قازاقستان – كەلىسىمنىڭ ۇلگىسى

كەشە پارلامەنت سەناتىنىڭ توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قايرات ءمامي سەزد حاتشىلىعىنىڭ ح وتىرىسىنا قاتىسىپ جاتقان استانا جانە قازاقستان ءميتروپوليتى, ارحيەپيسكوپ الەكساندرمەن كەزدەستى, دەپ حابارلادى سەناتتىڭ ءباسپاسوز قىزمەتى. كەزدەسۋ بارىسىندا ق.ءمامي پرەزيدەنت ن.نازارباەۆتىڭ باس­تاماسى بويىنشا ءوتىپ كەلە جات­قان ءدىن ليدەرلەرى سەزىنە قولداۋ بىلدىرگەنى ءۇشىن ورىس پراۆوسلاۆيە شىركەۋىنە ريزاشىلىعىن جەت­كىزدى. ق.ءماميدىڭ ايتۋىنشا, 2010 جىلعى قاڭتاردا ماسكەۋ جانە بۇكىل رەسەي پاتريارحى كي­ريللدىڭ استاناعا ساپارى ءبىزدىڭ ەلىمىزدىڭ پراۆوسلاۆيە حريستيان­دا­رى عانا ەمەس, بارلىق قازاق­ستان­دىقتار ءۇشىن ەرەكشە وقي­عالاردىڭ ءبىرى بولدى. «الەمدىك جانە ءداستۇرلى دىندەر ليدەرلەرى سەزى مەن ورىس پراۆوسلاۆيە شىركەۋىنىڭ ىنتى­ماق­تاستىعى قازاقستان مەن رە­سەي­دىڭ وداقتاستىق قاتىناس­تا­رىن ودان ءارى نىعايتۋدىڭ ما­ڭىزدى قۇرامداسى بولىپ تابى­لادى», دەپ اتاپ ءوتتى ق.ءمامي. رەسەيلىك ءدىنباسىنىڭ ايتۋ­ىن­­شا, الەمدىك جانە ءداستۇرلى ءدىن­دەر ليدەرلەرىنىڭ پىكىرلەسۋى ءۇشىن قازاقستاندا ەرەكشە ءمۇم­كىندىك بار. «بۇل فورۋم پرەزيدەنت نۇرسۇلتان نازارباەۆتىڭ ىزگى باستاماسىمەن دۇنيەگە كەلدى», دەپ اتاپ ءوتتى ارحيەپيسكوپ الەكساندر جانە ول «قازاقستان بۇكىل الەمگە ءوزارا كونفەس­سيا­ارالىق ءىس-قيمىلدى ىلگەرىلەتۋ قايىرىمدىلىقتىڭ, بەيبىتشىلىك پەن كەلىسىمنىڭ ۇلگىسىن كورسەتكە­نىن» ايتتى.