اقپاراتتار اعىنى

* استانا. 15 ماۋ­سىم. BNews.kz: قازاق­ستاندا 16 ماۋسىمنان باستاپ سەنات دەپۋتاتتىعىنا ءۇمىت­كەر­­لەردى ۇسىنۋ باس­تالادى. ول 2011 جىل­­دىڭ 16 ماۋسىمى مەن 19 شىلدەسى ارالىعىندا جۇرگىزىلەدى. ۇمىتكەرلەردى تىركەۋ 29 شىلدەگە دەيىن جالعاسادى. سەنات دە­پۋ­تاتتارىنىڭ سايلاۋىنا رەسپۋبليكالىق بيۋد­جەتتەن 142 ميلليون تەڭگە قارجى ءبولىن­بەك. بۇل تۋرالى ورتالىق سايلاۋ كوميسسيا­سى­نىڭ توراعاسى قۋاندىق تۇرعانقۇلوۆ ءمالىم ەتتى. * استانا. 15 ماۋسىم. BNews.kz: شىۇ ءسامميتىنىڭ قورىتىندىسى بويىنشا 2011-2016 جىلدارعا ارنالعان ەسىرتكىگە قارسى ىنتىماقتاستىق ستراتەگياسى قابىلداندى. بۇل تۋرالى شىۇ ءسامميتىنىڭ اياقتالۋىنا بايلانىستى وتكەن ءباسپاسوز ءماسليحاتىندا ءمالىم ەتىلدى. * پەتروپاۆل. 15 ماۋسىم. BNews.kz: سولتۇستىك قازاقستان وبلىسىنىڭ ءۋاليحانوۆ اۋدانىنداعى توسپا اۋىلىنىڭ جانىنداعى مۇسىلماندار زيراتىنان جالپى قۇنى 300 مىڭ تەڭگە تۇراتىن 99 تەمىر قورشاۋدى ۇرلاعان 54 جاستاعى ادام ۇستالدى. ول بۇل شارباقتاردى ءوزىنىڭ ۋاز ماركالى ماشينەسىنە تيەپ, قالا­داعى ءبىر كاسىپكەرگە ارقايسىسىن 1,5 مىڭ تەڭگەگە ساتىپ وتىرعان, دەپ حابارلايدى اۋداندىق ىشكى ىستەر دەپارتامەنتى باستىعىنىڭ ورىنباسارى, پوليتسيا كاپيتانى ە.ماحمەتوۆ. * استانا. 15 ماۋسىم. BNews.kz: شىۇ سامميتىندە قحر توراعاسى حۋ تسزينتاو ءوز ەلىنىڭ شىۇ مۇشە مەملەكەتتەرىنە جەڭىل­دەتىلگەن جاعدايمەن 12 ميلليارد اقش دوللا­رى كولەمىندە نەسيە بەرەتىندىگىن مالىمدەدى. * استانا. 15 ماۋسىم. BNews.kz: 26 ما­مىر مەن 6 ماۋسىم ارالىعىندا انتاليادا «MISS EURASIA-2011» كونكۋرسى ءوت­كىزىلدى. كونكۋرس قورىتىندىسىندا قازاق­ستان­دىق ينەسسا نازاروۆا جەڭىمپاز دەپ تانىلعان. ءسوي­تىپ, ول قۇنى 30 مىڭ دوللار تۇراتىن گاۋھار­تاس­پەن ورنەكتەلگەن ساعاتتى سىي­لىققا الىپ, جالپى قۇنى 10 مىڭ دوللار بولاتىن «MISS EURASIA-2011» كەلىسىم-شار­تىنا قول قويعان. بۇل تۋرالى «MISS EURASIA-2011» ارنايى سايتى حابارلايدى. * پەتروپاۆل. 15 ماۋسىم. BNews.kz: قالالىق پەرزەنتحانادا ءبىر انا تۇڭعىش رەت 4 ءنا­رەس­تەنى دۇنيەگە اكەلگەنى تۋرالى حابارلاعانبىز. يۆانوۆتار وتبا­سىن­داعى وسى قۋانىشقا بايلا­نىس­تى وبلىس اكىمى سەرىك ءبىلالوۆ باقىتتى اناعا 3 بولمەلى پاتەر كىلتىن تابىس ەتتى, دەيدى وبلىس اكىمىنىڭ ءباسپاسوز قىزمەتى. * استانا. 15 ماۋسىم. BNews.kz: استانا قالاسىنىڭ حالىققا قىزمەت كورسەتۋ ورتالىعى تەكسەرۋ جۇرگىزىلۋ بارىسىندا قاراعاندى كوشەسىندەگى №117-ءشى ۇيدە 1700 ادام تىركەۋدە تۇرعاندىعىن انىقتادى. مۇنداي سۇمدىق فاكتىنى ءوزىنىڭ Twitter اككاۋتىندە بايلانىس جانە اقپارات ءمينيسترى اسقار جۇماعاليەۆ حابارلادى. * كوكشەتاۋ. 15 ماۋسىم. BNews.kz: اقمولا وبلىسىنىڭ ەڭبەكشىلدەر اۋدانىنداعى ءبىر فەرمەر قوجالىعىنىڭ اگرونومى قالىڭ اعاش ىشىندە يەسىز قالعان «تويوتا لاند كرۋزەر» اۆتوكولىگىنىڭ ىشىنەن بۇزىلا باستاعان ەكى ادامنىڭ ءولى دەنەسىن تاپقان. ولاردىڭ ءبىرى 29 مامىردان بەرى ىزدەۋ سالىنىپ كەلە جاتقان استاناداعى اگرارلىق ۋنيۆەرسيتەتتىڭ 21 جاسار ستۋدەنتى دينا بولپاەۆا ەكەنى انىقتالدى. اقمولا وبلىسىنىڭ پوليتسەيلەرى بۇل جۇمباق ءولىم جاعدايىنا تەكسەرىس جۇرگىزۋدە. * قىزىلوردا. 15 ماۋسىم. BNews.kz: وب­لىس ورتالىعىندا №171 ورتا مەكتەپتى ۇزدىك ءبىتىردى دەگەن جالعان اتتەستات ساتىپ جۇرگەن وسى مەكتەپتىڭ ديرەكتورى ۇستالدى. ول ءبىر اتا-اناعا ۇزدىك اتتەس­تاتتى 30 مىڭ تەڭگەگە ساتپاق بولعان. قازىر «ساۋداگەر» ديرەكتور جۇرەك اۋرۋىمەن اۋرۋحانادا جاتىر, سوعان بايلانىستى قىلمىستىق ءىستى تەكسەرۋ كەيىنگە قالىپ تۇر دەيدى, قىزىلوردا قالالىق ءبىلىم دەپارتامەنتى ديرەكتورىنىڭ ورىنباسارى ب.تۋمۋرزاەۆ. * استانا. 15 ماۋسىم. قازاقپارات: ءۇستى­مىزدەگى جىلعى 21-23 ماۋسىم ارالىعىندا پاريجدە قا­زاقستاننىڭ فرانتسياداعى مادەنيەت كۇندەرى وتەدى. ونىڭ شەڭبەرىندە قازاقستاندىق ونەر شەبەرلەرى پا­ريجدىڭ ايتۋلى ساحنالارىنىڭ ءبىرى «گاۆو» كونتسەرت زا­لىندا ءوز ونەرلەرىن پاش ەتەتىن بولادى, دەپ حابار­لاي­دى مادەنيەت مينيسترلىگىنىڭ ءباسپاسوز قىزمەتى.