مازمۇنى تەرەڭ, اۋقىمى كەڭ بۇل ماقالا – ۇلت رۋحانياتىن ءححى عاسىردىڭ بيىگىنە كوتەرەتىن باعدارلاما ىسپەتتەس. ۇلى دالانى مەكەندەگەن حالىقتىڭ تاريحىن, مادەنيەتىن, سالت-ءداستۇرىن دۇنيەجۇزىلىك قوعامداستىققا پاش ەتۋ – بۇگىنگى ۇرپاقتىڭ ىزگىلىكتى مىندەتى.
شارا بارىسىندا شاعىن بەينەروليك كورسەتىلدى. كىتاپحانا قىزمەتكەرى گۇلشارات بوپيلوۆا ەلباسى ماقالاسىنداعى ۇلتتىق سانا, باسەكەلەستىك قابىلەت, ءبىلىم, ۇلتتىق بىرەگەيلىكتى ساقتاۋ جانە تاياۋ جىلدارداعى مىندەتتەر جونىندە اڭگىمەلەدى. سونىمەن قاتار, ەلباسىمىزدىڭ ايتقانداي, «جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى...» ماڭىزدىلىعى ارتا تۇسپەك دەگەن تۇيىندەرىنىڭ بارلىعىنا توقتالىپ, ونى جۇزەگە اسىرۋ بارشامىزدىڭ مىندەتىمىز ەكەندىگىن كىتاپحانا وقىرماندارىنا باياندادى. جاستار ءتۇرلى ساۋالدار قويىپ, ءوز ويلارىن ورتاعا سالدى.
«ازاماتتىق باقىلاۋ» جوباسىنىڭ ۇيلەستىرۋشىسى –كوشكىنباي احمەتوۆ شاراعا قاتىسىپ, جاستارعا ماقالاداعى ءبىرىنشى كەزەكتە ۇلتتىق يدەولوگيا مەن ۇلتتىق سانانى قالىپتاستىرۋ, ادەت-عۇرىپ, مادەني داستۇرلەردى مىقتى ساقتاپ, ونى جاڭا جەتىستىكتەرمەن, ادامي قۇندىلىقتارمەن بايىتۋعا, دامىتۋعا بارلىعىمىز بىردەي اتسالىسۋىمىز كەرەك دەگەن پىكىرىن جاستارمەن ءبولىستى. سونىمەن قاتار, كىتاپحانا ديرەكتورىنىڭ ورىنباسارى ۇرجان كۋداسوۆا وندا مادەنيەت سالاسى, ادامنىڭ دامۋى, سانالى ازامات قالىپتاستىرۋدىڭ بارلىعى دا وسى مادەنيەت ارقىلى كەلەدى دەگەن ماقالاداعى قوزعاۋلاردى قولدايتىندىعىن ايتىپ ءوتتى.
ۇلتتىق رۋح بيىك بولسا, ەلىمىزدىڭ بولاشاعى جارقىن, ىرگەسى بەرىك. ەندەشە, رۋحاني سانامىزعا سەرپىلىس بەرگەن ستراتەگيالىق قۇجات ەلىمىزدىڭ ۇلت رەتىندە جاڭعىرۋىنا جاڭا سەرپىن بەرەرى ءسوزسىز.
باقتىگۇل باقىتجانقىزى,
س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ ءبولىم مەڭگەرۋشىسى
اقتوبە
