اتالعان ۇشجاقتى قۇجاتتىڭ قابىلدانۋ ماسەلەسىنە ارنالعان ءباسپاسوز-بريفينگى بارىسىندا قازاقستاننىڭ ۆەناداعى حالىقارالىق ۇيىمدار جانىنداعى تۇراقتى وكىلى قايرات سارىباي قازاقستان پرەزيدەنتى نۇرسۇلتان نازارباەۆتىڭ 1992 جىلى سەمەي سىناق پوليگونىن جابۋ تۋرالى قابىلداعان تاريحي شەشىمى باسقا ەلدەردەگى سىناق پوليگوندارىنداعى يادرولىق سىناقتاردىڭ توقتاتىلۋىنا وڭ اسەر ەتىپ, 1996 جىلى ياسجتش-نى قابىلداۋعا نەگىز سالعانىنا ەرەكشە نازار اۋداردى.
ق.سارىباي ەلباسىنىڭ «الەم. XXI عاسىر» اتتى مانيفەسىنىڭ, سونداي-اق, يادرولىق سىناقتارعا قارسى ءىس-قيمىلداردىڭ حالىقارالىق كۇنى مەن «اتوم» جوباسىنىڭ ماڭىزى مەن وزەكتىلىگىنە ەرەكشە نازار
اۋداردى.
قازاقستان مەن جاپونيا سىرتقى ساياسات ۆەدومستۆولارىنىڭ باسشىلارى مەن ياسجتش دايىندىق كوميسسياسى اتقارۋشى حاتشىسىنىڭ ءبىرلەسكەن ءمالىمدەمەسىندە يادرولىق قارۋسىز الەم قۇرۋ ءۇشىن قۇجاتقا بارلىق ەلدەر قول قويىپ, ياسجتش-نىڭ جەدەل كۇشىنە ەنۋى كەرەكتىگى اتاپ كورسەتىلدى. قازاقستان مەن جاپونيانىڭ يادرولىق قارۋدىڭ اپاتتى سالدارىن جويۋ بويىنشا ءتاجىريبەسىنە سۇيەنە وتىرىپ, تاراپتار جوعارىدا اتالعان كۇش-ءجىگەرلەردى جاڭعىرتۋعا جانە جانداندىرۋعا شاقىردى.
«ەگەمەن-اقپارات»
