بيىل ونىنشى جىل قاتارىنان وتكىزىلىپ وتىرعان بايقاۋعا قالامىزداعى 8 وقۋ ورنىنان 10 بويجەتكەن قاتىستى. سايىس بەس كەزەڭنەن تۇردى. ءۇش ساعاتقا سوزىلعان سىناقتا قىزدار تەاترلاندىرىلعان كورىنىستەر كورسەتىپ, ءان ايتىپ, بي دە بيلەدى. بايقاۋ بارىسىندا ارۋلاردىڭ قازاق قىزىنا ءتان نازىكتىك, يناباتتىلىق مىنەزدەرىمەن قاتار, الاش ورداسىنىڭ 100 جىلدىق مەرەيتويىن حالىق اراسىندا ناسيحاتتاۋ ءۇشىن قىزداردىڭ تاريحتى, ادەبيەتتى قانشالىقتى بىلەتىندىگى دە سىنعا الىندى.
سايىس قورىتىندىسى بويىنشا, باس جۇلدەنى قۇقىق جانە بيزنەس كوللەدجىنەن سامال باسىقاراەۆا جەڭىپ الدى. ءبىرىنشى ورىنعا سەمەي قارجى ەكونوميكا كوللەدجىنەن شاحريزادا سەرىكوۆا, ەكىنشى ورىنعا سەمەي مەديتسينا ۋنيۆەرسيتەتىنەن بوتاگوز قىلىشبەكوۆا, ءۇشىنشى ورىنعا شاكارىم ۋنيۆەرسيتەتىنەن اسەم اسحاتوۆالار شىقتى. بارلىق جەڭىمپازدار مەن جۇلدەگەرلەر باعالى سىيلىقتارمەن جانە ديپلومدارمەن ماراپاتتالدى.
راۋشان نۇعمانبەكوۆا
سەمەي
