وسى ماقساتتا وڭىرگە قازاق ۇلتتىق اگرارلىق ۋنيۆەرسيتەتىنىڭ رەكتورى تىلەكتەس ەسپولوۆ باستاعان 50-گە جۋىق عالىمدار مەن پروفەسسورلار ارنايى كەلىپ, سەمينار كەڭەس وتكىزدى.
«ەلباسىمىز بيىلعى جولداۋىندا «اگرارلىق سەكتور ەكونوميكانىڭ جاڭا درايۆەرىنە اينالۋى كەرەك» دەگەن بولاتىن. وسى ورايدا وڭتۇستىك قازاقستان وبلىسى اكىمدىگى مەن ۋنيۆەرسيتەتىمىزدىڭ اراسىندا ەكىجاقتى ىنتىماقتاستىق جونىندە مەماراندۋمعا قول قويىلعان. ونداعى ماقسات – وسى ءوڭىردىڭ اۋىلشارۋاشىلىق سالاسىن عىلىمي نەگىزدە دامىتىپ, بىرقاتار سالالارداعى جاڭاشىل يننوۆاتسيالىق يدەيالاردى ىسكە اسىرۋعا مۇمكىندىك تۋعىزىپ, جاقسى جەتىستىكتەرگە جەتۋ», – دەدى تىلەكتەس ەسپولوۆ.
سەمينار كەڭەستە وڭتۇستىككە ارنايى كەلگەن عالىمدار مال شارۋاشىلىعى, ۆەتەريناريا, باقشا داقىلدارى, كوكونىس پەن جەمىس-جيدەك, جىلىجاي شارۋاشىلىقتارىن دامىتۋعا ارنالاعان يننوۆاتسيالىق جوبالارمەن تانىستىرىپ, از شىعىنمەن مول ناتيجەگە جەتۋدىڭ جولدارى جايىندا پىكىر الىستى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
