ىنتىماقتاستىقتى نىعايتۋ جولىندا

تاياۋدا ۇجىمدىق قاۋىپسىز­دىك شارتى ۇيىمىنا قاتىسۋ­شى ەلدەر پارلامەنتتەرىنىڭ قورعا­نىس جانە قاۋىپسىزدىك كوميتەتتەرى توراعالارىنىڭ ماسكەۋ­دە ءوت­كەن ۇيلەستىرۋ كەڭەسىندە ۇقشۇ-عا مۇشە مەملەكەتتەر ىنتى­ماقتاستىعىن ودان ءارى نى­عايتۋ ماسەلەلەرى تالقىلان­دى, دەپ حابارلادى پارلامەنت سەناتى­نىڭ ءباسپاسوز قىزمەتى. قازاقستان پارلامەنتىنىڭ دە­پۋ­تات­تارى امزەبەك جولشىبەكوۆ پەن عاني قاسىموۆ قاتىسقان وتى­رىستا جاھاندىق جانە ايماقتىق قاۋىپسىزدىك سالاسىنداعى جاعدايعا تالداۋ جاساۋ, اقپارات الماسۋ, قاۋىپ-قاتەرگە قارسى ۇجىمدىق قاۋىپسىزدىك كۇش-جىگەرىن ۇيلەستىرۋ قاجەتتىگىنە نازار اۋدارىلدى. تالقىلاۋعا قاتىسۋشىلار  ۇقشۇ-عا مۇشە مەملەكەتتەردىڭ ۇلتتىق زاڭنامالارىن بىردەيلەۋ مەن ۇيلەستىرۋ ماسەلەلەرىنە ەرەكشە توقتالىپ, ۇقشۇ ۇجىمدىق قاۋىپسىزدىگىنىڭ ءۇش – شىعىس ەۋروپا, كاۆكاز جانە ورتالىق ازيا اي­ماعىنداعى اسكەري-ساياسي جاع­داي­دى زەردەلەۋ تۋرالى ايتتى. تەرروريزمگە, ەكسترەميزمگە, سە­پارا­تيزمگە, ترانسۇلتتىق ۇيىمداس­قان قىلمىسقا قارسى ءىس-قيمىل با­رىسىندا جاھاندىق ەسىرتكى قاۋپى­مەن كۇرەستە كۇش-جىگەردى بىرىكتىرۋ قا­جەت­تىگى ايرىقشا اتاپ ءوتىلدى. ۇيلەستىرۋ كەڭەسىنە قاتىسۋ­شىلار پارلامەنتتىك بايلانىستار بويىنشا بىرلەسكەن كۇش-جىگەردى قالىپتاستىرۋ تۋرالى ايتتى, ول ۇقشۇ-عا مۇشە مەملەكەتتەر ارا­سىنداعى قورعانىس جانە قاۋىپسىز­دىك سالاسىنداعى ءوزارا ءىس-قيمىل­دى ودان ءارى نىعايتۋعا ىقپال ەتەدى.