قالا اكىمدىگىنىڭ مالىمەتتەرىنە سايكەس, بۇگىنگى كۇنى ەلوردادا ۇوس 121 ارداگەرى تۇرادى. سونىڭ ىشىندە 99 ادام - سوعىسقا قاتىسۋشى, 22 ادام - مۇگەدەك.
ولاردىڭ بارلىعىنا جەڭىس كۇنى قارساڭىندا 500 000 تەڭگە كولەمىندە بىررەتتىك تولەم بەرىلدى. جەڭىلدىكتەرى مەن كەپىلدىكتەرى بويىنشا ۇوس ارداگەرلەرىنە تەڭەستىرىلگەن تۇلعالار 20 000 تەڭگە كولەمىندە ءبىر رەتتىك تولەماقى الدى; سوعىسقا قاتىسۋشىلارعا تەڭەستىرىلگەندەرگە 10 000 تەڭگەدەن ءبولىندى.
بەلگىلەنگەن ەرەجەگە سايكەس, ۇوس ارداگەرلەرىنە جانە ولارعا تەڭەستىرىلگەن تۇلعالارعا 400 ملن تەڭگەدەن استام جالپى سومانىڭ ءتۇرلى الەۋمەتتىك كومەگى قاراستىرىلعان: كوممۋنالدىق قىزمەتتەردى تولەۋگە اي سايىنعى اقشالاي وتەماقى تولەنەدى, جانە ساناتورلىق-كۋرورتتىق ەم-دوم مەن ءدارى-دارمەكپەن قامتاماسىز ەتۋ قاراستىرىلعان.
ۇلى وتان سوعىسىنداعى جەڭىستىڭ 72 جىلدىعىن مەرەكەلەۋگە وراي استانا قالاسىنىڭ باسشىلىعى ارنايى ەستەلىك البوم دايىندادى, ال جەڭىس كۇنى قارساڭىندا ەلوردا اكىمدىگىنىڭ قىزمەتكەرلەرى ارداگەرلەرى وزدەرى قۇتتىقتادى. ارداگەرلەردىڭ ۇيلەرىنە بارۋ كەزىندە ازىق-ت ۇلىك ونىمدەرى جەتكىزىلىپ, ۇيلەرىندە قاجەت كومەك كورسەتىلدى.
سونداي-اق, قازاقستان رەسپۋبليكاسىنىڭ ۇلتتىق ارحيۆىندە ارداگەرلەرگە قۇرمەت كورسەتۋ ءراسىمى ءوتتى: مەرەكەلىك ۇستەل باسىندا ۇوس قاتىسۋشىلارى, اۋعانستان سوعىسىنا قاتىسقان جاۋىنگەرلەر, قالا جاستارى جينالدى.
قالا اكىمدىگىنىڭ وكىلدەرى تىل ەڭبەككەرلەرىنىڭ ۇيلەرىنە بارىپ قۇتتىقتاپ, ازىق-ت ۇلىك جيناقتارىن تابىس ەتتى. ۇوس 15 ارداگەرى مەن تىل ەڭبەككەرىن تەگىن مەديتسينالىق تەكسەرۋدەن ءوتۋ جوسپارلانعان.
5 مامىردا جەڭىس كۇنىنە وراي ءاليا مولداعۇلوۆا ەسكەرتكىشىنە جانە «ەكى جاۋىنگەر» ەسكەرتكىشىنە گۇل شوقتارىن قويۋ ءراسىمى ءوتتى. ۇوس ارداگەرلەرى, تىل ەڭبەككەرلەرى مايدان دالاسىنان قايتپاعان باتىرلاردى ءبىر مينۋت ۇنسىزدىكپەن ەسكە الدى.
استانا قالاسى اكىمدىگىنىڭ اۋلا كلۋبتارىنىڭ تاربيەلەنۋشىلەرى دە يگى شارالاردان قالىس قالمادى. ولار ل. گۋميلەۆ ات. ەۇۋ كونتسەرت زالىندا مەرەكەلىك كونتسەرت ۇيىمداستىردى. شاراعا بي ۇجىمدارى, ەۇۋ اسكەري كافەدراسىنىڭ حورى جانە حالىقارالىق بايقاۋلاردىڭ لاۋرەاتى, قر ەڭبەك سىڭىرگەن دومبىراشىسى ايبەك بەكبوسىن قاتىستى.
