سونىمەن, 16 قىركۇيەككە دەيىن گولوۆكين-الۆارەس جەكپە-جەگى تۋرالى ءسىز ءبىلۋىڭىز كەرەك 5 فاكتىنى نازارلارىڭىزعا ۇسىنامىز.
ءبىرىنشى: 16 قىركۇيەكتەگى جەكپە-جەكتە WBA, WBC, IBF, IBO جانە The Ring جۋرنالىنىڭ تيتۋلى ساراپقا سالىنادى. ول كۇنى گەننادي گولوۆكين WBA سۋپەرچەمپيوندىق بەلبەۋىن 18-ءشى, WBC بەلبەۋىن 3-ءشى, IBF بەلبەۋىن 4-ءشى, IBO بەلبەۋىن 16-شى رەت قورعاسا, الۆارەس The Ring جۋرنالىنىڭ تيتۋلىن 2-ءشى رەت قورعايدى.
ەكىنشى: الدىن-الا بولجام بويىنشا, الەم جانكۇيەرلەرى كۇتكەن جەكپە-جەك T-Mobile ارەناسىندا ءوتۋى مۇمكىن. تاراپتار كەزدەسۋ ورنىن الداعى ۋاقىتتا ناقتىلايتىنىن ايتتى. ەگەر كەزدەسۋ T-Mobile ارەناسىندا وتسە, گولوۆكيننىڭ لاس-ۆەگاستاعى تۇڭعىش, ال اقش-تاعى 11-ءشى جەكپە-جەگى بولماق. ارەنانىڭ سىيىمدىلىعى – 20 000 مىڭ ادام.
ءۇشىنشى: 16 قىركۇيەك – مەكسيكا مەملەكەتىنىڭ تاۋەلسىزدىك كۇنى. 1810 ءجىلدىڭ دال وسى كۇنى يسپانيادان تاۋەلسىزدىگىن الۋ ءۇشىن سوعىس باستاعان بولاتىن. «كانەلو» سوڭعى ۋاقىتتا نەگىزگى جەكپە-جەكتەرىن مەكسيكانىڭ ەكى ۇلى مەرەكەسى قارساڭىندا وتكىزىپ ءجۇر. ءبىرىنشىسى, تاۋەلسىزدىك كۇنى بولسا, ەكىنشىسى مامىر ايىنداعى «سينكو دە مايو» (بەسىنشى مامىر) مەرەكەسى.
ءتورتىنشى: بريتاندىق boxrec سايتىنىڭ رەيتينگى بويىنشا ەكى سالماق دارەجەسىنىڭ ءبىرىنشى ورىن يەگەرلەرىنىڭ ايقاسى بولماق. گولوۆكين 160 فۋنت (72,500 كيلو), الۆارەس 154 فۋت (69,900 كيلو) سالماعىنىڭ ۇزدىگى. جەكپە-جەك ورتا سالماقتا ياعني, 160 فۋنتتا وتەدى. جەڭىسكە جەتكەن بوكسشى ورتا سالماقتىڭ كورولى اتانادى.
بەسىنشى: گولوۆكين-الۆارەس جەكپە-جەگى رەسمي مالىمدەلگەن سوڭ قوس بوكسشىنىڭ العاشقى پىكىرى:
گەننادي گولوۆكين: مەن وتە قۋانىشتىمىن, ءبارى مەن ويلاعانداي بولىپ جاتىر. ماعان الۆارەستىڭ بۇگىنگى جەكپە-جەگى ۇنادى, بىراق كۇزدە – بيگ-دراما-شوۋ بولادى. «كانەلو» مەنىڭ كارەرامداعى ەڭ ۇزدىك بوكسشى. قىركۇيەكتەگى كەزدەسۋدە وعان ساتتىلىك تىلەيمىن.
ساۋل «كانەلو» الۆارەس: گەننادي, دوسىم, سەن مەنىڭ كەلەسى قارسىلاسىمسىڭ. مەن 16 جاسىمدا كاسىپقوي بوكستى باستادىم, ويتكەنى مەن ەشقاشان قورىققان ەمەسپىن. گولوۆكينمەن جەكپە-جەك وتكىزەتىنىمە قۋانىشتىمىن. مەندە قازىرگە دەيىن قيىن جەكپە-جەكتەر بولعان جانە الداعى كەزدەسۋىمدە وڭاي بولمايتىنىن بىلەمىن. مەن ۇنەمىن ايتامىن: «كانەلو» الۆارەس ۇزدىك, ويتكەنى ەڭ مىقتى بوكسشىلارمەن جۇدىرىقتاسادى».
ءالي بيتورە, «ەگەمەن قازاقستان»
