15 ماۋسىم، 2011

تاعى ءبىر تاماشا ساۋلەت تۋىندىسى

268 رەت كورسەتىلدى
تاۋەلسىزدىك جانە استانا – تەل ۇعىم. ەلىمىز ەركىندىك الىپ، تاۋەلسىزدىك تولقىنىندا ءتاي-ءتاي باسقان سوناۋ ءبىر ءولىارا كەزەڭدە تۇڭعىش پرەزيدەنتىمىز نۇرسۇلتان نازارباەۆ ۋاقىت تامىرشىسىنداي بولاشاعىمىزدىڭ باياندى بالاماسىن تاپ باسىپ، قازاقستاننىڭ جاڭا ەلورداسى – استانا قالاسىن سالۋ جونىندەگى عاسىرلىق جوباسىن قولعا ال­عان بولاتىن. سوندىقتان ەل تاۋەلسىزدىگىنىڭ 20 جىل­دىق مەرەيلى مەرەكەسى تويلاناتىن ايتۋلى كۇنگە استانا قالاسى دا تولايىم تارتۋلارمەن، سالتاناتىن جاراس­تىراتىن جاڭا ساۋلەت ونەرىنىڭ تۋىندىلارىمەن كەلمەك. تاۋەلسىزدىك مەرەكەسىنىڭ 20 جىلدىعى قارساڭىندا استانادا بوي كوتەرەتىن تاماشا ساۋلەت تۋىندىسىنىڭ ءبىرى – «يزۋمرۋدنىي كۆارتال» اكىمشىلىك كەشەنى بولماق. ورتالىق ازيا وڭىرىندەگى قالالاردا تەڭدەسى جوق ەڭ بيىك عيما­راتتاردان تۇراتىن بۇل كەشەن قازاقستان جانە سولتۇستىك امەريكا ارحيتەكتورلارىنىڭ بىرلەسكەن قولتاڭباسى بولىپ تابىلادى. بۇل اكىمشىلىك كەشەن 54، 43 جانە 27 قاباتتاردان تۇراتىن 3 بيىك عيماراتتان قۇرالعان. ونىڭ ىشىندەگى ەڭ ءزاۋلىم عيماراتتىڭ جەردەن بيىكتىگى 210 مەترگە جەتەدى. ساۋلەت ونەرىنىڭ وزىق تۋىندىسى بولاتىن بۇل ءزاۋلىم عيماراتتىڭ ءبىر ەرەكشەلىگى، ونىڭ 32-ءشى قاباتىنان باستاپ اۋقىمى كەڭەيە بەرىپ، ءاربىر قاباتتىڭ كولەمى تومەنگى قاباتتان اۋقىمدىراق بولىپ، عيماراتتىڭ ەڭ جوعارعى قاباتتارى تومەنگى قاباتتاردان 15 مەتر اۋقىمعا دەيىن كەڭ جايىلاتىن بولادى. سونىمەن بىرگە كەشەننىڭ استىڭعى قاباتتارىندا 2000 كولىككە ارنالعان پاركينگتەر بولادى. ءزاۋلىم عيماراتتىڭ ەڭ جوعارعى قاباتىندا بىرنەشە ءدامحانالار مەن مەيرامحانا جۇمىس ىستەپ، ءوز تۇتىنۋشىلارىنىڭ قۇس ۇشاتىن بيىكتىكتەن قالا كوركىن تاماشالاۋىنا مۇمكىندىك بەرەدى. قۇرىلىس جۇمىستارى قىزۋ قارقىنمەن جۇرگىزىلىپ جاتقان بۇل كەلىستى كەشەن، استانا قالاسىنداعى ساۋلەت ونەرىنىڭ تاعى ءبىر تاماشا تۋىندىسى ەل تاۋەلسىزدىگىنىڭ 20 جىلدىق مەرەكەسى قارساڭىندا پايدالانۋعا بەرىلمەك.
سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار