جاڭا جۇمىس ورىندارى اشىلادى

اتىراۋداعى مۇناي وڭدەۋ زا­ۋىتىندا باستاۋ العان كەزەكتى حوش ءيىستى كومىرسۋتەكتەر شىعاراتىن كە­شەن قۇرىلىسىن قىتايلىق «سي­نوپەك ينجينيرينگ» كومپانياسى جۇرگىزۋدە. بۇل كومپانيا اتالعان جوباعا 1 ميلليارد 40 ميلليون اقش دوللارى كولەمىندەگى ينۆەس­تيتسيالىق قارجىنى يگەرمەك. ال جوبا اياقتالعاندا جىلىنا 133 مىڭ توننا بەنزول جانە ءبىر جىلدا 496 مىڭ توننا پاراكسيلول ونىمدەرىن شىعارۋعا قول جەتكىزىلمەك. شەتەلدىك كومپانيا باسشى­لى­عى وسى جوبا قۇرىلىسىنىڭ جۇمىستارىنا 1700 قازاقستاندىق ماماندار مەن جۇمىسشىلاردى قا­بىلداۋدى كوزدەپ وتىر. بۇل تۋ­رالى وبلىس اكىمى بەرگەي رىس­قا­ليەۆ پەن قىتايلىق كومپانيا باسشىلارىنىڭ كەزدەسۋىنەن كەيىن ءمالىم ەتىلدى. ءوڭىر باسشىسىنىڭ ايتۋىنشا, بۇل ماماندار بۇرىن «ادجيپ­قكو» كومپانياسىنىڭ «بولا­شاق» مۇناي مەن گازدى كەشەندى دايىنداۋ قوندىرعىسىنىڭ قۇرى­لىس جۇمىستارىندا شىڭدالعان­دار. قازىر اتالعان جوبا قۇرى­لىسى اياقتالۋىمەن شەتەلدىك جانە قازاقستاندىق جۇمىسشىلار, ماماندار جۇمىستان قىسقارتىلۋدا. ەندى قازاقستاندىق جۇمىسشىلار مەن ماماندار اتىراۋ مۇناي وڭدەۋ زاۋىتىنداعى كەزەكتى جوبا بويىنشا اشىلاتىن جاڭا جۇمىس ورىندارىنا تارتىلماق. جولداسبەك شوپەعۇل. اتىراۋ وبلىسى.