سوڭعى كەزدەرى ەلىمىزدە ءداستۇرلى سەنىم-نانىمدارىمىز بەن سالتىمىزعا سىڭگەن ءدىني كوزقاراستارعا ۇيلەسپەيتىن ءارتۇرلى پىكىرلەر مەن ۇستانىمدار بوي كورسەتە باستادى. بۇل ءوز كەزەگىندە ۇلتتىق قۇندىلىقتارىمىزعا دا كەرى اسەرىن تيگىزەتىنى بەلگىلى. اتالمىش قويىلىمدا بۇگىندە بۇكىل الەم ءۇشىن وزەكتى بولىپ تۇرعان وسى سىندى ماسەلەلەر كەڭىنەن قاۋزالعان. اۆتور شىعارمادا ءبىر-بىرىنە مۇلدە قاراما-قايشى ەكى كوزقاراس اراسىنداعى تارتىستى باستى نازارعا الا وتىرىپ, قاراپايىم قازاق وتباسىنداعى وقيعا ارقىلى جاستاردىڭ ءداستۇرلى ەمەس ءدىني اعىمداردىڭ جەتەگىندە كەتۋى مەن تۇرمىسىمىزعا دەندەپ ەنىپ, قوعامدىق دەرتكە اينالىپ كەلە جاتقاندىعىن وتكىر سىنعا العان. استانادان ارنايى شاقىرتۋمەن كەلگەن قازاقستاننىڭ ەڭبەك سىڭىرگەن قايراتكەرى, رەجيسسەر ب.ۇزاقوۆ وسىناۋ جۇگى اۋىر ءدۇنيەنى وتە ءساتتى, ساۋاتتى ساحنالاپ, كورەرمەنگە وي سالار مازمۇنى تەرەڭ شىعارما قويدى.
بىلتىر عانا اقتوبە مەن الماتىدا ورىن العان وقيعالار مەن كەيىنگى ون جىل توڭىرەگىندە ەلىمىزدە بولعان تەرراكتىلەرگە قاتىسۋشىلاردىڭ دەنى وتىزعا جەتپەگەن جاستار ەكەنىن العا تارتاتىن بولساق, قازىرگى كۇن ءتارتىبىندەگى باستى ماسەلە – ءدىني ساۋاتتىلىق پەن رۋحاني-ينتەللەكتۋالدى ۇرپاق ءتاربيەلەۋ ەكەندىگى ايقىندالادى. وسى رەتتە الماتى وبلىسى اكىمدىگىنىڭ قولداۋىمەن, ءمادەنيەت جانە ءدىن ىستەرى باسقار-
مالارىنىڭ قوستاۋىمەن 31 ناۋرىزدا «دەرتكە داۋا – حاق جولى» قويىلىمىنىڭ پرەمەراسى بولعان ەدى. ءدال وسى قويىلىممەن جەتىسۋ ءوڭىرىنىڭ شالعايداعى اۋدان-اۋىلدارىن ارالاعان ۇجىمنىڭ دا باستى ماقساتى حالىق اراسىندا ءداستۇرلى ءدىنىمىز بەن اتا جولىمىزدى ناسيحاتتاپ, جاستاردىڭ تۋرا جولدان اداسپاۋىنا ءوز ۇلەستەرىن قوسۋ.
تەاتر ديرەكتورى ع.تەمەرباەۆا بىزبەن اڭگىمەسىن بىلايشا ءتۇيىندەدى:
– سوڭعى كەزدەرى ەكسترەميس-
تەر بەيبىتسۇيگىشتىككە, ۇستامدىلىققا باۋليتىن ءجانە وزگە ءدىني كوزقاراستارعا ءتۇسىنىستىكپەن قاراۋعا ءتاربيەلەيتىن يسلام ءدىنىن ۋشىقتىرۋعا, باسقا ءوركەنيەتتەرمەن قاقتىعىستىرۋعا تالپىنۋدا, وسى ارقىلى تەك ءدىنارالىق تاتۋلىقتى ەمەس, سونىمەن قاتار مۇسىلماندار اراسىندا دا ىرىتكى سالۋدا. سوعان قاراماستان ءبىز, اعا بۋىن وكىلدەرى جاستارىمىزعا ءداستۇرلى ءدىنىمىزدىڭ ماڭىزدىلىعىن ايتا بەرۋىمىز قاجەت. ەلباسىمىز نۇرسۇلتان ءابىش ۇلى نازارباەۆ ءوزىنىڭ بيىلعى
«قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ەلدىڭ داستۇرلەرى مەن مادەني نورمالارىنا سايكەس كەلەتىن ءدىني سانا قالىپتاستىرۋىمىز كەرەك دەپ اتاي وتىرىپ, XXI عاسىرداعى قازاقستانداعى ءدىني احۋالعا ەرەكشە كوڭىل ءبولدى. شىندىعىندا, ءدىن زايىرلى قوعامىمىزدىڭ اجىراماس بولىگى, سوندىقتان قۇزىرلى مەملەكەتتىك مەكەمەلەر ەلىمىزدەگى ءدىني ساۋاتتىلىقتى ودان ءارى دامىتۋعا ارقاشان دا مۇددەلىلىك تانىتادى دەپ ويلايمىن. سول سەبەپتى ساحنا ونەرى ارقىلى حالىقتى رۋحاني بايىتىپ, تۋرا جولدان اداسپاۋ-
لارىنا ۇلەس قوسۋ دا ءبىزدىڭ تىكەلەي مىندەتىمىز دەپ بىلەمىن.
مونشاق بەكايداروۆا,
تەاترتانۋشى
