ويتكەنى, ءار ادامنىڭ تۋعان جەرى بار. ءومىردىڭ ءوز تاجىريبەسى كورسەتكەندەي, پرەزيدەنتتەن باستاپ قاراپايىم جۇمىسشىعا دەيىن استانادا نەمەسە الماتىدا تۇرسا دا ءبىر بۇيرەگى تۋعان جەرىنە بۇراتىنى شىندىق.
بۇرىنناندا ءوز تۋعان جەرلەرىنە سپورت الاڭىن, مەشىت, مەكتەپ, بالاباقشا سالىپ بەرگەن جومارت جانداردىڭ قاتارىندا ن.بالعىمباەۆ, ن.سابيليانوۆ, اعايىندى بايشولاقوۆ بارىن بىلەتىنمىن. الداعى ۋاقىتتا ەلباسىنىڭ باعدارلامالىق ماقالاسىندا ايتىلعان «تۋعان جەر» باعدارلاماسىنا ءوز ۇلەسىن قوساتىن پاتريوت جاندار كوبەيەرى ءسوزسىز. تۋعان جەرىنە كومەك قولىن سوزىپ, اۋىلداستارىنىڭ العىسىن ارقالايتىن جانداردىڭ كوپ بولۋى ەلدىكتىڭ, بىرلىكتىڭ بەلگىسىن ايقىندايدى.
قاراباۋ ءوڭىرى – تاريحي-مادەني مەكەن. ءبىزدىڭ تۋعان جەرىمىزدە دە تالاي باتىرلار مەن اقىنداردىڭ ءىزى قالعان, ەلدىڭ كوركەيۋىنە ۇلەس قوسقان قوعام قايراتكەرلەرىنىڭ قولتاڭباسى بار. اۋىل كولەمىندەگى ءار وتباسىندا ۇلتتىق قۇندىلىعىمىزدىڭ كۋاسى بولاتىن جادىگەرلەر تابىلاتىنى دا شىندىق.
ال قازىرگى ۇرپاقتىڭ كوبىنىڭ جاستىقاعاش, اسادال, جۇكاياق, موسى, ت.ب. بىلمەيتىندىگى دە ءمالىم.
عاسىرلار بويى حالقىمىزدىڭ كادەسىنە جاراعان بۇيىمداردى, ۇلت جادىگەرلەرىن بىلمەۋ – ۇلكەن سىن. سوندىقتان دا ءار اۋىلدا وتكەنىمىزدى ەسكە تۇسىرەتىن, ۇلىقتايتىن مۋزەي اشىلسا, ۇرپاعىمىزدىڭ ەل تاريحىنا, مادەنيەتىنە, سالت-داستۇرىنە قىزىعۋشىلىعى ارتىپ, قادىر-قاسيەتىن تۇسىنەرى انىق.
گۇلجان توقمىرزينا,
مۇعالىم
اتىراۋ وبلىسى,
قىزىلقوعا اۋدانى,
قاراباۋ اۋىلى
