كەزدەسۋ بارىسىندا قارجى نارىعىنداعى احۋال جانە ەكونوميكانىڭ دامۋ پەرسپەكتيۆالارى, سونداي-اق قازاقستانداعى ەكونوميكالىق بەلسەندىلىككە اسەر ەتەتىن فاكتورلار تالقىلاندى, دەپ حابارلايدى قازاقپارات ءتىلشىسى بانك ءباسپاسوز قىزمەتىنە سىلتەمە جاساي وتىرىپ.
كەزدەسۋدە عالىمجان ءپىرماتوۆ سىرتقى ەكونوميكالىق كونيۋنكتۋرانىڭ 2016 جىلدىڭ سوڭىندا تۇراقتانۋى جانە ۇكىمەتتىڭ قازاقستان ەكونوميكاسىن ىنتالاندىرۋ جونىندەگى داعدارىسقا قارسى كەڭەيتىلگەن شارالارى ىشكى جانە سىرتقى كۇيزەلىستەردىڭ جاعىمسىز ىقپالىن جۇمسارتۋعا مۇمكىندىك بەرگەنىن ايتا كەلىپ, ەكونوميكالىق احۋالدىڭ جاقسارۋىنا ەلىمىزدىڭ ۆاليۋتا نارىعىنداعى احۋالدىڭ تۇراقتانۋى ىقپال ەتكەنىن اتاپ ءوتتى.
ۇلتتىق بانك باسشىسىنىڭ ورىنباسارى قازاقستاندا ينفلياتسيانىڭ تومەندەۋى كۇتىلەتىنىن تىلگە تيەك ەتتى.
«ۇلتتىق بانكتىڭ بولجامى بويىنشا جىلدىق ينفلياتسيا 2017 جىلى 6-8% نىسانالى دالىزىندە بولادى, ال 2018 جىلى 5-7% نىسانالى دالىزگە بىرتىندەپ كىرە باستايدى», - دەدى ول.
ءوز كەزەگىندە, د.ازۋر مۇنايدىڭ جانە بيرجالىق تاۋارلاردىڭ الەمدىك باعالارىنىڭ سوڭعى بىرنەشە جىلدا كۇرت تومەندەۋى جاعدايىندا قازاقستاننىڭ قابىلداعان شارالارىنىڭ ءساتتى بولعانىن, سونداي-اق يكەمدى ايىرباستاۋ باعامى ساياساتىنا قولداۋ كورسەتۋ جانە ينفلياتسيانى باقىلاۋدا ۇستاۋ ءۇشىن اقشا-كرەديت ساياساتىنىڭ نەگىزدەرىن نىعايتۋ بويىنشا جۇمىستاردى جالعاستىرۋ قاجەت ەكەنىن ايتتى.
