ارزان ءدارىحانا اشپاقپىز

جىل سايىنعى جولداۋلارىن­دا ەلباسى نۇرسۇلتان نازارباەۆ قوعام مەن ۇلتتى ءتيىمدى دامى­تۋداعى الەۋمەتتىك ينستيتۋت رەتىندە مەديتسينانىڭ ءمان-ماڭى­زىن ەرەكشە اتاپ كورسەتكەنى بەلگىلى. ۇلت كوشباسشىسىنىڭ: «ءبىز اۋرۋدىڭ الدىن الۋعا جانە العاشقى مەديتسينالىق-ساني­تار­لىق كومەك ساپاسىن ارتتىرۋعا دۇرىستاپ كىرىسۋگە ءتيىسپىز» دەگەن سوزدەرىندە ۇلكەن ءمان جاتىر. مەملەكەت باسشىسىنىڭ وسى­ناۋ قامقور سوزدەرىن ءبىز قۋانا قابىل الدىق. سوعان وراي ءوزى­مىزدىڭ بيزنەستەگى الەۋمەتتىك جاۋاپكەرشىلىگىمىزدى سەزىنە وتىرىپ, گۇلزيرا تلەۋىمبەتوۆا ەكەۋمىز تالعار قالاسىنداعى ورتالىق اۋداندىق اۋرۋحانادا الەۋمەتتىك ءدارىحانا اشۋعا نيەتتەنىپ, وسى ورايداعى العاشقى قادامداردى جاساپ جاتىرمىز. الەۋمەتتىك ءدارىحانالاردىڭ قاجەتتىلىگى قازىردە, ءبىزدىڭ پا­يىم­داۋىمىزشا, ايدان انىق. ءويت­كەنى, ونداعى كۇندەلىكتى سۇ­را­نىستاعى ءدارى-دارمەكتەر باعا­سى جالپى نارىقتاعىدان الدە­قايدا تومەن. حالىقتىڭ الەۋ­مەتتىك تۇرعىدان ءالسىز توپتارى قاجەت ءدارى-دارمەكتەردى ناق وسىن­داي ءدارىحانالاردان الىپ جاتسا, نۇر ۇستىنە نۇر ەمەس پە. الەمدىك تاجىريبە وسىنداي باس­تامالاردىڭ بيزنەستىڭ, مەملەكەت پەن قوعامنىڭ ءوزارا سەنىمىن ورناتىپ, ىنتىماقتاسۋىنا كو­مەك­تەسەتىنىن, ۇلتتى ساۋىقتىرىپ سالاماتتاندىرۋعا سەپتىگىن تيگىزەتىنىن كورسەتىپ بەرۋدە. ءوز تاراپىمىزدان ءبىز وسىن­داي ءدارىحانانى اشىپ, ونىڭ ءۇزى­لىسسىز دە ساپالى جۇمىسىن قام­تاماسىز ەتۋگە ءازىرمىز. ونداعى ءدارى-دارمەك سۇرانىسقا ابدەن ساي كەلىپ, باعاسى قولجەتىمدى بولماق. اسىرەسە, مۇنداي ءدارى­حانانى تالعاردا اشۋىمىز تۋ­عان قالامىزعا تارتقان سىيىمىز بولار ەدى. بۇل جۇمىستى جەرىنە جەتكىزىپ اتقارۋعا وسى سالادا بۇعان دەيىن جيناعان ءتاجىري­بەمىز, ءبىلىم-بىلىگىمىز جەتكىلىكتى. ولاي بولسا, بۇل ىزگىلىكتى باستا­مامىزدى حالىقتىڭ قالىڭ توپ­تارى قۋانا قارسى الادى, سون­داي-اق جەرگىلىكتى بيلىك وكىلدەرى دە تۇسىنىستىك تانىتىپ, قولدايدى دەپ ۇمىتتەنەمىز. اسەل بايتۇكەنوۆا, جەكە كاسىپكەر. الماتى وبلىسى, تالعار قالاسى.