ازىق-ت ۇلىك بەلدەۋىنىڭ بەرەرى كوپ

تالدىقورعاندا رەسپۋبليكالىق دەڭگەيدە وتكەن كەڭەستە ەلباسى تاپسىرماسىن ورىنداۋ جايى تالقىلاندى الماتى وبلىسى اكىم­دى­گى­نىڭ ءماجىلىس زالىندا  اۋىل شا­­رۋا­شىلىعى ءمينيسترى اسىل­­جان مامىتبەكوۆ پەن الماتى قالا­سىنىڭ اكىمى احمەتجان ەسى­موۆ­تىڭ, الماتى وب­لىسىنىڭ اكىمى اڭسار مۇ­سا­حانوۆ جانە وڭ­تۇستىك قازاق­ستان, جامبىل وب­لىستارى اۋىل شا­رۋاشىلىعى باس­قا­ر­م­الارى باس­تىقتارىنىڭ قا­تى­سۋىمەن رەس­پۋبليكالىق كەڭەس ءوتتى. جيىندى اشقان الماتى وب­لىسىنىڭ اكىمى اڭسار مۇ­سا­حانوۆ سالالىق باعدارلامانى ورىن­داۋ باعىتىندا وبلىس اۋما­عىندا اتقارىلىپ جاتقان جۇ­مىستارعا جان-جاقتى توق­تالدى. – سوڭعى جىلدارى جەرگىلىكتى جەردە وسىرىلگەن, وندىرىلگەن جانە وڭدەلگەن اۋىل شارۋا­شى­لىعى ونىمدەرىن  الماتى قالا­سىنا اپارىپ, قالالىقتارعا قو­لايلى باعامەن ساتۋ ۇيىم­داس­تى­رىلىپ كەلەدى. قوڭىر كۇزدەن باس­تالىپ, قىس بىتكەنشە جالعاساتىن اۋىل شارۋاشىلىعى جارمەڭكەلە­رىن قالا تۇرعىندارى اسىعا كۇتە­تىن بولدى. دەگەنمەن, بارلىعى كەرەمەت دەپ ايتۋعا كەلە قويماس. بىزدە دە كەمشىن قالىپ جاتقان تۇستاردىڭ بار ەكەندىگى انىق. سوندىقتان بۇگىنگى باسقوسۋعا مينيستر مەن الماتى قالاسى اكىمى­نىڭ  جانە باسقا دا جاۋاپتى تۇل­عا­لاردىڭ قاتىسىپ وتىرعانىن پايدالانىپ, ەلباسىنىڭ «الما­تى قالاسىنىڭ ازىق-ت ۇلىك بەلدەۋىن قالىپتاستىرۋ» سالالىق باع­دارلاماسىن  تابىستى ورىنداۋ جول­دارىن قاراستىرماقپىز. ءوز ويلارىڭىز بەن ۇسىنىس­تا­رى­ڭىز­دى اشىق ايتىپ, ماسەلەلەردى بىرلەسە شەشەيىك, دەدى ول. – الماتى قالاسىنىڭ جاع­دايى جاقسى بولسا, ەلدەگى احۋال دا دۇرىس بولادى دەسەم, ەشكىم ارتىق ايتتىڭ دەي قويماس, – دەدى ءسوز العان الماتى قالاسىنىڭ اكىمى احمەتجان ەسىموۆ. – وڭ­تۇستىك استانانىڭ ەل تىرلىگىندەگى, دامۋىنداعى الاتىن ورنى تۋرالى ەلباسى كەلەلى كەڭەس­تەر­دە ءجيى ايتادى. وسىعان وراي اي­تارىم, مەملەكەت باسشىسى­نىڭ تاپسىرماسىن جەتە ءتۇ­سىنبەي وتىر­عاندار دا بار سياق­تى. ءويت­كەنى, رەسپۋب­لي­كا­لىق كەڭەسكە ارنايى شاقى­رىلعان وڭتۇستىك قازاقستان جانە جامبىل وب­لىستارى ءبۇ­گىنگى باسقوسۋعا ونشا ىنتا تا­نىتقان جوق. اتالعان وبلىستار مەن الماتى قالا­سى­نىڭ ارا­سىندا اۋىل شارۋا­شى­لىعى تاۋارلارىنا قاتىستى جاسال­عان كەلىسىمدەر بار ەدى. ولار­دىڭ كوبى ورىندالماي قال­دى. ءبىزدى الاڭداتاتىنى – ءدۇ­كەن­دەر سورەلەرىندەگى تۇرلەرى كوز ءسۇ­رىندىرەتىن ازىق-ت ۇلىكتىڭ ارا­سىن­دا ءوزىمىزدىڭ كوزىمىزگە وت­تاي باسىلۋى ءتيىس جەرگىلىكتى ءونىم­دەردىڭ ازدىعى. وڭتۇستىك قازاقستان وبلىس­تىق اۋىل شارۋاشىلىعى باس­قار­ماسى باستىعىنىڭ ورىن­با­سا­رى بولاتاي تاستانوۆ وزدە­رى­نىڭ  كوكونىس جانە جەمىس-جيدەك وسىرۋدەگى قالىپتاسقان ءتاجىري­بە­لەرى تۋرالى بايانداپ, الداعى كەزدە الماتى قالاسىنا ەرتە پىسەتىن كوكونىس تۇرلەرىن جەتكىزۋگە قاتىستى ۇسىنىستارىن ورتاعا سالدى. «الماتى» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اكتسيونەرلىك قوعامىنىڭ توراعاسى كەرىمجان بيجانوۆ پەن «جەتىسۋ» الەۋ­مەتتىك-كاسىپكەرلىك كورپوراتسياسى» ۇلت­تىق كومپانياسى» اكتسيونەرلىك قوعامى­نىڭ توراعاسى باقىت اتايبەكوۆ الەۋ­مەت­تىك-كاسىپكەرلىك كورپوراتسيالار جۇ­مى­سىنا قاتىستى بىرقاتار ۇسى­نىس­تارىن ايتىپ ءوتتى.  «ادال» اكتسيونەرلىك قوعامىنىڭ باسشىسى سەيسەنحان سما­عۇلوۆ كاسىپكەر رەتىندە قارالعان ءما­سەلەگە قاتىستى ويلارىن ءبىلدىردى.  «قازاگرو» ۇلتتىق-باسقارۋ حولدينگىنىڭ اتقارۋشى ديرەكتورى باقىت قۇداباەۆا بولسا, ءدال قازىرگى كەزدە اۋىل شا­رۋا­شىلىعىن قارجىلاي قولداۋدىڭ با­رىن­شا كۇشەيگەنىن ايتا كەلە, ءىس تەتىگىن تاپ­قانداردان مەملەكەت اقشا ايامايتىنىن ءبىل­دىردى. نەسيە الۋ, سۋبسيدياعا قول جەتكىزۋدىڭ تالاپتارى مەن ارتىق­شى­لىقتارىن جان-جاقتى ءتۇسىندىردى. اۋىل شارۋاشىلىعى ءمينيسترى اسىل­جان مامىتبەكوۆ ەلىمىزدەگى اۋىل شارۋاشىلىعى سالاسىنىڭ قازىرگى جاي-كۇيىنە قىسقاشا توقتالا كەلە, ايتىلعان ۇسىنىستارعا قاتىستى ءوز ويىن ءبىلدىردى. –  وسىدان بىرەر اي بۇرىن عانا وڭتۇستىك استانادا ەلباسىنىڭ قاتىسۋى­مەن اتالعان ماسەلەگە قاتىستى كەلەلى كەڭەس بولعانىن بىلەسىزدەر.  سوندىقتان باعدارلامانىڭ ورىندالۋىنا مىقتاپ نازار اۋدارىپ, اتالعان باعىتتاعى جۇ­مىستاردى بارىنشا كۇشەيتۋ كەرەك. بۇل مىندەتتى اتقارۋدا نەگىزگى سالماق الماتى وبلىسىنا تۇسەدى. بىراق ايماقتاعى باسقا وبلىستار دا سىرت قالماۋعا ءتيىستى, – دەدى ول. كۇمىسجان بايجان, الماتى وبلىسى.