كۇن ءتارتىبى بەكىتىلدى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆ­تىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. وندا ءماجىلىستىڭ سالالىق كوميتەتتەرى پالاتانىڭ جالپى وتىرىسىنىڭ كۇن تارتىبىنە ۇسىنعان ماسەلەلەر قارالدى. زاڭناما جانە سوت-قۇقىقتىق رەفورما كوميتەتى «قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە زياتكەرلىك مەن­شىك ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقى­لىمعا ۇسىنىپ جانە «نوتا­ريات تۋرالى» قازاقستان رەس­پۋب­ليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرا­لى» زاڭ جوباسىن تالقىلايتىن بولدى. ال, ەكولوگيا ماسەلەلەرى جانە تابيعات پايدالانۋ كو­ميتەتى «قا­زاقستان رەسپۋب­لي­كاسىنىڭ كەيبىر زاڭنامالىق اكتىلەرىنە ەكولوگيا ماسە­لە­لەرى بويىنشا وزگەرىستەر مەن تولىقتىرۋلار ەنگىزۋ تۋ­را­لى» زاڭ جوباسىن ەكىنشى وقى­لىم­عا شىعارىپ وتىر. جوعارىدا اتالعان جانە باسقا ماسەلەلەرمەن بىرگە كۇن ءتارتى­بىن­دە بىرقاتار حا­لىق­ارالىق قۇجات­تاردى راتيفيكاتسيالاۋ تۋرالى جانە جۇ­مىسىن جالعاستىرۋ ءجو­نىن­دە ماسەلەلەر ناقتىلاندى. الەۋمەتتىك-مادەني دامۋ كوميتەتى, اتاپ ايتقاندا, «قا­زاق­ستان رەسپۋبليكا­سى­نىڭ ەڭبەك كودەكسىنە وزگە­رىستەر مەن تولىق­تى­رۋلار ەنگىزۋ تۋرالى» جانە «قا­زاق­ستان رەسپۋبليكاسىنىڭ كەيبىر زاڭنامالىق اكتىلەرىنە مەم­­لەكەتتىك الەۋمەتتىك تاپسى­رىس ماسە­لە­لەرى بويىنشا ءوز­گەرىستەر مەن تو­لىقتىرۋلار ەنگىزۋ تۋرالى» زاڭ جو­با­لارىمەن جۇمىستى جالعاس­تى­رۋ جونىندە ارىپتەستەرىنە ۇسى­نىس جاسايتىن بولىپ كەلىسىلدى. بيۋرو وتىرىسىندا ءماجى­لىس­تىڭ زاڭ شىعارۋشىلىق قىز­مەتىنە قا­تىس­تى وزگە دە ماسەلەلەر قا­رالدى. «ەگەمەن-اقپارات».