تولەرانتتىلىق تىرەگى

بۇۇ ادام قۇقى جونىندەگى كەڭەسىنىڭ 17-سەسسياسى اياسىندا جەنەۆادا بولعان پىكىرسايىستا ءدىني بوس­تان­دىقتى ىلگەرىلەتۋ, كونفەسسياارالىق تولە­رانت­تى­لىق­تا قاتار ءومىر ءسۇرۋ ماسەلەلەرى باستى تاقىرىپ بولدى, دەپ حابارلادى پارلامەنت سەناتىنىڭ ءباسپاسوز قىزمەتى. پىكىرسايىسقا ەقىۇ ءىس با­سىن­داعى توراعاسىنىڭ مۇ­سىل­­مان­دارعا قاتىستى ءتوزىم­دى­لىك پەن كەمسىتپەۋ ماسەلە­لە­رىنە قاتىستى جەكە وكىلى, پارلامەنت سەناتى­نىڭ دەپۋ­تاتى ءا.احمەتوۆ قاتى­سىپ, ءسوز سويلەدى. حالىقارالىق قوعامداس­تىق­­تىڭ ءدىني جانە ۇلتتىق ەرەكشەلىگى بويىنشا ءتوز­بەۋشىلىكپەن جانە كەمسىتۋشىلىكپەن كۇرەستە ءوزارا ءىس-قيمىلدىڭ ماڭىزدى­لىعىن اتاپ وتە كەلىپ, ءا.احمەتوۆ قو­عامداعى ءتۇرلى توپتار ارا­سىنداعى ءوزارا تۇسىنىستىكتى نى­عايتۋ جونىندەگى تەتىكتەردى ءازىر­لەۋ جانە قولدانۋ ماسە­لەلەرىنە توقتالدى. سەناتور ايتقانداي, بىل­تىر استانادا وتكەن تو­لەرانت­تى­لىق­تى ىلگەرىلەتۋ ماسەلە­لەرى ءجونىن­دەگى ەقىۇ كونفە­رەن­تسيا­سىندا توزىمدىلىك, كەمسىتپەۋ ءما­سە­لەلەرى مەن ءماد­ە­نيەتارالىق ءۇن­قاتى­سۋدى ىلگەرىلەتۋدە زاڭنا­ما­لار­دىڭ, قۇ­قىق قور­عاۋ ورگان­دارى­نىڭ, ۇلت­تىق ءبىلىم بەرۋ جۇيەسى مەن بۇ­قارالىق اقپارات قۇ­­رال­دا­رىنىڭ ءرولى اتالىپ ءوتىلدى. ءا.احمەتوۆ دىندەردى, ءما­دە­­نيەت­تەر مەن حالىقتاردى الشاق­تات­پاي, بىرىكتىرەتىن ور­تاق قۇن­دىلىقتاردى ۋاعىز­داعان پونتيفيك يوانن پاۆەل ءىى-ءنىڭ شاقى­رۋ­لارىنا  پىكىر­سايىسقا قاتىسۋشى­لار نازارىن اۋداردى.