بىرقاتار زاڭ جوبالارى ماقۇلداندى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن وتكەن پالاتانىڭ جالپى وتىرىسىندا بىرقاتار زاڭ جوبالارى ماقۇلداندى, دەپ حابارلادى ءماجىلىستىڭ ءباسپاسوز قىزمەتى. جالپى وتىرىستا «قازاقستان رەسپۋبليكاسىنىڭ كەيبىر زاڭنا­ما­لىق اكتىلەرىنە بانك قىزمەتىن جانە قارجى ۇيىمدارىن رەتتەۋ ءما­سەلەلەرى بويىنشا تاۋەكەل­دەر­دى ازايتۋ بولىگىندە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا تال­قى­عا شىعارىلادى. زاڭ جوباسى ءجو­نىندە ۇلتتىق بانك توراعاسىنىڭ ورىنباسارى دانيار اقىشەۆ بايانداما جاساسا, ءماجىلىستىڭ قا­ر­جى جانە بيۋدجەت كوميتەتىنىڭ ءمۇ­شەسى قۇتتىقوجا ىدىرىسوۆ قو­سىمشا بايانداما جاسادى. تال­قى­لاۋدان كەيىن زاڭ جوباسى ءبىرىنشى وقىلىمدا ماقۇلداندى. كەلەسى كەزەكتە «عارىش قىز­مەتى تۋرالى» زاڭ جوباسى ءبىرىنشى وقىلىمدا تالقىعا شىعارىلدى. زاڭ جوباسى جونىندە ۇلتتىق عا­رىش اگەنتتىگى توراعاسىنىڭ ورىن­باسارى مەيىربەك مولدابەكوۆ بايانداما جاسادى. زاڭ جوباسىندا عا­رىش قىزمەتى قاۋىپسىزدىگىن قام­تا­ماسىز ەتۋ, اتالعان سالا قىزمە­تىن جۇزەگە اسىرۋ كەزىندەگى وقيعا­لاردى تەكسەرۋ مەن ونىڭ سالدار­لارىن جويۋ, عارىش قىزمەتىنىڭ اسە­رىنە ۇشىراۋى ىقتيمال ءوڭىر­لەر­­دەگى ەلدى مەكەندەردىڭ قاۋىپسىزدى­گىن قامتاماسىز ەتۋ جونىندەگى قۇ­قىقتىق نورمالاردى ءبىر جۇيەگە كەلتىرۋ كوزدەلگەن. باسقا دا قاجەتتى ماسەلەلەر قامتىلعان. پارلامەنت ءماجىلىسىنىڭ بار­لىق كوميتەتتەرى زاڭ جوباسى بوي­ىنشا وڭ قورىتىندىلارىن بەردى. جۇمىس توبىنا 275 تۇزەتۋ كەلىپ ءتۇستى, ولار جۇمىس توبىنىڭ تو­عىز وتىرىسىندا, بارلىق مۇددەلى مينيسترلىكتەر مەن ۆەدومستۆولار, قوعامدىق بىرلەستىكتەر مەن ۇيىم­دار وكىلدەرىنىڭ قاتىسۋىمەن كو­مي­تەتتىڭ كەڭەيتىلگەن وتىرىسىن­دا جان-جاقتى قارالىپ, تالقى­لان­دى جانە بارلىعى قابىل­دانعان 87 پوزيتسيادان تۇراتىن قورىتىندى سالىستىرما كەستەدە كورسەتىلدى. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عا­رىش قىزمەتى ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسى ەلىمىزدىڭ بىرقاتار زاڭنامالىق اكتىلەرىنە وزگەرىستەر مەن تولىق­تىرۋلار ەنگىزۋدى كوزدەيدى. وسى ەكى زاڭ جوباسى بويىنشا قۇرىل­عان جۇمىس توبىنىڭ جەتەكشىسى ءما­جىلىستىڭ ەكونوميكالىق رەفورما جانە وڭىرلىك دامۋ كوميتە­تىنىڭ حاتشىسى مۇرات ابەنوۆ قوسىمشا بايانداما جاسادى. ەكى زاڭ جوباسى دا ءبىرىنشى وقىلىمدا ماقۇلداندى. «كەلىسىلگەن ماكروەكونوميكا­لىق ساياسات تۋرالى كەلىسىمدى راتيفيكاتسيالاۋ تۋرالى» زاڭ جوباسى دا دەپۋتاتتاردىڭ تالقىسىنا سالىنىپ, تولىقتاي ماقۇلداندى. كەلىسىلگەن ماكروەكونوميكالىق ساياسات تۋرالى كەلىسىم 2010 جىلعى 9 جەلتوقساندا ماسكەۋ قالاسىندا جاسالدى. سونىمەن قاتار, «بىرىڭعاي ەكو­نوميكالىق كەڭىستىككە مۇشە مەملەكەتتەردەگى قىزمەتتەر ساۋداسى جانە ينۆەستيتسيالار تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى. كەلىسىمنىڭ ماقساتى قىزمەتتەر كورسەتۋدە ءوز­ارا ساۋدا-ساتتىقتى كەڭەيتۋ جانە ونى ىرىقتاندىرۋ دەڭگەيىن ارت­تىرۋ, بىرىڭعاي ەكونوميكالىق كە­ڭىس­تىككە (بەك) مۇشە مەملەكەتتەردە قىزمەتتەر كورسەتۋدىڭ ءوزارا ساۋ­د­ا-ساتتىعى ءۇشىن بىرىڭعاي قا­عي­داتتار مەن قاعيدالار ءۇشىن جاع­داي جاساۋ, سونداي-اق بەك اۋما­عىن­داعى بەك-كە مۇشە ەلدەردىڭ ينۆەستورلارى مەن ولارعا قىزمەت كورسەتۋشىلەر ءۇشىن قولايلى جاع­داي جاساۋ بولىپ تابىلادى. ماقۇلدانعان زاڭ جوبالارى­نىڭ ءبىرى «ونەركاسىپتىك سۋبسيديا­لار­دى بەرۋدىڭ بىرىڭعاي قاعيدا­لارى تۋرا­لى كەلىسىمدى راتيفيكاتسيالاۋ تۋرا­لى» زاڭ جوباسى بول­دى. كەلىسىمنىڭ ماقساتى ەكونومي­كا­نى دامىتۋ, ءون­دى­رىستى كەڭەيتۋ, باس­قارۋدىڭ جانە عىلىمي-تەح­ني­كالىق پروگرەستىڭ تيىمدىلىگىن ارت­تىرۋدى ىنتالاندىرۋ, بىرىڭعاي ەكونوميكالىق كەڭىستىك شەڭبەرىن­دە تاۋار نارىقتارىنداعى رەسۋرس­تاردى وڭتايلى ءبولۋدى قامتا­ماسىز ەتۋ بولىپ تابىلادى. سونداي-اق «وتپەلى كەزەڭ ىشىندە ارنايى قورعاۋ, دەمپينگكە قار­سى جانە وتەماقى شارالارىن قول­دانۋ ءتارتىبى تۋرالى كەلىسىمدى راتيفيكاتسيالاۋ تۋرالى», «ءۇشىن­شى ەلدەرگە قاتىستى ارنايى قور­عاۋ, دەمپينگكە قارسى جانە وتەم­اقى شارا­لارىن ەنگىزۋ الدىنداعى تەكسەرىستەر ماقساتتارى ءۇشىن تەكسەرۋ ءجۇر­گىزەتىن ورگانعا ءمالى­مەت­تەردى, ونىڭ ىشىندە قۇپيا اقپا­رات­تى قامتيتىن مالىمەتتەردى بەرۋ ءتارتىبى تۋرالى حاتتامانى راتيفيكاتسيالاۋ تۋرا­لى» زاڭ جوبالارى ماقۇلداندى. اتالعان زاڭ جوبالارى ءجونىن­دە ەكونوميكالىق ينتەگراتسيا ىستەرى ءمينيسترى جانار ايتجانوۆا بايانداما جاسادى. سونىمەن قا­تار, پالاتانىڭ جالپى وتىرى­سىن­دا «باعا بەلگىلەۋ نەگىزدەرىن جانە تاريف ساياساتىن قوسا العاندا, ەلەكتر ەنەرگەتيكاسى سالاسىنداعى تابيعي مونوپوليالار قىزمەت­تەرى­نە قول جەتكىزۋدى قامتاماسىز ەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى جونىندە يندۋستريا جانە جاڭا تەحنولوگيالار ءمينيسترىنىڭ ءبىرىنشى ورىنباسارى البەرت راۋ بايانداما جاسادى. كەلىسىم باعا بەلگىلەۋ جانە تاريفتىك ساياسات نەگىزدەرىن قوسا العاندا, ەلەكتر ەنەرگەتيكاسى سالاسىنداعى تابيعي مونوپوليالار قىزمەتتەرى­نە قول جەتكىزۋدى قامتاماسىز ەتۋ سالاسىندا بىرىڭعاي ەكونومي­كا­لىق كەڭىستىككە قاتىسۋشى مەملە­كەتتەردىڭ مەملەكەتارالىق قاتى­ناس­تار نەگىزىن ايقىندايدى. زاڭ جوباسى تولىقتاي ماقۇلداندى. بۇدان كەيىن «قازاقستان رەس­پۋب­ليكاسىنىڭ ۇكىمەتى مەن فرانتسۋز رەس­پۋبليكاسىنىڭ ۇكىمەتى ارا­سىن­داعى ازاماتتىق قورعانىس, ءتو­تەن­شە جاعدايلاردىڭ الدىن الۋ ءجا­نە ولار­دى جويۋ سالاسىنداعى ىنتى­ماق­تاس­تىق تۋرالى كەلىسىمدى راتيفيكاتسيالاۋ تۋرالى» زاڭ جو­باسى تال­قىعا شى­عارىلىپ, ماقۇل­داندى. ءتو­تەن­شە جاعدايلار ءمينيسترى ۆلاديمير بوجكو بايانداما جاساپ, زاڭ جو­باسى تۋ­رالى جان-جاقتى ماعلۇمات بەردى. سونىمەن بىرگە, تۇستەن كەيىن جالعاسقان پالاتانىڭ جالپى وتى­رىسىندا «قازاقستان رەسپۋبلي­كا­سى مەن كورەيا رەسپۋبليكاسى ارا­سىن­داعى قىلمىستىق ىستەر بو­يىن­شا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى» زاڭ جوباسى قارالدى. زاڭ جوباسى جونىندە باس پروكۋرور­دىڭ ءبىرىنشى ورىنباسارى يوگان مەركەل بايانداما جاسادى. «ءبىلىم تۋرالى» قا­زاقستان رەسپۋبليكا­سى­نىڭ زاڭى­نا وزگەرىستەر مەن تولىقتىرۋ­لار ەنگىزۋ تۋرالى» زاڭ جوباسى دا تال­قىعا شىعارىلدى. زاڭ جوباسىنىڭ ماق­ساتى جايلى ءبىلىم جانە عىلىم ءمينيسترى باقىتجان جۇماعۇلوۆ بايانداپ بەردى. ءماجىلىستىڭ الەۋمەت­تىك-ءما­دەني دامۋ كوميتەتىنىڭ مۇشەسى رايسا پوليششۋك قوسىمشا بايانداما جاسادى. اتالعان زاڭ جوبالارى تولىقتاي ماقۇلداندى. «قازاقستان رەسپۋبليكاسىنىڭ كەي­بىر زاڭنامالىق اكتىلەرىنە ۇيىم­داسقان قىلمىسقا قارسى ءىس-قيمىل ماسەلەلەرى بويىنشا وزگە­رىس­تەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقى­لىمدا تالقىعا سالىندى. بۇل تۋرا­لى زاڭناما جانە سوت-قۇقىقتىق رەفورما كو­مي­تەتىنىڭ مۇشەسى نيكولاي تۋرەتسكي باياندا­دى. زاڭ جوباسى ەكىنشى وقىلىمدا ماقۇلداندى. جالپى وتىرىستىڭ سوڭىندا ءداستۇر بويىنشا دەپۋتاتتار ءبىر­قاتار لاۋازىم يەلەرىنە ساۋالدار جولدادى.