انت

ەگەمەن ەلىمىزدىڭ ىرگەسىنىڭ بەرىك بولۋى ءۇشىن ونىڭ قارۋلى كۇشتەرى قىزمەتىنىڭ ەرەكشە ورىن الاتىنىن ايتىپ جاتۋدىڭ ءوزى ارتىق بولار. سار­دارلارىمىز بەن ساربازدارى­مىز­دىڭ بۇل تۇرعىدا اتقارىپ جاتقان جۇمىس­تارى جايلى ءباسپاسوز بەتتەرى دە ءوز ورىندارىن ۇسىنۋدا. ويتكەنى, ەل قور­عاندارىنىڭ وتان تىنىش­تى­عىن كۇزەتۋدەگى ابىرويلى ەڭبەكتەرىن قا­لاي ماداقتاساق تا جاراسادى. استانا ماڭىندا ورنالاسقان 68665 اسكەري بولىمىندە قازاق گۋمانيتارلىق زاڭ ۋنيۆەرسيتەتىنىڭ اسكەري كافەدرا­سى­نىڭ ەلۋگە تارتا تالىمگەرلەرى وتان الدىنداعى قىزمەتىن ادال اتقارۋ ءۇشىن سالتاناتتى تۇردە انت بەردى. اتالعان اسكەري ءبولىم ساربازدارى­نىڭ ارنايى دايىندالعان كورىنىس­تەرى­نەن كەيىن بولاشاق كىشى ساردارلار (سەرجانت) ارنايى ساپقا تۇرىپ, انت بەرۋ ءراسىمىن باستاپ كەتتى. سال­تاناتتى شارانى كۋرسانتتاردىڭ اتا-انالارى مەن تۋعان-تۋىستارى كەلىپ تاماشالادى. – ءاربىر ەر ازامات اسكەري بورى­شىن وتەپ, ءوز وتانىن قورعاۋ كەرەك. سوندىقتان دا ول اسكەري دايىندىقتان ءوتۋى ءلازىم. سول دايىندىقتان ءوتۋ ءۇشىن الدىمەن انت بەرەدى. بۇگىنگى ءبىزدىڭ ءىس-شارامىز وسىعان سايىپ وتىر. ستۋدەنتتەرىمىز ءبىرىنشى كۋرستىڭ ەكىنشى سەمەسترىنەن باستاپ ءۇشىنشى كۋرستىڭ سوڭىنا دەيىن اسكەري دايىندىقپەن وقيدى. بۇدان كەيىن بۇلاردىڭ بارلى­عى قورعانىس ءمينيسترىنىڭ بۇيرىعى­مەن زاپاستاعى سەرجانت اتاعىن الادى. بيىل ەل تاۋەلسىزدىگىنىڭ 20 جىلدىق مەرەكەسىمەن تۇسپا-تۇس كەلگەنى – بولا­شاق ساردارلار بولاتىن ستۋدەنت­تەرى­مىز­دىڭ تاۋەل­سىزدىكپەن ءتول قۇرداس بو­لىپ وتىر­عان­دىعى دەر ەدىك. بۇلاردىڭ بىزدەگى العان ءبىلىمى مەن ءتالىمى ەرتەڭ وزدەرىنە تاپ­تىرماس قۇرال بولادى. تەوريانى پراك­تيكامەن ۇشتاستىرىپ, وسى دايىن­دىقتار بارىسىندا شىنى­عادى. ەڭ باستىسى دالا جاتتىعۋلارى مەن تۇنگى ساباقتاردا ولار ناعىز ءاس­كەري ومىرگە كىرەدى. سونىمەن قاتار, قارۋ-جاراق پەن ءاس­كەري تەحنيكا­لاردى كوزبەن كورىپ, قول­مەن ۇستايدى. بۇل ولار ءۇشىن بارلىعىن دا ساراپ­تاپ, كوڭىلگە تۇيۋلەرىنە مول مۇمكىندىكتەر بەرەدى, – دەيدى قازاق گۋمانيتارلىق زاڭ ۋني­ۆەرسيتەتى اسكەري كافەدرا­سى­نىڭ باس­تىعى, زاپاستاعى پولكوۆنيك نايمان وقاپوۆ. سونداي-اق وتىز بەس جىل عۇمى­رىن اسكەرگە ارناعان قارت ساردار ەرتەڭ ەل قورعاۋعا ءبىر ساتى جەتپەي تۇرعان نەمەرەسى ديماشتى ارنايى كور­سىن دەپ وسى سالتاناتتى شاراعا الىپ كەلگەندىگىن  ايتتى. مەرەكەلىك جيىنعا ارنايى كەلگەن بولاشاق كىشى ساردار رۇستەم قالي­ ۇلىنىڭ اجەسى كۇلاي دوسمامبەتوۆا نەمەرەسىنىڭ ەل ۇلانى بولىپ, ازاماتتىق بورىشىن وتەۋ الدىندا انت بەرگەنىنە شەكسىز قۋانىشتى ەكەنىن ايتا كەلە, ەلىمىزدىڭ تىنىشتىعى ماڭگىلىك بولعاي دەگەن انالىق تىلەگىن جەتكىزدى. سەكسەن­نىڭ سەڭگىرىنە شىق­قان اجە تىلەگىن جۇرت­شى­لىق ريزاشى­لىقپەن قابىل الدى. ەرتەڭگى ەل بولاشاعى ۇلاندارى­مىزدىڭ اتاقتارىن ابىرويمەن قور­عاپ, ەلىن قورعار ازاماتتاردىڭ قاتا­رىن تولىقتىرارىنا سەنىم زور. انت قابىلداۋ راسىمىندەگى سىمداي تار­تىل­­عان ورەندەردىڭ كوزدەرىندەگى ۇش­قىن وسىنى اڭعارتقانداي. ءابدىراحمان قىدىربەك. سۋرەتتى تۇسىرگەن ورىنباي بالمۇرات.