءۇشىن جانىن قيعان, جاس­تىعىن بەرگەن ەرلەرگە دەگەن قۇرمەتتىڭ قاشاندا جالعاسىن تاباتىندىعىنىڭ ايعاعى. سونداي-اق, بۇل كۇنى ساياباقتاعى «ماڭگىلىك الاۋعا» ۇلى وتان سوعىسى ارداگەرلەرى مەن اۋعانستان سوعىسى ارداگەرلەرىنەن وزگە, ەلشىلىكتەردىڭ وكىل­دەرى, ءتۇرلى پارتيالار مەن قوعامدىق ۇيىمدار مۇشەلەرى گۇل شوقتارىن قويدى. قانات ەسكەندىر. الماتى.