ماريا, ەكاتەرينا, ەليزاۆەتا, انتونينا

قىزىلجار وڭىرىندە ءتورت بالا ءتۇ­گىلى ەگىزدىڭ ءوزى سيرەك تۋادى. ال, وب­لىس ورتالىعىنا ىرگەلەس ورنا­لاس­قان بەسكول كەنتىنىڭ تۇرعىنى سۆەتلانا يۆانوۆا ناعىز التىن قۇرساق انا اتاندى. اندرەي ەسىمدى ازاماتپەن وتاۋ قۇرعان ول 10 جىل بويى تۇلا­بو­يى تۇڭعىشىن زارىعا كۇتكەن ەكەن. ەندى, مىنە, 32 جا­سىندا بوسا­نىپ, 4 نارەستەنى ءدۇ­نيەگە اكەلدى. ءبا­رى دە – قىز بالالار. ەسىمدەرى – ما­ريا, ەكاتەرينا, ەليزاۆەتا, انتونينا. – قازىر سابيلەردىڭ جاعدايى جاقسى. دارىگەرلەردىڭ ەرەكشە با­قىلاۋىنا الىنعان. ءوزىم شيرەك عاسىرعا جۋىق وبلىستىق پەرينا­تال­دىق ورتالىقتا جۇمىس ىستەيمىن. مۇنداي قۋانىشتى وقيعامەن ءبىرىنشى رەت كەزىگىپ وتىرمىن, – دەيدى باس دارىگەر جاننا ماۋىتوۆا. وبلىس اكىمى سەرىك ءبىلالوۆ پە­ري­ناتالدىق ورتالىقتا ارنايى بو­لىپ, جاس انانىڭ جاعدايىمەن تا­نىس­تى, سابيلەرگە باۋى بەرىك بول­سىن ايتىپ, تىلەكتەستىك ءبىلدىردى. پەتروپاۆل قالاسىنان ءۇش ءبول­مەلى ءپا­تەر بەرىلەتىنىن حابارلادى. «ۇرپاق قورى» سەرتيفيكاتىن تا­بىس ەتتى. بۇل باعدارلاما بويىن­شا ءار بالاعا ارنايى ەسەپشوت اشىلىپ, ارقايسى­سىنا 226 مىڭ تەڭگە مولشەرىندە ال­عاشقى جارنا اۋدارىلادى. ءسوي­تىپ, 18 جاسقا تولعانشا ەسەلەنىپ وتى­رادى. ىشكى ىستەر سالاسىندا ەڭ­بەك ەتەتىن اكە دە وبلىس ورتالىعىنا قىزمەتكە اۋىستىرىلاتىن بولدى. وبلىس­تىق ىشكى ىستەر دەپارتامەنتى دە ءوز تارتۋلارىن جاسادى. ءومىر ەسقالي, سولتۇستىك قازاقستان وبلىسى.