بۇۇ باس حاتشىسىنىڭ كانديداتۋراسىن قولدايدى

قازاقستان پرەزيدەنتى نۇرسۇلتان نازارباەۆ كەشە بۇۇ باس حاتشىسى پان گي مۋنعا جەدەلحات جولداپ, وندا اس­تانا­نىڭ اتالعان امبەباپ ۇيىمنىڭ ودان ءارى دامۋىن كورسەتەتىن تۇجىرىمدامالى قادامدارى تۋرالى ايتا كەلىپ, ءوزىنىڭ ءىس با­سىنداعى باس حاتشىنىڭ جاڭا مەرزىمگە وكىلەتتىلىگى كاندي­دا­تۋراسىن قولدايتىنىن ءبىلدىردى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. پرەزيدەنت ءوزىنىڭ جەدەل­حا­تىندا بۇۇ-نىڭ حالىقارالىق بەيبىتشىلىك پەن قاۋىپسىزدىكتى ۇستاپ تۇرۋداعى شەشۋشى ءرولىن, دامۋعا, ادام قۇقىن ساقتاۋعا جانە حالىقارالىق قۇقىققا قۇر­مەتىنە  ىقپالىن, وسى ىستەرگە بۇۇ باس حاتشىسىنىڭ قوسىپ وتىرعان سۇبەلى ۇلەسىن   اتاپ ءوتتى. قازاقستان پرەزيدەنتىنىڭ پىكىرىنشە, بۇۇ بۇگىندە جاھان­دىق قاتىناستاردى رەتتەۋدىڭ با­لاماسىز قۇرالى بولىپ تا­بىلادى. بۇل قازاقستاننىڭ بۇۇ اياسىنداعى حالىقارالىق كوكەيكەستى ماسەلەلەردى شەشۋدەگى كۇش-جىگەرىنە بەلسەندى قاتىسۋىن ايقىندايدى. وسى­عان بايلانىستى ن.نازارباەۆ پان گي مۋننىڭ بۇۇ-نىڭ تيىمدىلىگىن جوعارىلاتۋداعى, قا­زىر­گى زامانعى قاۋىپتەر مەن قاتەرلەردى رەتتەۋدەگى كۇش-جىگەرىنە تابىس تىلەدى. مەملەكەت باسشىسى سون­داي-اق قازاقستان مەن بۇۇ-نىڭ كوپقىرلى ىنتىماق­تاس­تى­عىنا جاڭا ساپالىق سەرپىن قوسقان پان گي مۋننىڭ 2010 جىلدىڭ ساۋىرىندەگى قازاق­ستان­عا «تاريحي» ساپارىنىڭ قو­رىتىندىلارىن جوعارى باعالادى. ءسىزدىڭ ءوز كانديدا­تۋ­را­ڭىز­دى بۇۇ باس حاتشىسىنىڭ جا­ڭا مەرزىمىنە ۇسىنۋ نيەتىڭىزدى ۇلكەن قاناعاتتانارلىق سەزىممەن قولدايمىن, دەپ اتاپ ءوت­كەن ن.نازارباەۆ ءوز جەدەل­حا­تى­نىڭ قورىتىندىسىندا.