توراعانىڭ العاشقى كەزدەسۋى

كەشە پرەزيدەنتتىك مادەنيەت ورتالىعىندا ءدىن ىستەرى جونىندەگى اگەنتتىكتىڭ توراعاسى قايرات لاما شاريف وتاندىق باق وكىلدەرىمەن العاشقى ءباسپاسوز ءماسليحاتىن وتكىزدى. وتىرىس «قازاقستان – زايىرلى مەملەكەت» اتتى تاقىرىپتا ءوربىدى. – جاڭادان قۇرىلعان ءدىن ىستەرى اگەنتتىگى ازاماتتاردىڭ ءدىني سەنىم بوستاندىعىنا دەگەن قۇقىعىن قامتاماسىز ەتۋ سالاسىنداعى ءدىن ساياساتىن ءتۇسىندىرۋ جۇمىستارىن ءجۇر­گىزۋمەن, ءدىني بىرلەستىكتەر ءجو­نىندەگى زاڭنامانى جەتىلدىرۋ تۋراسىندا ۇسىنىستار ازىرلەۋمەن اينالىساتىن بو­لا­دى. ءبىز, سونى­مەن قاتار, قا­زاقستان قوعامىن­دا­عى تۇراق­تى­لىقتى نىعايتۋعا ىق­پال ەتەتىن, رۋحاني اعارتۋشى­لىق­قا باعىتتالعان ءىس-شارا­لار­دى ءوت­كى­زىپ, ءدىني ەكسترە­ميزم­نىڭ الدىن الۋ شارالارىنا دا ەرەكشە كوڭىل بولمەكپىز, – دەگەن ول, مەملە­كەت­تىڭ زايىر­لىلىعى ەلىمىزدىڭ ىشكى تۇ­راق­تىلىعى مەن وركەندەۋىنىڭ باستى تىرەگى بولىپ تا­بى­لاتىن­دى­عىن دا نازاردان تىس قالدىر­مادى. اگەنتتىك ءتور­اعاسىنىڭ اي­تۋىنشا, مەم­لە­كەتتىڭ زايىرلى­لى­عى سو­نى­مەن قاتار وي ەركىندىگىن قامتاماسىز ەتۋ, قوعام ءومى­رىنە پايدالى بارلىق جاڭا­لىق­تاردى ەنگىزۋگە دايار تۇرۋ مەن عىلىمي-تەحنيكالىق پرو­گرەسكە جول اشۋ­دى بىلدىرەدى. ءبىزدىڭ ەلىمىزدەگى سانعاسىر­لىق تاريحقا يە, حا­لىق­تىڭ كوپ بولىگى ۇستاناتىن اتا ءدىنىمىز – يسلام جانە حريستيان ءدىنىنىڭ پرا­ۆوسلاۆيە تارماعى. مادەنيە­تى­مىزدىڭ ماڭىز­دى قۇراۋ­شىسى بولىپ تا­بىلاتىن ءداستۇرلى يس­لامنىڭ قايتا وركەن­دەۋى قازاق حال­قىنىڭ رۋحاني دا­مۋى­نا ەلەۋلى سەرپىن بەردى. ءبۇ­گىنگى تاڭ­دا ەلىمىز تۇرعىن­دارى­نىڭ 70 پايىزىن قۇ­رايتىن قازاق­تار, وزبەكتەر, ۇي­عىر­لار, تاتارلار, قىرعىزدار, ءتا­جىك­تەر, تۇركى­مەندەر, چەشەندەر, ينگۋشتەر, تۇرىكتەر, كۇرد­تەر مەن دۇنگەندەر سۇننيتتىك يس­لامدى ۇس­تانسا, رەس­پۋب­ليكامىزدىڭ كوپ ۇلتتى تۇر­عىندارىنىڭ 25 پايى­زىن قۇراي­تىن ورىستار, ۋكرايندار مەن بەلورۋستاردى بىرىكتىرەتىن نەگىزگى كونفەسسيا پراۆوسلاۆيە بو­لىپ تابى­لادى. سونىمەن قاتار, ەلدىڭ جالپى تۇرعىندارى­نىڭ ەكى پايىزىن قۇراپ وتىرعان پولياكتار, نەمىستەر مەن ەۆرەيلەر ۇس­تاناتىن كاتوليك, پرو­تەستانت­تىق, يۋدايزم ءدىن ءىلىم­دەرىنىڭ يگىلىكتى رولدە­رىن دە ەشكىم جوققا شى­عارا المايدى. ەلىمىز تاۋەلسىز­دىك العاننان كەيىن بۇل كونفەسسيالار قا­زاقستاندا ءوز قىز­مەتتەرىن ەركىن جۇزەگە اسى­رۋ­عا مۇمكىندىك الدى. بۇعان قوسا ءاربىر قازاق­ستاندىق ار-وجدان بوستان­دىعىنا قۇقى­لى ەكەندىگىن دە اتاپ كور­سە­تەمىز, – دەدى قايرات قايىربەك ۇلى. ءابدىراحمان قىدىربەك.