«سىزدەردى ۇلى جەڭىس مەرەكەسىمەن شىن جۇرەكتەن قۇتتىقتايمىن. بارلىقتارىڭىزعا زور دەنساۋلىق تىلەيمىن. ءبىزدىڭ ەڭ ۇلكەن بايلىعىمىز, باقىتىمىز – سىزدەرسىزدەر قادىرمەندى, قاسيەتتى ارداگەرلەر», – دەدى وبلىس اكىمى ءوزىنىڭ قۇتتىقتاۋ سوزىندە.
وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى ەلەنا ستارەنكوۆا مۇنداي سىياقى وبلىستا تۇراتىن 328 ارداگەرگە تاپسىرىلاتىنىن ايتتى. ال تىل ارداگەرلەرىنە قالا مەن اۋدان اكىمدىكتەرى مۇمكىندىگىنشە قارجىلاي جانە ماتەريالدىق تۇرعىدان قولداۋ كورسەتەدى.
قاريالاردى قۇرمەتتەگەن شارا بارىسىندا ۇلى وتان سوعىسىنىڭ ارداگەرى قۇرمەت راحيموۆپەن از-كەم تىلدەسكەنىمىزدە, اقساقال كوڭىلىن كۇپتى ەتىپ جۇرگەن ءبىر ءجايتتى تىلگە تيەك ەتتى.
« ۇلى وتان سوعىسى تۋرالى كوپ ايتىلىپ جاتىر, كوپ جازىلىپ جاتىر. ءبىز نە ايتامىز؟! مەنىڭ ءبىر نارسەگە جۇرەگىم اۋىرادى. سوعىستىڭ العاشقى جىلدارىندا تۇتقىنعا تۇسكەن ازاماتتاردى مايداننان كەيىن نەگىزسىز ايىپتادى عوي. ولاردىڭ كىناسى جوق. ولاردى جازالاۋدىڭ قاجەتى جوق ەدى. كوبى ەلگە قايتا الماي, مايدان دالاسىندا قالدى عوي. وسىنداي ەرلەردى ەسكەرسەك, ەلەۋسىز قالدىرماساق دەيمىن», – دەدى ارداگەر.
ازامات قاسىم,
«ەگەمەن قازاقستان»
وسكەمەن
