وڭىرلىك ءماسليحات مارەسىنە جەتتى

ەرەۆان قالاسىندا (ارمەنيا) تمد, ورتالىق جانە شىعىس ەۋروپا ەلدەرىنىڭ «نەعۇرلىم ءالجۋاز بالالاردىڭ قۇقىعىن قام­تاماسىز ەتۋ» تاقىرىبىندا وڭىرلىك پارلامەنتتىك كون­فە­رەن­­تسياسى بولىپ ءوتتى, دەپ حابارلادى ءماجىلىستىڭ ءباسپاسوز قىزمەتى. اتالعان ءىس-شاراعا قازاقستان تاراپىنان پارلامەنت ءماجىلىسى­نىڭ الەۋمەتتىك-مادەني دامۋ كو­ميتەتىنىڭ مۇشەسى, «نۇر وتان» حدپ مۇشەسى, «نۇر وتان» دەپۋ­تاتتىق فراكتسياسى تورالقاسىنىڭ مۇشەسى مايرا ايسينا قاتىستى. پارلامەنتتىك كونفەرەنتسيانى ارمەنيا ۇلتتىق جينالىسىنىڭ توراعاسى و.ابراميان اشىپ, ءجۇر­گىزىپ وتىردى. سەربيا, تۇركى­مەن­ستان, مولدوۆا, حورۆاتيا جانە تمد مەن ورتالىق جانە شىعىس ەۋروپانىڭ باسقا ەلدەرىنىڭ كون­فە­رەنتسياعا قاتىسۋشى پارلامەنتشىلەرى بالالاردىڭ قۇقىقتارىن قور­عاۋ سالاسىنداعى پارلامەنتتىك قىز­مەتپەن بايلانىستى ماسەلە­لەر­دىڭ كەڭ اۋقىمىن قارادى. اتاپ ايتقاندا, بۇلار – بالالاردىڭ قۇ­قىقتارى جونىندەگى حالىقارالىق جانە وڭىرلىك زاڭنامالار, بالا­لار­دىڭ ەرتە جەتىلۋى, ەرتە جەتىلۋ باعدارلاماسىن قارجىلاندىرۋ, سونداي-اق, بالالاردى زورلىق-زوم­بىلىقتان قورعاۋ ماسەلەلەرى. كونفەرەنتسيا بارىسىندا م.ايسينا قاتىسۋشىلاردى قازاق­ستان پارلامەنتى مەن ۇكىمەتىنىڭ قازاقستانداعى بالالاردىڭ قۇ­قىق­تارىن قورعاۋ سالاسىنداعى قىز­مەتىمەن, سونداي-اق, ءبىزدىڭ ەلىمىزدەگى باستاپقى بالالىق شاقتى ينۆەستيتسيالاۋ ماسەلەلەرىمەن تا­نىستىردى. سودان سوڭ بالالاردىڭ ەرتە جەتىلۋى جانە ولاردىڭ قۇقىق­تارى مەن مۇددەلەرىن قورعاۋمەن بايلانىستى ماسەلەلەردىڭ كەڭ اۋقىمى بويىنشا تمد مەن ورتالىق جانە شىعىس ەۋروپا مەم­لەكەتتەرى پارلامەنتتەرى وكىل­دەرىمەن پىكىر الماسۋ بولدى.