سامميت اياسىنداعى كەزدەسۋلەر

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ەلىمىزگە شىۇ-نىڭ مەرەيتويلىق سامميتىنە بۇۇ دەلەگاتسياسىنىڭ باسشىسى رەتىندە كەلگەن بۇۇ باس حاتشىسىنىڭ ورىنباسارى, بۇۇ ۆەنا بولىمشەسىنىڭ باس ديرەكتورى, بۇۇ-نىڭ ەسىرتكى جانە قىلمىس جونىندەگى باسقارماسىنىڭ اتقارۋشى ديرەكتورى يۋري فەدوتوۆپەن كەزدەستى. قازاقستاندىق ءسىم باسشىسى اڭگىمەلەسۋشى تاراپتى جاقىندا بۇۇ-نىڭ ەسىرتكى جانە قىلمىس جونىندەگى باسقارماسىنىڭ اتقا­رۋ­شى ديرەكتورى جانە بۇۇ ۆەنا بولىمشەسىنىڭ باس ديرەكتورى لاۋا­زىمدارىنا تاعايىندالۋىمەن قۇت­تىقتاي وتىرىپ, ەكىجاقتى ىنتى­ماقتاستىقتىڭ تيىمدىلىگىن ارتتى­رىپ, بەلسەندىلىگىن كوتەرۋگە ۇلەس قوساتىنىنا سەنىم ءبىلدىردى. ە.قازىحانوۆ اتاپ وتكەندەي, بۇۇ-نىڭ ەسىرتكى جانە قىلمىس ءجو­نىندەگى باسقارماسى جەتەك­شى­سى­نىڭ ساپارى ايماقتىق قاۋىپسىزدىك­تىڭ ماڭىزدى فورۋمىنا اينالعان شانحاي ىنتىماقتاستىق ۇيىمى­نىڭ 10 جىلدىق مەرەيتويىنا تۇسپا-تۇس كەلىپ وتىر. وتاندىق سىرتقى ساياسات مە­كە­مەسىنىڭ باسشىسى ايتىپ ءوت­كەن­دەي, قازاقستاننىڭ شىۇ-عا ءتور­اعالىعى كەزەڭىندە   شىۇ-نىڭ بۇۇ-مەن بايلانىستارى ايتار­لىق­تاي جاقساردى. شىۇ-نىڭ وڭىرلىك تەرروريزمگە قارسى قۇرىلىمى مەن ەسىرتكى جانە ءتۇرلى پسيحوتروپتىق زاتتاردىڭ زاڭسىز اينالىمىمەن كۇرەس بويىنشا ورتالىق ازيا وڭىرلىك اقپاراتتىق ۇيلەستىرۋشى ورتالىق اراسىندا ءوزارا ءتۇسى­نىس­تىك تۋرالى حاتتاماعا قول قويىل­دى. بۇۇ-نىڭ ەسىرتكى جانە قىل­مىس جونىندەگى باسقارماسىمەن جانە ەسىرتكى باقىلاۋىنىڭ حا­لىق­ارالىق كوميتەتىمەن بايلا­نىس­تار قايتا جانداندى. كەزدەسۋ بارىسىندا ە.قازى­حا­نوۆ سۇحباتتاسىن الداعى 28-30 ماۋسىم كۇندەرى استانادا «بەيبىتشىلىك, ىنتىماقتاستىق جانە دا­مۋ» ۇرانىمەن وتەتىن يكۇ سىمك 38-وتىرىسىنىڭ كۇن ءتارتى­بىمەن تانىستىرىپ, يكۇ-عا مۇشە مەملەكەتتەردىڭ سىرتقى ىستەر مينيسترلەرى ۇيىمنىڭ قالىپتاسۋى مەن دامۋى ءۇشىن تاريحي ماڭىزى بار شەشىمدەر قابىلدايدى دەپ كۇتىلىپ وتىرعانىن جەتكىزدى. سول كۇنى قازاقستاننىڭ سىرت­قى ىستەر ءمينيسترى ە.قازىحانوۆ تمد اتقارۋشى كوميتەتىنىڭ ءتور­اعاسى – تمد-ءنىڭ اتقارۋشى حات­شىسى سەرگەي لەبەدەۆپەن كەزدەسىپ, اڭگىمە بارىسىندا ونى الدا­عى شىۇ ءسامميتىنىڭ كۇن تارتىبىمەن تانىستىردى. تمد شەڭبەرىندەگى ارەكەتتەس­تىك جايلى ايتىپ وتكەن ە.قا­زىحانوۆ قازاقستان دوستاستىق شەڭبەرىندەگى ينتەگراتسيالىق ۇدە­رىستەردىڭ الداعى دامۋىن قول­دايتىنىن اتاپ كورسەتتى. وسىعان بايلانىستى قازاقستاندىق مينيستر تمد-نىڭ «ءبىر جىل – ءبىر تاقىرىپ» اتتى جۇمىس قاعيداتى ءتيىمدى بولىپ شىققاندىعىن كول­دەنەڭ تارتتى. بۇل قاعيدات پرەزيدەنت ن.نازارباەۆتىڭ دوستاستىق ەلدەرىنىڭ باسىم كوپشىلىگىنىڭ ءمۇد­دەلەرىنە قاتىستى نەگىزگى ءما­سە­لەلەردىڭ بىرەۋى بويىنشا ناقتى ناتيجەلەرگە قول جەتكىزۋ ءۇشىن ۇسىنعان باستاماسى بولاتىن. ە.قازىحانوۆ ۇستىمىزدەگى جىل تمد-داعى ازىق-ت ۇلىك قاۋىپسىزدىگىن ارتتىرۋ جىلى بولىپ جاريالان­عانىن ايتتى. كەزدەسۋ بارىسىندا تاراپتار تمد-نىڭ الداعى ۋاقىتتاعى دامۋ تۇجىرىمداماسىن جانە تمد ەكونوميكالىق دامۋىنىڭ 2020 جىلعا دەيىنگى كەزەڭگە ارنالعان ستراتەگياسىن جۇزەگە اسىرۋ ماسە­لەلەرىن تالقىلادى. دوستاستىقتىڭ الداعى 20 جىل­دىعىنا بايلانىستى تمد-نىڭ مەرەيتويلىق ءسامميتىن داي­ىن­داۋ ماسەلەلەرى قوزعالدى, دەپ حابارلادى قازاقستان رەسپۋبلي­كاسى سىرتقى ىستەر مينيستر­لىگىنىڭ ءباسپاسوز قىزمەتى.